Read ዓይኑሞ ማፃኣፖ 118

ዓይኑሞ ማፃኣፖ118mdy_twf

ናንጊና ናንጋ ጎዳ ቢያ ዎዴ ሚጪንታያ ማዔሢ

¹ናንጊና ናንጋ ጎዳ ኮሺ ማዔሢሮዒዛ ጋላቱዋቴ፤ሚጪንቲፃ ዒዛኮ ናንጊና ዶዲ ናንጋኔ።²ዒስራዔኤሌ ዴራ ቢያ«ሚጪንቲፃ ዒዛኮ ናንጊና ናንጋያኬ» ጎዖንጎ።³ዓኣሮኔ ማኣሮ ዓሳ«ሚጪንቲፃ ዒዛኮ ናንጊና ናንጋያኬ» ጎዖንጎ።⁴ዒዛ ዒጊጫ ዓሳ ቢያ«ሚጪንቲፃ ዒዛኮ ናንጊና ናንጋያኬ» ጎዖንጎ።

⁵ታኣኒ ሜታዼ ዎዶና ናንጊና ናንጋ ጎዳ ዔኤሌኔ፤ዒዚያ ታኣም ማሂ ዬሄኔ፤ኩንዒንቲፃፓ ዒ ታና ኬሴኔ።⁶ናንጊና ናንጋ ጎዳ ታኣና ዎላኬ፤ታኣኒ ዒጊጫዓኬ፤ዓሲ ታና ዓይጎ ዎኦታንዳይ?⁷ታና ማኣዳኒ ዒዚ ታኣና ዎላኬ፤ታ ሞርካ ሎኦማሢ ታ ዛጋንዳኔ።⁸ዓሲዳ ጌኤቂንቲሢዳፓ ባሼናንጊና ናንጋ ጎዳ ፑኖ ካይዚ ማሂሢ ቃራኬ።⁹ዎይሣ ዓሶ ጉሙርቂፆይዳፓ ባሼናንጊና ናንጋ ጎዳ ፑኖ ካይዚ ማሂፃ ቃራኬ።

¹⁰ዴራ ቢያ ታና ማንጌኔ፤ጋዓንቴ ታ ዔያቶ ናንጊና ናንጋ ጎዳ ሱንፆና ባይዜኔ።¹¹ማንጊፆ ዔያታ ቢያ ዛሎና ታና ማንጌኔ፤ጋዓንቴ ታ ዔያቶ ናንጊና ናንጋ ጎዳ ሱንፆና ባሼኔ።¹²ዓዳ ማሢጉዲ ዔያታ ታ ዑፃ ቁንዴኔ፤ጋዓንቴ ዓንጊሢ ታሚዳ ዔኤታሢጉዲ ዔያታ ጋፔኔ፤ጎኔና ናንጊና ናንጋ ጎዳ ሱንፆና ታ ዔያቶ ባይዜኔ።¹³ሂዖም ሎኦማኒ ታ ጋኣዲንቴኔ፤ጋዓንቴ ናንጊና ናንጋ ጎዳ ታና ማኣዴኔ።¹⁴ናንጊና ናንጋ ጎዳ ታኣኮ ዶዱማሢና ዓይናዾሢናኬ፤ዒዚ ታኣኮ ታና ዓውሳሢኬ።

¹⁵ፂሎ ዓሶኮ ማኣራ ዒላሺሢና ሶራይቲና ዋይዚንታኔ፤ዑኡዛ ሂዚ ጋዓኔ፦«ናንጊና ናንጋ ጎዳኮ ዎልቃ ዶዲ ማዾ ማዼኔ!»¹⁶ናንጊና ናንጋ ጎዳኮ ሚዛቆ ኩጫ ዼግ ዼጊ ጌዔኔ፤ዬይ ኩጫ ዶዲ ማዾ ማዼኔ።

¹⁷ቶሊ ዓቲ ሼምፔና ናንጋንዳኣፓ ዓቴም ታ ሃይቂንዱዋሴ፤ናንጊና ናንጋ ጎዳኮ ማዾ ታ ሃጋኣ ኬኤዛንዳኔ።¹⁸ጎሪፆ ናንጊና ናንጋ ጎዳ ታና ኮሺ ጎሬኔ፤ጋዓንቴ ሃይቢም ዓኣሢ ታና ዒዚ ዒንጊባኣሴ።

¹⁹ፂሉሞኮ ካራ ታኣም ቡሉዋቴ ፤ዬያና ጌሊ ታ ናንጊና ናንጋ ጎዳ ጋላታንዳኔ።

²⁰ዬና ካሬላ ዒዛ ካራኬ፤ፂሎ ዓሳ ዒዞና ጌላኔ።

²¹ዋይዚ ኔ ታኣም ማሄኔ፤ታና ኔ ዓውሳሢ ማዔሢሮዋ ታ ኔና ጋላታኔ።

²²ማኣሮ ሹጮና ማዣ ዓሳ ቶኦቼ ሹጫሢማኣሮኮ ሄላሢ ማዔኔ።²³ዬያ ናንጊና ናንጋ ጎዳ ማዼኔ፤ዬይ ኑ ዓኣፖም ዲቃሣያኬ።²⁴ናንጊና ናንጋ ጎዳ ማዤ ኬሌላ ሃኖኬ፤ዬያሮ ኮሺ ኑ ዎዛዾም!²⁵ናንጊና ናንጋ ጎዳሢዮ! ሃዳራ ኑና ዓውሴ!ናንጊና ናንጋ ጎዳሢዮ! ሃዳራ ኑኡም ጊኢጊሼ።

²⁶ፆኦሲ ሱንፆና ሙካሢ ዓንጂንቴያኬ!ናንጊና ናንጋ ጎዳ ማኣራፓ ኑ ዒንሢ ዓንጄኔ።²⁷ናንጊና ናንጋ ጎዳ ፆኦሲኬ፤ፔኤኮ ፖዖ ዒ ኑ ዑፃ ፖዔኔ፤ዒንሢ ቦንቾ ኬሎሮ ዔኪ ሙካ ባኮዒንጊፆ ሺኢሾ ባኮኮ ጉራኖና ዓይሢ ቱኩዋቴ።²⁸ኔኤኒ ታኣኮ ፆኦሲኬ፥ ታ ኔና ጋላታኔ፤ኔኤኒ ታኣኮ ፆኦሲኬ፥ ታ ኔና ዼግ ዼጊዳንዳኔ።

²⁹ዒዚ ኮሺ ማዔሢሮ ዒዛ ጋላቱዋቴ!ሚጪንቲፃ ዒዛኮ ናንጊና ዶዲ ናንጋያኬ።

ዓይኑሞ ማፃኣፖ 118 / mdy_twf

ናንጊና ናንጋ ጎዳ ቢያ ዎዴ ሚጪንታያ ማዔሢ

ዓይኑሞ ማፃኣፖ118mdy_twf