Hosea8
Anọng p'Israẹl m'atọka irem k'itama sabẹ
1“Màtima enyisa won ẹmọng z'ẹmma!Kirẹ etingẹ kk'ẹsaka ny'Ọsọhm kw'Ọvaar Ibinọkpaabyi,okurọ bẹ́, nkk'odik kwaam abhuma,m'ọdọk asana paam kakpobh.2Anọng p'Israẹl abhomọ ayere-m bẹ́,“O Ibinọkpaabyi kwamina, mina motim ozong-ọ ka e.”3Anọng p'Israẹl kk'ọttọhk ọkkọkka abhuma;ọwawunanọng m'okwubh bẹ.4Bẹ masi anọng mvaar, m'kaam kabọbhọ.Mateka asonọng, m'kaam katekẹ.Matima silva ọmaana gol pabẹ oyenẹmasi akpatap'abhakẹ asi bẹ itama.5Bọnga anọng p'Samariya, màrọhbha ọkpata kwabọnga kw'ọbhaamnwa, bharẹ o!Ettem kk'aam epyibha ẹmaana bẹ.Ogbe m'obhir otuma yen, pira maruk akpen p'awur-owur o?6Ọkpata nwo ofon z'Israẹl!Ọbhaamnwa nwoma ode ọtọhmbọhk f'otiteka;Ibinọkpaabyi azang nya.Mm'avọhkọ ọbhaamnwa nwokw'Samariya ma tukutuku .7“Bẹ matubhọ ofum,mapha bhakabhaka.Ch'ekpo py'matubhọ ina agbok esi;ekpo mbyo mẹ̀wọm.Ó̱de ébir ẹwọm-ọwọm,akikennọng m'achi pyẹ maphyir.8Israẹl kk'oluka e;kẹ node mach'ẹkọma ch'ina ọttọhk áfẹ̀ ọbangz'ititika s'nkọma njoza.9Bẹ nkk'achina z'Asiriyamach'ẹnyanya ch'ẹd-ẹtọhka ekpo ch'nna otum ake, ed-etten-ottena.Ephraim kk'ifor sẹ ọkpa ọnang adaakẹ-nọng pẹ.10Zaabẹ́ nkk'ifor sabẹ akpa anang ayok-nkọma ọdọk-ọdọk,kaam m'ntobha bẹ k'ibyi majanẹ.Mm'atọma irem otitọkak'mbọhk s'avaar p'mm'atima ẹfa abaabh bẹ.11“Zaabẹ́ Ephraim kk'ọja-byi f'epyibha ogbugbobhọ ottima k'ọsaabh,ọja-byi mvo noter ode obyi f'mpyibha osisi.12Kaam nkkẹrẹ idik saabhada s'imaan apaanga paam, nnang bẹ,okenaka, bẹ maze jẹ mach'idik s'ibin nkọma ọdọk-ọdok.13Zaabẹ́ matim nnanga afọhnọ nja anang-m,mabira achi nten s'nnanga njo,nja njo kaam Ọvaar Ibinọkpaabyi ettem melebh.Kẹ m'ojima itama sabẹ madidanma,obira ọnang bẹ irem k'mpyibha sabẹ.Bẹ mm'akpa nnam z'Ijip.14Israẹl kk'Ọnọng kw'osi bẹ ọzaama,obir ottima adimpa;Juda kk'ibhon siden s'ẹfa ọsa k'ọsaabh.Okenaka, kaam m'ntọhm ekpon ny'ibhondim sabẹ,mfha ẹkwọmọ ọfa-byi fabẹ maphyir.”The Seed Company