ዓይኑሞ ማፃኣፖ62mdy_twf
ዓይኑሞ ሱኡጋሢ ዓይሣ ጎይፆና ዔዶታኣሜ ዛሎ ዓይናዺንቴ ዳውቴ ዓይኑሞ
ፆኦሲ ሌሊ ጉሙርቂሢ
1ሼምፓሢ ታኣኮ ሃውሾ ዴንቃሢ ፆኦሲና ሌሊኬ፤ዻቂንታ ታኣም ሙካሢ ዒዛይዳፓኬ።2ታኣኮ ላሎ ሹጫሢና ዼኤሻሢ ዒዛ ሌሊኬ፤ታኣኮ ፑኖ ካያሢያ ዒዛኬ፤ፔቴታዖ ታ ዓጊፃዓኬ።3ዓሲ ዒንሢ ማኣሳንሣሢ ዓይዲ ሄላንዳኣናዳይ?ሃያ ዢኢፔ ኮጮና ዓጊፃ ዲሮዒንሢ ቢያሢ ሂዒ ዶይሳኒ ኮዓ?4ዔያታ ኮዓሢ ዒዛ ቦንቻፓ ሺኢሻኒ ማዔሢሮዒዛይዳ ሉኡዙሞ ጌስታኒ ዔያታ ናሽካኔ፤ዔያታ ዻንጎና ዒዛ ዓንጃኔ፤ዒኖና ጋዓንቴ ዒዛ ጋጋዳንቃኔ።5ታኣኮ ሼምፔሌ ሃውሺጋፓ ፆኦሲ ሌሊ ካፔ፤ታኣኮ ሃጊ ማዓ ዎዛ ሙካሢ ዒዛይዳፓኬ።6ታኣኮ ላሎ ሹጫሢና ዼኤሻሢ ዒዛ ሌሊኬ፤ፑኖ ካያሢያ ታኣኮ ዒዛኬ፤ታኣኒ ዓጊፃዓኬ።7ታኣኮ ዻቂንቶና ቦንቾና ፆኦሲናኬ፤ዶዶ ላላሢንታ ዓኣሺንቶ ቤዛሢያ ዒዛኬ።8ዓሲዮቴ! ቢያ ዎዴና ዒዛ ጉሙርቁዋቴ፤ዒኖ ዒንሢሲ ዒዛ ቤርቶ ሺኢሹዋቴ፤ዒዚ ኑኡኮ ፑኖ ካያሢኬ።9ቶኦቺንቴ ዜርሢዳፓ ሾይንቲሢ ጉሪኬ፤ቦንቺንቴ ዜርሢዳፓኣ ሾይንቲሢያ ሉኡዙሞኬ፤ዴኤሡሞ ዔሮ ባኮይዳ ዴኤፂ ጴዼያታቴያዬይ ቢያ ዎሊ ዑፃ ዢባሬይዳፓ ሼሌዓያኬ።10ቡሪ ዔኮና ባኣዚና ሄርሺንቲፖቴ፤ዒንሢ ሳሪ ዔኬ ባኮናኣ ቦንቺንታኒ ዎዛዺፖቴ፤ቆላ ዒንሢኮ ሚርጌታቴያ ዬያና ጉሙርቂንቲፖቴ።11ዎልቄ ፆኦሲሮኬ፤ዒዚ ፔቴ ባኣዚ ኬኤዛንቴላምዒ ማይንቲ ታ ዋይዜኔ።12ናንጊና ናንጋ ጎዳሢዮ! ሚጪንቲሢ ኔኤሮኬ፤ኔኤኒ ፔቴ ፔቴሢም ማዾጉዴያ ጪጋንዳኔ።