IOBU34meu_png
1Elihu ma eto:2Aonga taumui e egu hereva a kamonai;mai dibamui taumui e, taiamui a hakede henigu.3Badina be taia ese hereva e tohodiamu,mao ese aniani e mamia tohomu na heto.4Dala maoromaorona baita abia hidi;baita haeroa hebou ḡau namona be edena.5Badina be Iobu na e tomu: Lau na asi egu kerere,bona Dirava ese hahemaoro na egu amo vada e abia oho;6ena be lau na maoromaoro, to koikoi tauna ai e halaogumu;ena be asi egu kerere, to berogu na asi ihanamona.7Daika na Iobu heḡereḡerena?Ia ese ḡonaḡona herevadia e inumu, ranu na heto;8ia na kara dika taudia ida e hebamo hehenimu,bona kara havara taudia ida e raka heboumu.9Badina be ia eto: Dirava ihamoalelaina aitau ta ese ena namo taina basine davaria.10Taunabunai, lalo-parara taumui e, a kamonai henigu:Dirava na basine kara dika;Siahu-idoinai Diravana na basine kerere,lasi ona lasi vaitani.11Badina be tau ta ena ḡaukara heḡereḡerena ai davana baine henia,bona ena dala heḡereḡeredia ai baine kara henia.12Momokani, Dirava na basine kara dika;Siahu-idoinai Diravana ese hahemaoro basine hagagevaia.13Daika ese tanobada ireḡuna ai e halaoa?Daika ese tanobada idoinai hekwarahina na ia latanai e atoa?14Ena lauma na bema abia lou, sibona enai,bona laḡana danu bema haboua lou,15mauri ḡaudia iboudiai na bema mase bou,bona taunimanima na ḡahu bema lou henia.16Bema mai emui lalo-parara, a hakala;egu hereva ba kamonai.17Hahemaoro ḡoevaḡoeva e inai heniamu tauna na baine lohia a?Kara maoromaoro bona goada tauna ba revaia a?18Ia ese pavapava e hamaoroamu, e tomu “Oi na kara kava taumu”,bona lohia na e hamaorodiamu, e tomu “Oi na kara dika taumu”.19Ia na pavapava ediai se taomu;taḡa taudia se lalodia badamu bona ogoḡami taudia se lalodia maraḡimu,badina be iboudiai na ia imana ese e karadia.Ia ba revaia a?20Idia na e mase takumu;malokihi ai taunimanima na e marere-mareremu bona e pukimu,bona goada taudia na e heabi ohomu, dia taunimanima imadia amo.21Badina be ia ese taunimanima ta ena dala e itadia taomu,ia aena daḡadia iboudiai e itadiamu.22Asi gabu vaburana eiava diburana ta mia,kara dika taudia na bae komu;23badina be tau ta ena nega se gwauraia guna,Dirava vairanai hahemaoro baine abia.24Ia ese goada taudia na e huaridiamu, se tahudia gunamu;ma haida na gabudia ai e atodiamu.25Taunabunai, edia kara dibana dainaiia ese hanuaboi ai e haheḡiḡidia dobi;bena idia na e hemoi patapatamu.26Edia kara dika daidiai ia ese e rahudia masemutaunimanima vairadiai;27badina be ia iḡavana amo e raka siri,bona ena dala ta se laloa;28bena idia daidiai ogoḡami taudia edia taitai na ienai e kau,bona hisi-ani taudia edia taitai na e kamonai.29Asi reḡereḡena negana ai, daika ese baine revaia?Vairana e huniamu negana ai, daika ese baine itaia?Bese ta eiava tau ta danu unuheto.30Taunabunai, Dirava se matauraiamu tauna na basine pavapava;ia ese taunimanima na basine idoadia.31Tau ta ese Dirava bema hamaoroa, bema toma:Kerere davana vada na abia, basina kerere lou;32asina itamu ḡaudia na ba hadibagu;bema na kara dika, vada basina kara lou;33bena dava baine ha-idaua oiemu ura heḡereḡerenabadina be o dadaraia dainai a?Badina be oi ese bavabia hidi, dia lau;taunabunai dibamu ḡauna ba gwauraia hedinarai.34Lalo-parara taudia ese bae hereva henigu,bona mai aonegana ida e kamonai henigumu tauna na baineto:35Iobu ese asi dibana ḡaudia e herevalaimu,ena hereva na dia lalo-hadai dobudia amo asie varamu.36Iobu ena haheauka na bema tohoa ela bona dokona;badina be ena haere na kara dika taudia edia haere heḡereḡeredia.37Badina be ena kara dika latadiai gwau-edeede ma e atoa kaumu,ita bogaragidai imana e patapatadiamu,bena Dirava ihadikana herevadia momo herea e gwauraimu.