ሴሌሞኔ ኬኤዜ ዱማ ዱማ ኮኦኪንሢ
1ሃይ ሴሎሞኔ ኬኤዜ ኮኦኪንሢኬ፦ዔራ ናይ ፔ ዓዶ ዎዛሳኔ፤ዔኤያ ናይ ጋዓንቴ ፔ ዒንዶ ዖዪሳያ ማዓኔ።2ኮይሱዋ ካራና ጴዼ ቆሎ ፓሡዋያኬ፤ፂሉሞ ጋዓንቴ ሼምፖ ሃይቢፓ ዓውሳኔ።3ናንጊና ናንጋ ጎዳ ኮሺ ዓሲ ናይዺሱዋሴ፤ፑርቶ ዓሶ ጋዓንቴ ዔያታ ማሊ ኮዓ ባኮ ዴንቂሱዋሴ።4ቤልፁሞ ዓሲ ማማንቂሳኔ፤ዶዲ ማዺሢ ጋዓንቴ ዖዖርጎቻኔ።5ጪንጫ ዓሲ ሃኣኮ ፔኤኮ ዎዴና ቡኩሳኔ፤ማኣሎ ቡሮ ዎዶና ላሃ ዓሲ ጋዓንቴ ዻውሲንታኔ።6ኮሺ ዓሲ ዓንጆ ዴንቃኔ፤ፑርታ ዓሲ ጋዓንቴ ፔ ፑርቱሞ ኮሺ ጌኤሲና ካንቂ ዓኣቻኔ።7ፂሎ ዓሲኮ ሙካ ዎዶይዳ ኬኤዚንታ ባካ ዓንጆም ማዓኔ፤ፑርቶ ዓሶ ሱንፃ ጋዓንቴ ቤዞማና ዋሊንታኔ።8ጎኔና ዔራ ማዔ ዓሲ ዓይሢፆ ዔዔካኔ፤ማሉዋዖ ጌኤሲ ጌስታ ዔኤያ ዓሲ ጋዓንቴ ባይሲንታ ባንሢ ዓኣዻኔ።9ቢያ ባኣዚና ጉሙርቂንታያ ማዓ ዓሲ ሂርጋባኣያ ናንጋኔ፤ዎቦ ዓሶኮ ጋዓንቴ ዎቡሞ ናንጋ ፔጋዺ ጴዻኔ።10ዓሲ ኬኤላሲ ሺሪሢ ሜቶ ዔኪ ሙካኔ፤ፔጌና ጎሪ ኬኤዚሢ ጋዓንቴ ኮሹሞ ዴንቂሳኔ።11ኮሺ ዓሲኮ ጌኤሲ ሼምፖኮ ካራኬ፤ፑርታ ዓሲ ጌኤሲ ጋዓንቴ ፑርቱሞ ካንቂ ዓኣቻያኬ።12ዎሊ ዒፂሢ ዣሎ ማዣኔ፤ናሹሞ ጋዓንቴ ዻቢንቲ ቢያ ዛጌዖ ዓቶም ጌይሳኔ።13ዒናዼ ዓሲ ማሊ ዔኪ ጌስታኔ።ዔኤያ ዓሲ ጋዓንቴ ሜቶ ዔካኒ ኮይሳያኬ።14ዔሮ ዓሳ ዔያቶም ዳንዳዒንታ ጎይፆና ቢያ ዔራቶ ቡኩሳኔ፤ዔኤዮ ዓሳ ጌስታ ዎዶና ጋዓንቴ ባይሲንታ ሙኪፃ ዓቱዋያኬ።15ዖርጎቺ ዓሲኮ ቆላ ዋርዲያ ማዒ ዒዛ ካፓኔ፤ማንቆ ዓሲ ጋዓንቴ ማንቃታ ባይዛኔ።16ኮሺ ዓሲም ኮዦ ማዻ ናንጊ ዒንጋኔ፤ጋዓንቴ ፑርታ ዓሲኮ ጎማ ሜቶ ዒዛይዳ ዔኪ ዬዓኔ።17ጎሪ ዞሮ ዞሮ ዔካ ዓሲ ናንጊ ጎይሢ ባንሢ ዓኣዻኔ፤ፔ ዻቢንቶ ዔሩዋ ዓሲ ጋዓንቴ ሜቶይዳ ኬዳኔ።18ዓሲ ሼናዻ ዒኖ ፔኤኮ ዓኣቻ ዓሲ ሉኡዚኬ፤ዾንኮ ጌስቲ ሺራ ዓሲ ዔኤያኬ።19ሚርጌ ጌኤሲዳ ዻቢንቲ ባይቁዋሴ፤ዬያሮ ማሊ ጶቂሣ ዓሲ ሚርጌ ጌስቱዋሴ።20ኮሺ ዓሲኮ ጌኤሲ ሼኤሺ ኮሾና ቢራ ዓንጊጉዲኬ፤ፑርታ ዓሲኮ ማሊሢ ጋዓንቴ ዔኤቢ ፓሡዋያኬ።21ኮሺ ዓሲኮ ጌኤሲ ሚርጌ ዓሲ ማኣዳያኬ፤ዔኤዮ ዓሳ ጋዓንቴ ማሊ ጶቂሥሢ ፓጪሢና ሃይቃኔ።22ናንጊና ናንጋ ጎዳኮ ዓንጃ ዓሲ ዖዖርጎቻኔ፤ዓሲኮ ላቢ ማዺሢ ዬያይዳ ማዻ ባኣዚ ባኣሴ።23ዻቢንቲ ማዾ ማዺ ዎዛዺሢ ዔኤዩሞኬ፤ዒናዼ ዓሲ ዎዛዻሢ ዔራቶ ዴንቂሢናኬ።24ኮሺ ዓሲ ኮዓ ባኮ ዴንቃኔ፤ፑርታ ዓሲ ጋዓንቴ ሚርጌና ዔያታ ዒጊጬ ባካ ዔያቶ ሄላኔ።25ዓልጋሢ ዔቄ ዎዶና ፑርቶ ዓሳ ፒፂንቲ ዴንዳኔ፤ኮዦ ዓሳ ጋዓንቴ ቢያ ዎዴ ዶዲ ናንጋኔ።26ሶልኪ ባኣዚ ዓቺ፥ ጩቢ ዓኣፒ ማኣሳንሣሢጉዲቤልፃ ዓሲያ ዒዛ ማዺሻሢም ዒማዺኬ።27ናንጊና ናንጋ ጎዳ ዒጊጪሢ ናንጎ ሌዖ ዖዶሳኔ፤ፑርታ ዓሲ ጋዓንቴ ናንጎ ሌዓ ዓኣ ጎይሣ ዓኣንቴ ሃይቃኔ።28ኮዦ ዓሶኮ ሃጊ ማዓ ዎዛ ዎዛ ባንሢ ዔያቶ ዔኪ ዴንዳኔ፤ፑርቶ ዓሶኮ ሃጊ ማዓ ዎዛ ጋዓንቴ ጉሪ ማዒ ዓታኔ።29ናንጊና ናንጋ ጎዳ ፂሎ ዓሶኮ ጊቲማኬ፤ፑርቶ ማዻ ዓሶ ጋዓንቴ ዒ ባይዛኔ።30ኮሺ ዓሲ ቢያ ዎዴ ዓኣ ቤዛፓ ዓጊፁዋሴ፤ፑርቶ ዓሳ ጋዓንቴ ሳዖይዳ ናንጉዋሴ።31ኮሺ ዓሲ ዔራቶ ጌኤሲ ጌስታኔ፤ዎቦ ባኣዚ ጌስታ ዒንዲርሲ ጋዓንቴ ቲቂንታኔ።32ኮሺ ዓሲኮ ጌኤዛ ጊጊኢጋያኬ፤ፑርታ ዓሲኮ ጌኤዛ ጋዓንቴ ዎቦኬ።