ዓይኑሞ ማፃኣፖ143mdy_twf
ዳውቴ ዓይኑሞ
ፆኦሲፓ ማኣዶ ዴንቃኒ ሺኢቆ ሺኢጲሢ
1ናንጊና ናንጋ ጎዳሢዮ! ሺኢጲፆ ታኣኮ ዋይዜ፤ታኣኒ ኔና ሺኢቃ ሺኢጲፆ ባንሢ ዋይዚ ጌሤ፤ኔኤኒ ጉሙርቂንታያ፥ ሃሣ ፒዜ ማዔ ጎይፆናታ ሺኢቃ ባኮ ታኣም ዒንጌ።2ኔ ቤርታ ፔቴታዖ ፂሎ ማዓ ዓሲ ባኣሢሮታና ኔ ዓይላሢ ዎጌሮ ኔ ቤርቶ ዔኪ ሺኢሺፖ።3ታ ሞርካሢ ታና ዎዻኒ ዳውሳኔ፤ዹሚዳ ጌልዚ ቱኪ ታኣኮ ካራ ባይዜኔ፤ሚርጌ ዎዴኮ ቤርታ ሃይቂ ዱኡቴ ዓሶጉዲ ታኣኒ ማዔኔ።4ታኣኮ ጋሮይዳ ዓኣ ሼምፓሢ ባኣያ ማዔኔ፤ዒና ዲቃቴም ካራ ታኣኮ ባይቄኔ።5ታኣኒ ሚናኣ ዎዶ ጶቂሢ ማሌኔ፤ኔኤኒ ማዼ ማዾዋ ሺርሺ ሺርሺ ታ ማሌኔ፤ኔ ዎልቆና ኔ ማዼ ባኮዋ ቢያ ታ ጶቂሴኔ።6ታ ኩጮ ኔና ሺኢቂ፥ ኔ ባንሢ ታ ዔቂሴኔ፤ዳውሌ ዓጪዳ ዋኣሢ ዼኤባሢጉዲታኣኮ ሼምፔላ ዒማዺ ኔና ዼኤቤኔ።7ናንጊና ናንጋ ጎዳሢዮ! ሼምፓሢ ታኣኮ ላቤሢሮኔጉዋዖ ታ ሺኢቃ ባኮ ታኣም ዒንጌ፤ኔ ዓኣፖ ካሮ ታ ባንፃፓ ሺርሺፖ፤ኔ ዬያይዴቴ ሳዖ ዴሞ ኬዳ ዓሶጉዲ ታኣኒ ማዓንዳኔ።8ታኣኒ ጉሙርቃሢ ኔና ማዔሢሮኬላ ኬላ ኔኤኮ ናንጊና ናንጋ ናሹሞ ታና ዔርዜ፤ታ ሼምፓሢ ሃዳርሲ ታ ኔኤም ዒንጌሢሮታኣኒ ዴንዳንዳ ጎይፆ ታና ዻዌ።9ናንጊና ናንጋ ጎዳሢዮ! ታኣኒ ኔና ፑኖ ካያሢ ማሄሢሮታኣኮ ሞርኮይዳፓ ታና ማኣዲ ዓውሴ።10ኔኤኒ ታኣኮ ፆኦዛሢኬ፤ኔ ጋዓ ባኮ ታኣኒ ማዺ ኩንሣንጉዲ ታና ዔርዜ፤ኔኤኮ ኮዦ ዓያኖና ኮሺ ጎይሢ ታኣም ዻዌ።11ናንጊና ናንጋ ጎዳሢዮ! ኔ ቦንቾም ጌይ ታ ሼምፓሢ ካፔ፤ኔኤኮ ፒዙሞ ማዾና ታኣኮ ሜቶይዳፓ ቢያ ታና ኬሴ።12ኔኤኮ ናንጊና ናንጋ ናሹሞ ፔጋሲ ታኣም ዻዋኒታኣኮ ሞርኮ ዎዺ ባይዜ፤ታኣኒ ኔኤኮ ዓይላሢታሢሮታኣም ፑርታ ባኣዚ ማዻ ዓሶ ቢያ ኩርሴ።