ዒዮቤ ማፃኣፖ15mdy_twf
1ቴሜና ዓጮ ዓሢ፥ ዔልፓዜ ሂዚ ጌይ ማሄኔ፦2«ሂንዳ ማሌ፤ ዔራ ዓሲዢባሬጉዲ ዓርቂንቱዋ ባኣዚ ጌስታ?ዓባ ኬስካ ባንፆ ዢባሮጉዲ ጉሪ ማሊሢ ዓኣያ ማዓኒ ኮይሳ?3ዔራ ዓሲ ዔኤቢ ፓሡዋ ጌኤሲናማኣዳ ባኣዚባኣ ሃይሴና ማርሚ ሺራ?4ሂዳያ ማዔቴ ፆኦሲ ዒጊቹሞ ኔኤኒ ሃሼኔ ጌይሢኬ፤ሃሣ ሜሌ ዓሶዋ ፆኦሲ ካኣሽኩዋጉዲ ኔ ማሃያኬ።5ኔ ዻቢንቴያ ማዔሢ ኔኤኮ ጌኤዛፓ ዔርታኔ፤ጋዓንቴ ጪንጩሞ ሃይሴና ዬያ ዓኣቺ ካንቃኒ ኔ ማላኔ።6ኔ ጊዳ ዎጋሢ ኔ ዒንዲርዞ ማዓንዳፓዓቴም ታናቱዋሴ፤ኔ ጌኤዛ ኔና ፔጋሲ ዔርዛኔ። »7«ዓሲኮ ቤርታ ሾይንቴሢ ኔናዳ?ዹካ ማዢንታንዳሢኮዋ ቤርታ ኔ ሾይንቲናኣኮዳ?8ፆኦሲኮ ዓኣሺንቴ ባኮ ኔ ዋይዚናኣኮዳ?ዓሲ ዔራ ባኣዚ ቢያ ዔራሢኔና ሌሊ ኔኤም ማላ?9ኑ ዔራሢዳፓ ዱማ ኔ ዔራ ባካ ዓይጎዳይ?ኑጊዳፓ ዓኣሺንቲ ኔኤም ፔጋዼ ዓይጎ ዔራቶ ዓኣይ?10ሾይንቶና ኔ ዓዶይዳፓ ባሻያቶኦካ ቡኡቄ ጋርቻማሊፆና ኑኡና ዎላኬ።»11«ኑ ዛሎና ኔኤም ኬኤዚንታፆኦሲዳፓ ኔኤም ዒንጊንታ ዶዱማ ኔኤም ጊዳዓዳ?12ዒና ኔኤኮ ሜሌ ቤሲ ዓይጋ ዓኣዻይ?ሃሣ ኔ ጎሪንቲ ዓይጋ ዓኣፖ ኔኤኮ ኬሳይ?13ፆኦሲ ዑፃ ኔ ዻጋዻንዳጉዲሃያጉዴ ባኣዚ ኔ ዻንጋፓ ኬስካንዳጉዲኔና ማሄሢ ዓይጌንዴዳይ?»14«ዓሲ ጌኤሺ ማዓኒ ዳንዳዓ?ዓሲ ሾዔ ዓሲያኣ ፂሎ ማዓኒ ዳንዳዓ?15ፆኦሲ ፔኤኮ ኪኢታንቾታዖ ጉሙርቁዋሴ፤ጫሪንጫታዖ ዒዛ ቤርታ ጌኤሺቱዋሴ፤16ዓካሪ ፑርቱሞ ዋኣሢጉዲ ዑሽካያዒሣያና ዒኢቴ ዓሲዎዲ ጉሙርቂንታንዳይ?»17«ዒዮቤ! ሂንዳ ዋይዜ ታ ኔኤም ኬኤዛንዳኔ፤ታኣኒ ዔራ ባኮ ቢያ ኔና ዔርዛንዳኔ።18ዔሮ ዓሳ ፔ ዓዶንሢዳፓ ዔኬሢዓኣቹዋዖ ዔያታ ታኣም ኬኤዜ ባኮ ታ ኔኤም ኬኤዛኔ።19ዓጬላ ዔያቶም ሌሊ ዒንጊንቴኔ፤ሜሌ ዓጪ ዓሲ ዔያቶ ባኣካ ዔያቶና ዎላ ሲኢሪንቲባኣሴ።»20«ዓሲ ሄርቂ ዎይሢ ናንጌ ፑርታ ዓሲዒ ዓኣ ዎዶማና ሜታ ዒዛይዳፓ ሺኢኩዋሴ፤21ዒዛኮ ዋዮይዳ ዲቃሣ ሃይሴ ቢያ ዎዴ ዋይዚንታኔ፤‹ታ ኮሺ ናንጋኔ› ጌዒ ማላ ዎዶና ሱላ ዒዛይዳ ሜቶ ዓጋኔ።22ጬንቾ ዓፓሮና ዎዻ ዓሳ ዒዛ ካፓሢሮዹማፓ ቶላኒ ሃጊ ማዓ ዎዛ ዒዛኮ ባኣሴ።23ዒዛኮ ዓሽካ ሃምፑራሢኮ ሙኡዚ ማዓኔ፤ዬይ ዓሢ ዹማ ዒዛም ዑኬሢ ዔራኔ።24ማሊ ሜታዺሢና ዖዪሢና ዒዛ ዒጊቻኔ፤ዖላኒ ጊኢጌ ካኣቶጉዲ ዒዛይዳ ዔያታ ዎልቃዻኔ።»25«ዎይቲ ጌዔቴ ዬይ ዓሢ ፆኦሲዳ ሻሎ ፔኤኮ ዻዌኔ፤ቢያ ባኮ ዳንዳዓ ጎዳሢ ዒ ሄርቄኔ።26ዓንዲሪና ዶዲ ጊቲማ ዓርቂፆኦሲ ቃዛኒ ዒ ኬስኬኔ።27ዓኣፖ ካራ ዒዛኮ ሃኣቤና ካንቂንቴኔ፤ኬርና ዒዛኮ ዓንዲርሙሞና ሙሊንቴኔ።»28«ዬይ ዓሢ ናንጋ ካታማዖልዚና ሻሂንታንዳኔ፤ዒ ናንጋ ማኣራኣ ባዓ ማዓኔ።29ዖርጎቹሞና ዒ ሚርጌ ዎዴ ናንጋዓኬ፤ቆላ ዒዛኮ ዒዛና ዎላ ኔጋዓኬ፤ዒዛኮ ዓኣ ባካ ሳዖይዳ ዳልጋዓኬ።30ዹሚዳፓ ዒ ቶላኒ ዳንዳዑዋሴ፤ካኣፓ ታሚና ሚጬያ፤ፆኦሲኮ ዑኡዛኣ ዒዛ ጊልፒ ባይዜያ ማዓንዳኔ።31ጉሪ ባኣዚ ጉሙርቂ ፔና ጌሾፓ፤ዬያይዲፆና ዒ ጉሪ ማዒ ዓታኔ።32ዎዴ ሄሊባኣንቴ ሹላያናካኣፓኣ ዋርቁዋ ሚሢ ዒ ማዓኔ።33ሃጊ ካፂባኣንቴ ሶያፓ ዓኣፖ ፔኤኮ ዲኢኒሻ ዎይኔ ሚሢጉዲ፤ሃሣ ጊንሣ ቡናኣ ዲኢና ዛይቶ ሪሚቶ ዒ ማዓኔ።»34«ፆኦሲ ዒጊጩዋ ዓሶኮዜርሢ ኬስካዓኬ፤ዴሚና ዔኮና ባኮና ማዦና ማኣሮዋ ታሚ ሙዓንዳኔ።35ዬያጉዴ ዓሳ ፑርቱሞ ማሊ ቱካኔ፤ጌኔ ማዾዋ ማዺ ኩንሣኔ፤ዒና ዔያቶሲ ጌሺሢ ማሊሢና ኩሜያኬ።»