ዓይኑሞ ማፃኣፖ92mdy_twf
ዓይሁዶኮ ሃውሾ ኬሎና ዓይናዺንታ ዓይኑሞ
ጋላታ ዓይኑሞ
1ናንጊና ናንጋ ጎዳ ጋላቲሢ ኮሺኬ፤ዼኤፖ ፆኦዛሢዮ! ኔ ሱንፆም ዓይናዺሢያ ቃራኬ።2ሚጪንቲፆ ኔኤሲ ጉቴ ጉቴጉሙርቂንቲፆዋ ዋንታ ዋንታ ኬኤዚፃ ኮሺኬ።3ታጶ ሻዦ ዴንሢ ዋርቆ ጎኦሎናዬያጉዴ ዓይኑሞ ዓንጎና ዓይናዺ ኬኤዚፃ ቃራኬ።4ናንጊና ናንጋ ጎዳሢዮ!ኔኤኮ ማዾና ታ ዎዛዼሢሮኔ ኩጮና ኔ ማዼ ማዾሮ ዎዛና ታ ዓይናዻኔ።5ናንጊና ናንጋ ጎዳሢዮ!ማዻ ኔኤኮ ዎዚ ዼኤፒዳይ!ማሊፃኣ ኔኤኮ ዎዚጉዴ ሄሊንቱዋያዳይ!6ቦኦዛ ዓሲ ዔራኒዔኤያ ዓሲያ ማሊ ጶቂሣኒዬያ ዳንዳዑዋሴ።7ፑርቶ ማዻ ዓሳ ማኣቲጉዲ ባቃላያ ማዔቴያጌኔ ማዻ ዓሳ ቡኔቴያናንጊና ዔያታ ባይቃንዳኔ።8ናንጊና ናንጋ ጎዳሢዮ!ኔኤኒ ጋዓንቴ ዼኤፒ ማዒ ናንጋያኬ።9ናንጊና ናንጋ ጎዳሢዮ! ሞርካ ኔኤኮ ባይቃንዳኔ፤ፑርቶ ማዻዞንሢያ ቢያ ላኣሊንታንዳኔ።10ታኣኮ ካኣሮ ጋዓንቴ ዖሶ ካኣሪጉዲ ኔ ዼጊሴኔ፤ሃጊ ጊሲንቴ ዛይቴና ኔኤኒ ታና ቲሽኬኔ።11ታ ሞርኮኮ ሎኦሚፆ ዓኣፓ ታኣኮ ዛጌኔ፤ዋያ ታኣኮ ፑርቶ ሞርኮኮ ባሺንቲፆ ዋይዜኔ።12ፂሎ ዓሳ ዓዳ ሜኤፄጉዲ ጋምፒንታኔ፤ሊባኖኦሴ ሚፆጉዲያኣ ዑጋኔ።13ዔያታ ናንጊና ናንጋ ጎዳ ማኣራ ቱኪንቴኔ፤ዓሳ ቡካ ጶኦካኣ ጋምፒንታንዳኔ።14ጋርቼ ዎዶናታዖ ዔያታ ዓኣፓንዳኔ፤ዓኣዓያ ማዒ ዶዴ ጎይሣ ናንጋንዳኔ።15«ናንጊና ናንጋ ጎዳ ፒዜኬ፤ዒዚ ታኣኮ ላላሢኬ፤ዒዛኮ ዻቢንቲ ባኣያኬ» ዔያታ ጋዓንዳኔ።