Ibraawe5mfx_ltw
1Pettii pettii qeesitay halaqa asay ganccepp maraxinttii, Xoossar helthiza baza asay gishos imotarannee nagara yarshsho yarshshodayis shuuminttiza.2E fa ommas daabura maaqqeez gishos erozitayisinnee balinttizitayis qadhinttodayis danda7iza.3E fa nagara gishonnee as ubba nagara gishos yarshsho yarshshodayis beezizay yeyisii.4Oonkka yha bonchcha paas ekkodayis danda7oowa, zin Aaroona qeesitay halaqa maaqqodayis xeegintteezay garkk Xoossar xeeginttodayis beeziza.5Yey garkkekka, Kiristtoosa qeesitay halaqa maaqqith bonchcha taas beeziza gi fa ommas ekkekkaya. Zini Xoossii eza,«Neenii ta Na7a.Yhayino nena ta yeleeza» eekoyeegiza.6Ma hara aqo,«Malkkexaadiqe qeese maaqqeezay garkk,neenii medhinas qeese maaqqoda»yeegiza.7Yesuusa as maaqqii yha alamel yez wode fana yhayiqoppe ashshodayis danda7iza Xoossa gaame yeeforannee aafuthar woosseeza. E, eza bonchchii kiitintteez gishos Xoossii e woosa si7eeza.8Yesuusa Xooss Na7a maaqqikokka fa waayintteez waayayid kiitintta tamaareeza.9Yeyidakka, Yesuusa folo maaqqeezaypp guye paas kiitinttiza ubbay medhina atotitha denggoday garkk oge maaqqeeza.10Xoossii Malkkexaadiqe qeesetithis shuumeezay garkk qeesitay halaqa udii eza shuumeeza.