Read ዔርሚያሴኮ ቃዮ ማፃኣፖ 2

ዔርሚያሴኮ ቃዮ ማፃኣፖ2mdy_twf

ናንጊና ናንጋ ጎዳ ዬሩሳላሜይዳ ዓጌ ሜቶ

¹ናንጊና ናንጋ ጎዳ ፔ ዻጎና ፂዮኔ ዻውሲሴኔ፤ጫሪንጮ ሌካ ኬስኪ ዼጊ ጌይ ዴዔዞዒስራዔኤሌኮ ሄርሺንቶዞ ዒዚ ሳዓ ጎቺ ዔኪ ኬኤሬኔ፤ዒዚ ዻጋዼ ዓቦና ዒዛኮ ቶካ ሄርቃ ቤዜሎዔኤቢኬያ ጌይ ሺሪ ዛጊባኣሴ።

²ናንጊና ናንጋ ጎዳ ዒስራዔኤሌኮ ናንጎ ቤዞ ቢያ ሚጪንቱዋዖ ባይዜኔ፤ዒዚ ዻጋዺ ዪሁዳ ዴሮኮ ዋርዲዮ ሻሄኔ፤ዒኢካ ዓኣ ካኣቶና ቢታንታ ዓኣ ዓሶና ሳዓ ዔኪ ዢቢ ዻውሲሴኔ።

³ዒዛኮ ዼኤፖ ዻጎና ዒስራዔኤሌኮ ዎልቆ ቢያ ላቢሴኔ፤ሞርካ ዒስራዔኤሌይዳ ሙካኣና ዒዚ ዔያቶ ማኣዶ ሃሺያይቆኦቤ ዜርፆይዳ ፔኤኮ ዻጎ ታሞ ዔኤሤኔ፤ኮይላ ዓኣ ባኮ ቢያ ሙዓ ታሚጉዲ ሙዔኔ።

⁴ዒዚ ሞርኬጉዲ ሂኢዦና ፔኤኮ ኑና ዱካኒ ዓኣሤኔ፤ዒዛኮ ሚዛቆ ኩጫ ኑና ማኣሳንሣኒ ጊኢጌኔ፤ዬሩሳላሜይዳ ዓኣ፥ ኑኡኒ ናሽካ ዓሶ ቢያ ዒ ዎዼኔ፤ፔኤኮ ዻጎ ታሚጉዲ ዒዚ ዔኤሤኔ።

⁵ናንጊና ናንጋ ጎዳ ሞርኬጉዲ ማዒ ዒስራዔኤሌ ባይዜኔ፤ካኣቱሞ ማኣሮዋ ዶይሲ ኩርሴኔ።ዋርዲዮ ሻሄኔ፤ዪሁዳ ዴሮይዳ ዬኤፒና ዒላቲና ዺቢሼኔ።

⁶ናንጊና ናንጋ ጎዳ ፔኤኮ ጌኤዦ ማኣሮ ጎሺዳ ዓኣ ዉልሻጉዲ ሻሄኔ፤ፂዮኔይዳ ቦንቾ ቦንቾንታ ሃውሾ ኬሎዋ ዓይሴኔ፤ፔኤኮ ዼኤፖ ዻጎና ካኣቲንታ ቄኤሶዋ ዻውሲሴኔ።

⁷ናንጊና ናንጋ ጎዳ ዒዛም ዒንጎ ባኮ ዒንጎ ቤዞ ቦሄኔ፤ፔኤኮ ጌኤዦ ማኣሮዋ ሃሼኔ።ካኣቱሞ ማኣሮኮ ኬኤሎ ዲፆ ሞርካ ዶይሳንዳጉዲዒዚ ዓኣሢ ሞርኮም ዒንጌኔ፤ዬያሮ ሞርካ ቦንቾ ኬሊና ማዺንታ ጎይሢጌኤዦ ማኣሮይዳ ዎዛና ኮርጌኔ።

⁸ናንጊና ናንጋ ጎዳ ዬሩሳላሜ ካታሞኮ ኬኤሎ ዲፆ ሻሃኒ ጊኢጊሚፆ ሱዞ ሊካ ኬይሴኔ፤ካታሜሎ ባይዚፃፓ ጊንሢም ጌይባኣሴ፤ካታሞ ካፖ ዼጌ ኬኤሎ ዲፃኣ ዹኡቂ ሻሂንቴኔ፤ዬይ ቢያ ፔቴና ዶዔኔ።⁹ካታሞ ጌሎ ካሮ ዎዾ ካራ ሳዖ ዴማ ዱኡኪንቴኔ፤ኮምባልቂ ዎዾ ጋጋርዛኣ ሜቂ ሜቂ ጋፔኔ፤ካኣቲንታ ዒዚ ቢታንቶ ዒንጌ ሱኡጎንታሜሌ ዴሮ ባኣኮይዳ ዳውሲንቲ ዴንዲ ዓኣኔ፤ሙሴ ዔርዜ ዎጎ ሃካፓ ሴካ ኬኤዚ ዔርዛ ዓሲ ባኣያ ማዓንዳኔ፤ፆኦሲ ማሊፆ ኬኤዛ ዓሶም ሃካፓ ሴካ ናንጊና ናንጋ ጎዳ ፔጋሲ ዻዋንዳ ባኣዚ ባኣሴ።

¹⁰ዬሩሳላሜ ካታሞይዳ ዓኣ ጋርቻ ሳዓ ዚቲ ጌይ ዴዔኔ፤ዔያታ ፔኤኮ ቶኦኮይዳ ሲላሊ ዋሂ፥ ሲዬ ፓቲሌያ ማኣዔኔ፤ዒኢካ ካታሞይዳ ዓኣ ዉዱሮ ናኣታ ካራ ባይዚ ሳኣ ዛጌኔ።

¹¹ዴሮ ታኣኮ ዎዺ ኩርሶናሢሮናኣታ ካታሞ ሳዞ ጎይፆይዳ ላቢ ሎኦማሢሮዬኤኬ ጎይሣ ዓኣፓ ታኣኮ ዶጬኔ፤ጎጳኣ ታኣኮ ዋኣፄኔ፥ ሃጊ ማዓ ዎዛኣ ታኣኮ ባኣያ ማዔኔ።

¹²ዖልዚ ቦኦሊዳ ዱኡቴ ፖኦሊሴጉዲካታሞ ሳዞ ጎይፆይዳ ላቢ ሎኦሚ ላሂ ላሂዒንዶንሢኮ ቃሶይዳ ጌኤቂንቲ ዴዒ«ዒንዴ! ሙኡዚ፥ ዋኣሢ ዒንጌ» ጌይ ዬኤኪ ዬኤኪሼምፓሢ ዔያቶኮ ዬያይዲ ዱጲ ጋፓኔ።

¹³ታ ዎዚ ጎዖንዶይ? ዓይጎና ታ ዒንሢ ሄካሳኒ ዳንዳዓይ?ታኣኒ ናሽካ፥ ዬሩሳላሜ ካታሞ ዴራ!ታ ዒንሢ ዶዲሻኒ ዓይጎና ታ ዒንሢ ቤቂሶንዶይ?ዒንሢ፥ ዬሩሳላሜ ካታሞ ዴራ!ዒንሢዳ ሄላንዳ ባይሲንታ ዳልጎ ባዞጉዲ ዼኤፒታሢሮዖኦኒ ዒንሢ ዓውሳኒ ዳንዳዓይ?

¹⁴ዒንሢም ሎንሦ ኬኤዛ ዓሳ ዒንሢም ሉኡቂ፥ ሃሣ ዒንሢ ጌጌሼኔ፤ዔያታ ሉኡዚ፥ ሃሣ ዻዻቢሻ ሎንሦ ዒንሢም ኬኤዜኔ፤ዒንሢም ጊኢጊ ዓኣ ፑርቶ ባካፓ ዒንሢ ማሃኒዒንሢኮ ዻቢንቶ ዒንሢም ፔጋሲ ኬኤዚባኣሴ።

¹⁵« ‹ኮሺ ሚዛጲኬ› ጎዖዛ፥ ዓጮ ዴራ ቢያዒኢካ ሙኪ ዎዛዻዛ፥ ሃኖ ካታሜሎዳ?»ጌይ ጌይ ጎይፆና ዴንዳ ዓሳ ቢያዬሩሳላሜ ዛጋ ዓሳ ቦሂሢና ኩቺ ባዒ ባዒቶኦኮዋ ፔኤኮ ዓጊሢ ዓጊሢ ሚኢጫንዳኔ።¹⁶ዒንሢኮ ሞርካ ቢያ ዒንሢ ጫሽኪ ጫሽኪ ሚኢጪ ዓማላኔ፤ዒንሢ ቶኦቺ፥ ዓጮ ፔኤኮ ዻዓኔ፤ሂዚ ጌይያኣ ዒላታኔ፦ «ኑ ዔያቶ ኩርሲናኣኮኬ!ሂዮ! ሃይማ ኑ ማሊ ሃይቃ ኬሎማዋይ!ጋፒንሢ ዑስካ ኑ ዓካሪ ዴንቄያኣዋይ።»

¹⁷ናንጊና ናንጋ ጎዳ ማሌ ባኮ ማዺ ኩንሤኔ፤ቤርታ ዒዚ ኬኤዜ ቃኣሎ ማዾይዳ ፔኤሼኔ፤ሚርጌ ዎዴኮ ቤርታ ዒ ማሊ ቱኬ ጎይፆ ማኣሚቃይዶ ሻሄኔ፤ሞርካ ዒንሢኮ ካሮ ባይዚፆና ዎዛዻንዳጉዲ ዒ ማሄኔ፤ዒንሢ ሞርኮኮ ዎልቆ ዒዚ ዶዲሼኔ።

¹⁸ዬሩሳላሜ ዴሬዮቴ! ዒንሢኮ ዒላታኬኤሎ ዲፆይዳ ማኣሞንጎ!ናንጊና ናንጋ ጎዳ ዋይዛንዳጉዲ ዒላቱዋቴ!ዓቢፃ ዒንሢኮ ዋንቶንታ ሮኦሮንታ ቢያ ዲጲጉዲ ዎቶንጎ፤ፔቴታዖ ሃውሺፖቴ፤ ዓኣፓ ዬኤፖ ሃሻንዳጉዲ ዚቲ ጌይፖቴ።

¹⁹ዹሞና ዎዶ ካፒ ዔቂ ዔቂ ዒላቲ ዒላቱዋቴ፤ዒንሢም ማሊንታ ባኮ ቢያ ናንጊና ናንጋ ጎዳም ኬኤዙዋቴ፤ካታሞ ሳዛ ዎላ ካኣማ ጎይፆይዳ ናይዺ ላቢንቲ ሎኦማ ናኣቶ ሼምፓሢምናንጊና ናንጋ ጎዳ ሺኢቂ፥ ኩጮ ዒንሢኮ ሌካ ዔቂሱዋቴ።

²⁰ናንጊና ናንጋ ጎዳሢዮ! ሃዳራ ኑና ዛጌ!ሃያኮ ቤርታ ሃያይዲ ኔኤኒ ዙሌ ዻዌ ዴሬ ዓኣኖ?ላኣላ ፔኤኮ ሾይ ዲቼ ናኣቶ ሙዔንቴሞ!ፆኦሲኮ ጌኤዦ ማኣሮይዳ ቄኤሶንታፆኦሲ ማሊፆ ኬኤዛ ዓሶንታ ዎዺንቴንቴሞ!

²¹ዼጌሢንታ ጋርቾንታ ዒማ ጎይፆ ዎዺንቲ ጎይፃ ኬኤሪንቴኔ፤ዼጌ ዓቲንቆንታ ዉዱራሢንታ ሞርኮኮ ጬንቾ ዓራፓ ዎዺ ኩርሴኔ፤ኔኤኒ ዻጋዼ ዓቦና ማኣሚቃይዶ ኔ ዔያቶ ሹኪሲሴኔ።

²²ቦንቾ ኬሊና ሙኡዚሮ ዔኤሎጉዲ ሞርኮ ቢያ ቤዛፓ ኔኤኒ ዔኤሌኔ፤ኔኤኒ ዻጋዼ ዓቦና ፔቴታዖ ሼምፔና ቶሊ ዓቴ ዓሲ ባኣሴ፤ታኣኒ ሾይ ዲቼ ናኣቶ ሞርካ ዎዺ ኩርሴኔ።

ዔርሚያሴኮ ቃዮ ማፃኣፖ 2 / mdy_twf

ናንጊና ናንጋ ጎዳ ዬሩሳላሜይዳ ዓጌ ሜቶ

ዔርሚያሴኮ ቃዮ ማፃኣፖ2mdy_twf