IOBU29meu_png
1Bena Iobu ma e haroro, eto:2Hua gunadia ai, Dirava ese e gimagu dinadia ai,na nohova heḡereḡerena ai bama noho bema namo.3Una negana ai iena lamepa ese kwaragu e hadiaria,bona ena diari ai dibura lalona amo na raka hanai.4Egu goada dinadia ai na nohova heḡereḡerena ai bama noho bema namo;una negana ai Dirava ena hetura na egu kalaga latanai e miava,5bona Siahu-idoinai Diravana ese e bamoguva,bona natugu na dekegu ai e nohova;6una negana ai aegu vataḡadia na rata amo e huridia,bona dehoro na sinavai na heheto nadi-gini amo e aru lasi.7Hanua ikoukouna na lao heniabona hanua ariarana ai egu helai gabuna na abia hata negadia ai,8eregabe taudia ese e itagu, bena e raka oho,bona tatau burukadia na e tore isi, e gini;9pavapava danu asie hereva,bona ududia na imadia amo e koudia;10lohia na asi reḡereḡedia,bona maladia na ududia atai maodia ai e kape dae.11Taia ese e kamonai negana ai, e hanamogu;mata ese e itaia negana ai na e hamomokania;12badina be ogoḡami tauna e tai negana ai na hamauria;ihareha danu, asi iduruna negana ai na hamauria.13Masena vada e kahira-kahira tauna ese e hanamogu,bona vabu ese lalona ai moale anedia e abi lau daigu ai.14Kara maoromaoro na hahedokilaia, ia ese e hadabualaigu;egu hahemaoro ḡoevaḡoevana na hahedoki dabuana bona kwara dabuana na heheto.15Lau na matakepulu tauna matana,bona ae-hedairike tauna aena.16Lau na ogoḡami tauna tamana,bona asi dibagu tauna sivaraina na tahua.17Kara gageva-gageva tauna dodomana na hakwaidudia,bena damuna na isena amo e moru.18Bena na laloa, nato: Egu ruma ai baina mase,bona egu mauri dinadia baina hahohodia, miri na heto.19Ramugu na e hatamu, ranu e davariamu;bona hunu na rigigu ai e dihomu, hanuaboi idoinai.20Hairaigu na e matamatamubona egu peva e matamata hanaihanaimu imagu ai.21Taunimanima ese e hakala heniguva, bona e henariva;asi reḡereḡedia egu hahealo e nariava.22Lau na hereva murinai idia na asi reḡereḡedia;egu hereva na latadiai e kau.23Idia ese e narigu, medu bema naria na heto;ududia e haḡadia, medu gabedia negadia heḡereḡeredia.24Edia daradara negadia ai na kiri amo na hagoadadia,bona vairagu diarina na idia ese asie habodoa.25Edia dala na abia hidi, edia lohia tauna ai nala;hekara pavapava na ena tuari taudia bogaragidiai e nohomu heḡereḡerena ai na nohova,eiava taitai taudia e hamarumarudiamu tauna na heto.