Ammaniza Asayis shiiqeez tam7e
1Ammaniza asayis miisha shiisho bagga Galata woosa keethitayis taanii azazeezay garkk yinttikka oothoytta.2Miishe shiisho ta yinttiko yhanigodar maaqqaamay garkk pettay pettay saaminttapp tiina gallas, wogga wode wogga wode fa denggiza bazapp kessii fa kara gantho.3Taanii ged yhanigeez wode miishe Yerusalaame helthoday garkk yi dooreez asayis dabddaabbe inggii unttan Yerusalaame azazoda.4Unttar tana yhamo beeziza baz maaqqiko unttii taara yhanigodayis danda7iza.Phawuloosa qofa
5Taanii Maqadoonar aadhodayis qoppeez gishos ged yhanigii yinttiko ye7oda.6Ta yhanigiza aqo ana maaqqikokka, ta yhamayid yi tana maaddoday garkk yi kale xiqqa wode gam7ekka attaamii. Barigo aginita yi kale aatho waayii ashshoda.7Taanii ogera aadhittar yinttan be7adayis koyooya. Goday giiko, yi kale unddenna wode katam7odayis qoppiza.8Zini taanii Phenxeqosxe Baale hellodayis Efesoona gam7oda.9Taas ooso kumeeza dalgge peenggay dooyintteeza, zin gaame eqinttiza morkkitay yeza.10E ta garkk Goda ooso oothiza as maaqqeez gishos Ximaatoosa yinttiko yhanigiko, yi kale E yashittekkazar yezoday garkk oothoytta.11Oonkka eza kadhippe. E taako saro maaqqoday garkk eza maaddii moyzoytta. Taanii E yhankko ammanizitayir maaqqodana naagiza.12Nu isha Aphphiloosa yhankko ammanizitayir yinttiko yhammaday garkk ta eza miinthii woosseeza. Yhatti yinttiko yhanigodayis koyekkaya, zin ees giigeez wode yinttiko yhammada.Wurssith zorennee sarotho
13Barkkoytta; Ammanor eqqoytta; xaaloytta; miinggoytta.14Ooso ubba siiqor oothoytta.15Ta ishuntho, Isxifaanosennee e kara asay Akkaya biitta unttii tiina ammaneezita maaqqeezannee ammanizita maaddodayis fana aathii inggeezana yi eriza.16Yinttikka u garkk asisinnee, unttara oosor daaburiza ubbayis kiitenttoday garkk ta yinttan woosiza.17Isxifaanosa, Firdonaaxisennee Akkayqoosa taako ye7eezay tana ufaysseeza. Yi baa aqo unttii yinttan maaqqii ta paca kuntheeza.18Unttii yinttan ufaysseezay garkk tanakka ufaysseeza. Yey garkk asita denthithoytta.19Iisa woosa keeth asay yinttan saro giza. Aqilannee Phirisqila fa kara shiiqiza woosa keeth asayira pettipp yinttan Goday sunthayir sarotheeza.20Ammaniza ishitay ubbay yinttan saro yeegiza. Geesh yeerintto yeerinttittar woli sarothoytta.21Taanii, Phawuloosa, yha sarotha ta kusher xaafeeza.22Goda dosowa as yeziko, baadintteeza maaqqo. Nu Godayyo, yhana ye7oba!23Goda Yesuus Kiristtoosa aadho keehatithay yinttar maaqqo.24Ta siiqqay Kiristtoosa Yesuusar yez yi ubbayira maaqqo. Amin77ii.