Read ዓይኑሞ ማፃኣፖ 106

ዓይኑሞ ማፃኣፖ106mdy_twf

ፆኦሲ ፔ ዴሮም ኮሽካ ኮሹሞ

¹ናንጊና ናንጋ ጎዳ ጋላቱዋቴ!ዒዚ ኮሺታሢሮና ናሹማኣ ናንጊና ናንጋያታሢሮዒዛ ጋላቱዋቴ!²ናንጊና ናንጋ ጎዳ ማዻ ዼኤፖ ማዾ ዛሎዖኦኒ ኬኤዛኒ ዳንዳዓይ?ዒዛም ማዓ ጋላቶዋ ቢያ ዖ ኬኤዚ ጋፒሳንዳይ?³ፒዜ ዎጌ ዎቡዋጉዲ ካፓዞንሢቢያ ዎዴ ፂሎ ማዔዞንሢዓንጂንቴያኬ።

⁴ናንጊና ናንጋ ጎዳሢዮ!ኔኤኮ ዴሮ ኔ ማኣዳ ዎዶና ማሊ ጶቂሤ፤ዔያቶ ኔ ዓውሳ ዎዶና ታና ማሌ።⁵ዬይያ ኔኤኒ ዶኦሬዞንሢኮ ዖርጎቹሞ ታ ዛጋኒኔ ዴሮ ዎዞና ታ ዎዛዻኒኔ ዓሶና ዎላ ታ ኔና ሄርሻንዳጉዲኬ።

⁶ኑኡኒ ኑ ዓዶንሢጉዲ ጎሜ ማዼኔ፤ኑ ዻቢንቴኔ፥ ፑርታ ማዼኔ።⁷ኑኡኮ ዓዶንሢ ጊብፄ ዓጫ ዓኣዖኔ ዎልቆና ማዺንታ ዓኮ ባኮ ማሊ ጶቂሢባኣሴ፤ኔኤኮ ሚጪንቲፆ ሚርጉሞዋ ዔያታ ማሊባኣሴ፤ዞቄ ባዞ ዓጫ ዋይዚ ኔኤም ዒፄኔ።⁸ዒዚ ጋዓንቴ ፔ ዎልቆኮ ዼኤፑሞ ቤኤዛኒፔ ሱንፆሮ ዔያቶ ዒ ዓውሴኔ።⁹ዞቄ ባዞ ዒ ጎሬኔ፤ባዛኣ ሚጬኔ፤ዓሲ ናንጉዋ ዳውሌ ቦኦሊና ዓኣዾሢጉዲዋኣፆ ዔቶኮ ባኣኪና ዔኪ ዔያቶ ዒ ዓኣዼኔ።¹⁰ዔያቶ ዒፃ ዓሶ ኩጫፓ ዒ ዓውሴኔ፤ሞርኮ ኩጫፓኣ ዒ ሄሊ ዓይሴኔ።¹¹ሞርኮ ዔያቶኮ ዋኣፃ ሙዔኔ፤ዬያ ሞርኮይዳፓ ፔቴታዖ ቶሊ ዓቲባኣሴ።¹²ዬካፓ ዔያታ ዔያቶም ኬኤዞና ቃኣሎ ጉሙርቄኔ፤ዓይኑሞናኣ ዒዛ ጋላቴኔ።

¹³ጋዓንቴ ዔያታ ዒ ማዼ ባኮ ቤዞና ዋሌኔ፤ዒዛኮ ዞሮና ዓኣዻኒ ጊቢ ዳንዳዒባኣሴ።¹⁴ዓሳ ናንጉዋ ዳውሎይዳ ሱኡካዺሢ ዔያታ ዓርቄኔ፤ዒኢካ ፆኦሲ ዎይታቴያ ጌዒ ዒዛ ዛጌኔ።¹⁵ዒዚ ዔያታ ዒዛ ዖኦጬሢ ዔያቶም ዒንጌኔ፤ጋዓንቴ ዔያቶ ዖኦፒሳ ዶርዓ ዳኪንቴኔ።

¹⁶ጉርዶይዳ ዔያታ ዓኣዖሙሴንታ ፆኦሲም ዱማዼ ዓኣሮኔንታማዻ ማዾ ዛጊ «ዬይ ዔያቶም ሌሊ ዓይጋ ማዔይ» ጌዒ ማሌኔ።¹⁷ሳዓ ዳርዒ ዳኣታኔ ጎዖሢ ዔኤዼኔ፤ዓቤሮኔንታ ዒዛኮ ማኣሮ ዓሶዋ ጉኡፔኔ።¹⁸ዔያቶኮ ቡኪንቶ ባኣካ ታሚ ዔኤቴኔ፤ሎስታሢ ፑርቶ ዓሶ ሚቺ ባይዜኔ።

¹⁹ዔያታ ኮሬቤ ጌይንታ ቤዛ ዓኣዖ ዎርቄና ናኣሪ ኮሼኔ፤ዬያ ዓንጎ ሼኤሺ ማዦና ፆኦዞም ዚጌኔ።²⁰ዔያቶኮ ቦንቾ ማዔ ፆኦዛሢ ዔያታማኣቶ ሄንቃ ቆልሞ ማላ ባኮና ላኣሜኔ።²¹ጊብፄ ዓጮይዳ ዼኤፒ ባኣዚ ማዺዔያቶ ዓውሴ ፆኦዛሢ ዔያታ ዋሌኔ።²²ዒዚ ጋዓንቴ ካኣሜ ዓጮይዳ ዲቃሣ ማዾዞቄ ባዞይዳኣ ዲቃሢ ሄርሺሳ ባኣዚ ማዼኔ።²³ዬያሮ ዱማ ዱማ ዎዻ ባኮናዔያቶ ዒ ባይዙዋጉዲ ማዻኒዒዚ ዶኦሬ ሙሴ ፆኦሲንታ ዔያቶንታ ባኣኮ ጌሊዒዛኮ ቤርታ ዔቂባኣያታቴዔያቶ ዒ ባይዛንዳሢ ኬኤዜያኬ።

²⁴ዬካፓ ዔያታ ኮዦ ዓጬሎ ቶኦቼኔ፤ዒዚ ዔያቶም ዒንጌ ዎዞ ቃኣሎዋ ጉሙርቂባኣሴ።²⁵ዔያታ ዓፒሎና ማዢንቴ ፔ ማኣራ ማኣራ ጉንዱሜኔ፤ናንጊና ናንጋ ጎዳሢ ዑኡዞዋ ዋይዚባኣሴ።²⁶ዓሳ ናንጉዋ ዳውሎ ቦኦላ ዔያቶ ኬኤራኒኩጮ ፔኤሲ ዔቂሲ ዒ ጫኣቄኔ።²⁷ዜርፆ ዔያቶኮ ዒ ሜሌ ዴሮ ባኣካ ሃሻኒዱማ ዱማ ዓጮ ዔያቶ ላኣላኒ ጫኣቄኔ።

²⁸ዔያታ ፔና ቢዔልፔጎሬና ዎላ ፔቴ ማሄኔ፤ሼምፓባኣ ፆኦዞም ሹኮና ዓሽኮዋ ሙዔኔ።²⁹ዔያታ ፔ ማዾና ናንጊና ናንጋ ጎዳ ዻጋሴኔ፤ዱማ ዱማ ባይዛ ባካ ዔያቶ ሄሌኔ።³⁰ጋዓንቴ ፒንሃሴ ዔቂዻቢንቶ ማዼ ዓሶ ዎዼ ዎዶናዱማ ዱማ ዎዻ ባካ ዎዺፆ ሃሼኔ።³¹ዬይያ ሾይንቲፓ ሾይንቲ ሄላንዳኣናናንጊና ዒዛም ፂሉሞ ማዒ ፓይዲንቴኔ።³²ዬያጉዲ ሃሣ ሜሪባ ጌይንታ ዋኣፆ ዓጫናንጊና ናንጋ ጎዳ ዔያታ ዻጋሴኔ፤ሙሴያ ዬያ ዛሎና ሜቶይዳ ኬዴኔ።³³ሙሴ ዔያታ ዻጋሴሢሮዒዚ ኮይሱዋ ዑኡሲ ፔ ዻንጋፓ ኬሴኔ።

³⁴ናንጊና ናንጋ ጎዳ ዔያቶ ዓይሤሜሌ ዴሮ ባይዚፆ ዔያታ ሃሼኔ።³⁵ዔያታ ሜሌ ዴሮና ዎላ ሲኢሪንቴኔ፤ዬይ ዓሳ ማዺ ሃንታ ባኮ ዔያታኣ ዔሬኔ።

³⁶ዬያቶኮ ካኣሽኮ ፆኦዞዋ ዔያታ ካኣሽኬኔ፤ዬይ ዔያቶም ፒሮ ማዔኔ።³⁷ዔያቶኮ ዓቲንቆንታ ዉዱሮ ናኣቶንታፑርቶ ዓያኖም ዔያታ ሹኬኔ።³⁸ዔያቶኮ ዓቲንቆንታ ዉዱሮ ናኣቶንታኮ ጌኤዦ ሱጉፆሜሌ ካኣናኔ ፆኦዞም ላኣሊፆናሳዔሎ ሱጉሢ ሳዓ ማሂ ዔያታ ዒኢሴኔ።³⁹ዔያታ ፔ ማዾና ዒኢቴኔ፤ዞኦስካ ኮኦማ ላኣሊጉዲ ፔ ፆኦዛሢም ዔያታ ጉሙርቂንቲባኣሴ።

⁴⁰ዬያሮ ናንጊና ናንጋ ጎዳኮ ዻጋዒዛ ዴሮ ዑፃ ዔኤቴኔ፤ፔ ዓሶዋ ዒ ሻኣኪንቴኔ።⁴¹ዔያቶ ዒዚ ሜሌ ዴሮም ዓኣሢ ዒንጌኔ፤ሞርካ ዔያቶኮ ዔያቶ ዎይሣያ ማዔኔ።⁴²ሞርካ ሄርቂ ዔያቶ ዎሣያ ማዔኔ፤ፔ ቢታንቶኮ ዴማ ማሄኔ።⁴³ዒዚ ሚርጌ ዎዴና ዔያቶ ሄሊ ዓውሴኔ፤ዔያታ ጋዓንቴ ዋይዚ ዒፂሢ «ኑ ሃሻዓኬ» ጌዔኔ፤ፔ ጎሞና ዔያታ ዻውሲንቴኔ።⁴⁴ጋዓንቴ ዒላቶ ዔያቶኮ ዒ ዋይዜ ዎዶናሜታሢ ዔያቶኮ ዛጌኔ።⁴⁵ዔያቶሮ ጌይጋፓ ጫኣቄ ጫኣቁሞ ዒ ማሌኔ፤ዒዛኮ ዓኣ ሚጪንቲፆ ሚርጉሞጉዴያዻጋፓ ዒ ማዔኔ።⁴⁶ዔያቶ ዲዒ ዔኬ ዓሳ ቢያሚጪንታንዳጉዲ ዒ ማዼኔ።

⁴⁷ናንጊና ናንጋ ጎዳ ማዔ ኑ ፆኦዛሢዮ! ዓውሴ ኑና፤ኔኤኮ ዱማዼ ሱንፆም ጋላታ ኑ ሺኢሻንዳጉዲኔና ኑ ኬኤዚ ሄርሻንዳጉዲዴሮ ባኣካፓ ቡኩሲ ኑና ኔ ዔኪ ዬዔኔ።

⁴⁸ናንጊና ናንጋ ጎዳ ማዔ ዒስራዔኤሌ ፆኦዛሢናንጊፓ ናንጊ ሄላንዳኣና ዓንጂንቶንጎ!ዴራ ቢያ ዓኣሜን ጎዖንጎ፤ናንጊና ናንጋ ጎዳ ጋላቱዋቴ!

ዓይኑሞ ማፃኣፖ 106 / mdy_twf

ፆኦሲ ፔ ዴሮም ኮሽካ ኮሹሞ

ዓይኑሞ ማፃኣፖ106mdy_twf