ጾስ ናእታ
1ኑኒ ጾስ ናእታ ግንትንቲ ጼግንቶድ ጋርክ ጾሲ ኑና አብ ጋርክ ዶሴዛኮ ቦኦይታ። ኑኒ ቱማካ ጾስ ናእታ። Ꮊ አላማይ ጾሳ ኤረካ ግሾስ ኑናካ ኤሮያ።2ታ ሲቆ እሹን፥ Ꮊት ኑኒ ጾስ ናእታ፤ ኑኒ ሀሮንተስ አብ ሀኖዳዛኮ ሀጋ ኤርንተካያ። ዝን ክርስቶሳ ቆንጭዝ ዎደ ኑኒ ኤዛር የዞዳና ኤርዛ። ኤ ቱማ የዛና ኑኒ በአዳ።3ክርስቶሳ ቦኦዳ ግ ኡፋይሳር ናግዛ ኦንካ፥ ክርስቶሳ ጌሽ ማቄዛይ ጋርክ ፋና ጌሽዛ።4ናጋራ ህገ መን ማቄዝ ግሾስ ናጋራ ኦዛ ኡባይ ጾስ ህገ መንዛ።5ክርስቶሳ አሳይ ናጋራ ብሶዳይስ ቆንጬዛና ይ ኤርዛ፤ ኤዛር ናጋራ ባያ።6የይ ግሾስ ክርስቶሳር የዝ ኦንካ ናጋራራ ኦያ። ማ ናጋራራ የዝ ኦንካ ኤዛ በኤካያ ዎይ ኤረካያ።7ታ ናኡን፥ ይንታን ኦንካ ባልፐ። ክርስቶሳ ጌሽ ማቄዛይ ጋርክ ጌሽ ኦዛ ኦንካ ጌሺ።8ዳቡሎሳ ቲናፕ አይኪ ናጋራ ኦዝ ግሾስ ናጋራ ኡባ ዎደ ኦዛ ኦንካ ዳቡሎሳ ዳቦ። የይ ግሾስ፥ ጾስ ናአይ ዳቡሎሳ ኦሶ ላሎዳይስ ቆንጬዛ።9ጾሳፕ የልንቴዝ ኦንካ ጾስ አያናይ ኤዛል የዝ ግሾስ ኤ ኡባ ዎደ ናጋራራ ኦያ። ጾሳፕ የልንቴዝ ማቄዝ ግሾስ ናጋራራ ኦያ ኦዳይስ ዳንዳኦያ።10ጾስ ናእታይኔ ጻላሄ ናእታይ የዝ ዱማትይ Ꮊይር ኤርንትዛ፤ ጌሽ ኦዋዛይኔ ዎይ ፋ እሻ ዶሶዋ አስ ጾስ ናአ ባያ።ዎል ዶሶይታ
11ስሳፕ ይ ስኤዝ ኪታይ፥ «ዎል ዶሶዳይስ ቤዝዛ» ዬግዝ ኪታ።12ኑኒ ቃኤላ ጋርክ ማቆዳይስ ቤዞያ። ቃኤላ ጻላሄ ዳቦ ማቂ ፋ እሻ ዎዛ። ኤ ፋ እሻ አብስ ዎኔ? ኤ ኦሳይ ኢታ ማቄዝ ግሾኔ ኤ እሻይ ኦሳይ ሎኦ ማቄዝ ግሾስ ዎዛ።13ታ እሹን፥ Ꮊ አላማይ ይንታን እጽኮ ማላባዝ ጊፐተ።14ኑኒ ኑ እሽታ ዶስዛ ግሾስ Ꮊይቆፕ ደኦ ፒንጌዛና ኤርዛ። ፋ እሻ ዶሶዋ ኦንካ Ꮊይቆ ኩያ የዛ።15ፋ እሻ እጽዛ ኦንካ ሸምፖ ዎዛያ። ማ ሸምፖ ዎዝ ኦስካ መና ደኦ ባዛና ይ ኤርዛ።16ክርስቶሳ ፋ ሸምፓ ኑ ግሾስ ኣ እንጌዛይድ ሲቆ አብዛኮ ኑኒ ኤሬዛ። ኑካ ኑ እሽታይ ግሾስ ኑ ሸምፓ ኣ እንጎዳይስ ቤዝዛ።17ዝን ሀራ ማዶዳይስ ሳሎ የዝ ኦንካ መትንቴዛና ብእታር፥ ኤስ ቃንታም እጽኮ ፋ ዎዛናይር ጾስ ዶስዛ ጎዳይስ ዋይዚ ዳንዳኤ?18ታ ናኡን፥ ኑኒ ኦሶራኔ ቱማትር ኑ ሲቆ ቤዞዳይስ ቤዝዛፕ አትን ጨረ ኦዳ ኣዳር ዎይ ዶና ማልእ ኣዳር ሲቅንቶዳይስ ቤዞያ።ጾስስ አማንንቶ
19Ꮊይራካ ቱማ አስታ ማቄዝታኔ ጾስ ቲና ህራ ባይ አማንንቲ ሺቆዳይስ ዳንዳእዛና ኤርዛ።20ኑ ዎዝናይ ኑል አፋ ፕርድዛ ባዝ ማቅኮካ፥ ጾሲ ኑ ዎዝናይፕ ግታ ማቄዝ ግሾስ ኤ ኡባ ባዝ ኤርዛ።21ታ ሲቆ እሹን፥ ኑ ዎዝናይ ኑል አፋ ፕርዶዋ ባዝ ማቅኮ ኑና ጾስ ቲና ያሽዝ ባዝ ባያ።22ኑኒ ኤ አዛዛ ናግዛ ግሾኔ ኤዛ ኡፋይስዝ ባዝ ኦዛ ግሾስ ኑ ዎስዛ ኡባ ኤፕ ኤኮዳ።23ክርስቶሳ ኑና አዛዜዛይ ጋርክ ጾስ ናአ የሱስ ክርስቶሳ ሱንይር አማኖዳይ ጋርከኔ ዎል ሲቆዳይ ጋርክ ጾሲ ኑና አዛዜዛ።24ጾስ አዛዛ ናግዛ ኦንካ ጾሳር የዛ፤ ጾሳይካ ኤዛር የዛ። ጾሲ ኑስ እንጌዝ ጌሻ አያናይ ባጋር ኤ ኑር የዛና ኤርዛ።