Sotintteez Kiristtoosa bagga
1Ta ishuntho, taanii tiina Xoossa qaala yinttis oditattar ye7eez wode doona biilamotitharannee ecetithar ye7ekkaya.2Taanii yinttar yeza wode mazqalel afa sotintteez Yesuus Kiristtoosapp attin hara baz eraami gi ta murtteeza.3Ta yinttar yez wode daaburar, yashsharannee kukkurisar yeza.4Ta kiitannee ta timirtta doona biilamotitharannee ecetithar baazin Geeshsha Ayyana wolqqa qonccisithara.5Yeykka, yi ammanay Xoossa wolqqayirapp attin as ecetithal katamay garkkesii.Xooss ecetitha
6Ayyana de7or dicceezitayis nuunii ecetith qaalar odiza. Zini yha ecetithay, yha sa7a ecetith woy dhaboss yez yha sa7a haarizitay ecetith baaya.7Zini nuunii odiza ecetithay, gaame wodepp tiina Xoossay nu bonchchayis giigiseezannee geema yez xuura ecetithii.8Yha sa7a haarizitaypp pettakka yha ecetitha erekkaya. Unttii ereezbaz maaqqeezako, bonchcho Goda mazqalel afa sottaamizin.9Zini Geeshsha Maxaafayid,«Aafe be7ekka baz,haye si7ekkabaz,wozina qoppekkabaz,Xoossay fa dosizitayis giigiseeza» yeegiza.10Xoossay fa xuura fa Ayyana baggar nuus qoncciseeza. Geeshsha Ayyanay hara attozin geemmeez Xooss xuura ubba pilagiza.11As gancce yez as ayyannpp attin asibaz ookka erooya. Yey garkkekka, Xoossi baz Xooss Ayyanapp attin ookka erooya.12Xoossay nuus cere inggeezibaz nu eroday garkk Xoossa Ayyana ekkeezapp attin yha sa7a ayyana ekkekkaya.13Nuunii ayyana baz, ayyana asayis as ecetithar baazin Xooss Ayyanay inggiza ecetithar taamarssiza.14Zini Geeshsha Ayyana baa as Xooss Ayyana imotita ekkaamii. Yey ees boozetithii; ubbay Geeshsha Ayyanar pilaginttiz gishos E erodayis danda7ooya.15Zini Geeshsha Ayyana yez asii ubba baz pilagiza, zin eza ookka pilagooya.16Geeshsha Maxaafayid,«Goda wozina erizay oonoo?Eza zorodayis danda7izay oonoo?»ginttinttii xaafintteezay garkke. Nuus Kiristtoosa wozina yeza.