Read ዓይኑሞ ማፃኣፖ 115

ዓይኑሞ ማፃኣፖ115mdy_twf

ፆኦሲም ኮይሳ ጋላታ

¹ናንጊና ናንጋ ጎዳሢዮ!ኑጋይቴቱዋንቴ ኔኤኮ ናንጊና ናንጋ ናሹሞናጉሙርቂንቲፆናሮ ሱንፆ ኔኤሲ ቦንቼ።

²ሜሌ ዴራ፦«ዔያቶ ፆኦዛሢ ዎካ ዓኣዖ?» ዓይጋ ጋዓንዳይ?³ኑ ፆኦዛሢ ጫሪንጫኬ፤ዒዚ ፔና ዎዛሳ ባኣዚ ማማዻኔ።⁴ዔያቶኮ ካኣሽኮ ፆኦዛ ጋዓንቴዓሲ ኩቻ ቢራና ዎርቄናፓ ኮሺንቴያኬ።⁵ዻንጋ ዔያቶኮ ዓኣኔ፥ ጌስቲ ጌስቱዋሴ፤ዓኣፒያ ናንጊኬ፥ ጋዓንቴ ዛጉዋሴ፤⁶ዋይዚ ዓኣኔ፥ ዋይዛያቱዋሴ፤ሲኢዺ ናንጊታዖ ዼሁዋያኬ፤⁷ኩቺያ ናንጊኬ፥ ጋዓንቴ ሄሊ ዓርቁዋሴ፤ቶኪ ናንጊታዖ ሃንቲ ሃንቱዋሴ፤ፔ ጎርዦና ዑኡሲያ ዔያታ ኬሳኒ ዳንዳዑዋሴ።⁸ዬያጉዴ ባኮ ኮሻ ዓሳዬያቶ ጉሙርቃ ዓሳኣ ቢያዔያቶጉዴያ ማዖንጎ።

⁹ዒስራዔኤሌ ዓሲዮቴ! ናንጊና ናንጋ ጎዳ ጉሙርቁዋቴ፤ዒንሢ ማኣዳሢና ጊቲማሢያ ዒንሢኮ ዒዛኬ።¹⁰ዓኣሮኔ ዓሲዮቴ! ናንጊና ናንጋ ጎዳ ጉሙርቁዋቴ፤ዒንሢ ማኣዳሢና ጊቲማሢያ ዒንሢኮ ዒዛኬ።¹¹ዒንሢ ናንጊና ናንጋ ጎዳ ዒጊጫ ዓሳ ዒዛ ጉሙርቁዋቴ፤ዒንሢ ማኣዳሢና ጊቲማሢያ ዒንሢኮ ዒዛኬ።

¹²ናንጊና ናንጋ ጎዳ ኑም ማላኔ፤ዓንጂያ ኑና ዓንጃንዳኔ፤ዒዚ ዓኣሮኔንታ ዒስራዔኤሌንታ ማኣሮ ዓንጃንዳኔ።¹³ናንጊና ናንጋ ጎዳ ዒዛ ዒጊጫዞንሢ ቢያዼኤፖንታ ዻኮንታ ዓንጃንዳኔ።

¹⁴ናንጊና ናንጋ ጎዳ ዒንሢንታ ዒንሢኮ ናኣቶንታዓንጂ ዒዚ ዒንሢ ሚርጊሾንጎ!¹⁵ጫሪንጮንታ ሳዖንታ ማዤ፥ ናንጊና ናንጋ ጎዳዒንሢ ዓንጆንጎ!¹⁶ጫሪንጮኮ ጫሪንጫ ናንጊና ናንጋ ጎዳሮኬ፤ሳዖ ጋዓንቴ ዓሲም ዒዚ ዒንጌኔ።¹⁷ናንጊና ናንጋ ጎዳ ጋላታዞንሢሃይቄ ዓሶቱዋሴ፤ዚቲዮ ጌዔ፥ ዱኡፖ ጌሌ ዓሶዋቱዋሴ።¹⁸ሃናፓ ዓርቃዖ ዒዛ ዓንጃንዳዞንሢ ኑናኬ።ናንጊና ናንጋ ጎዳም ጋላታ!

ዓይኑሞ ማፃኣፖ 115 / mdy_twf

ፆኦሲም ኮይሳ ጋላታ

ዓይኑሞ ማፃኣፖ115mdy_twf