Read ዔርሚያሴ ማፃኣፖ 22

ዔርሚያሴ ማፃኣፖ22mdy_twf

ዔርሚያሴ ዪሁዳ ዓጮ ካኣቲ ማኣሮ ዓሶም ኬኤዜ ቃኣሎ

¹ዳውቴ ዜርሢ ማዔ፥ ዪሁዳ ካኣቲ ናንጋ ማኣሮ ዎቲ ካኣቲንታ ካኣቲ ቢታንቶ ዒንጌ ዓሶንታ ዬሩሳላሜይዳ ናንጋ ዴሮንታም ሂዚ ጌይ ታኣኒ ኬኤዛንዳጉዲ ናንጊና ናንጋ ጎዳ ታና ዓይሤኔ፦³«ታኣኒ፥ ናንጊና ናንጋ ጎዳ ፒዜ ዎጌና ጎኔ ማዔ ባኣዚ ዒንሢ ማዻንዳጉዲ ዓይሣኔ፤ ፔቴይ ባጋሢ ቡሪ ጌኔ ማዾ ማዹዋጉዲ ካፒ ላኣጉዋቴ፤ ሜሌ ዓጪፓ ሙኬ ዓሶ፥ ዓዶንታ ዒንዶንታ ሃይቄ ዜኤሮ ናኣቶንታ ዜኤሮይንዶንሢንታኮ ካራ ባይዚ ሜታሲፖቴ፤ ሃይካ ዬሩሳላሜይዳ ጌኤሺ ዓሲ ዎዺፖቴ።⁴ዓዳ ታኣኒ ዓይሤማ ጎይፆ ዒንሢ ማዼቴ ዳውቴ ዜርፃ ካኣቱሞ ዖይታፓ ኬዳዓኬ፤ ሃያኮ ቤርታ ማዺንታ ጎይፆ ቢታንታ ዒንጊንቴ ዓሶንታ ዴሮንታ ዎላ ማዒ ሳርጌሎ ዖይቶና ፓራሢና ቶጊ ሃያ ካኣቱሞ ማኣሮ ጌሎ ካሮና ካሮና ጌላኒ ዒንሢ ዳንዳዓኔ።⁵ታ ዓይሣ ዓይሢፆ ዒንሢ ካፒ ኩንሡዋኣያ ማዔቴ ሃይ ካኣቶ ማኣራ ሻሂንቲ ዶዓንዳሢ ታና ታ ጌፒ ጫኣቃኔ፤ ዬያ ጌዔሢ ታና፥ ናንጊና ናንጋ ጎዳኬ።»⁶«ዪሁዳ ካኣታ ናንጋ ማኣራ ጌሌዓዴ ዓጮና ሊባኖኦሴ ዹኮናጉዲ ታኣም ሚዛጳያኬ፤ ጋዓንቴ ዒኢካ ዓሲ ናንጉዋ፥ ጉሪ ቤሲ ታኣኒ ዬያ ማሃንዳኔ።⁷ዬያ ማኣሮ ሻሂ ባይዛንዳ ዓሲ ታኣኒ ዳካንዳኔ፤ ዔያታ ፔኤኮ ሄርጎ ዔኪ ዬዓንዳኔ፤ ሊባኖኦሴ ሚፆና ኮሾና ቱርቱሮ ቲቂ ቲቂ ታሚዳ ዓጋንዳኔ።⁸«ዬካፓ ዒኢና ዴንዳ ሜሌ ዓጮ ዓሳ፦ ‹ናንጊና ናንጋ ጎዳ ሃኖ ዼኤፖ ካታሜሎይዳ ሃያጉዴ ባይሲንታ ዔኪ ዬዔሢ ዓይጎሮናንዳይ?› ጌይ ጌይ ዎሊ ኮይላ ዖኦጫንዳኔ።⁹ያዺ ጌይ ዖኦጬስካፓ ታና፥ ናንጊና ናንጋ ጎዳ ማዔ ዒንሢኮ ፆኦዛሢና ዎላ ዒንሢ ጫኣቄ ጫኣቁሞ ሃሺ ሜሌ ፆኦዞ ዒንሢ ካኣሽኬሢሮና ዬያም ዒንሢ ማዼሢሮ ዬይ ማዺንቴሢ ዔያታ ዔራንዳኔ።»

ዔርሚያሴ ሻሉሜ ጌይንታ ዓሢ ዛሎ ኬኤዜ ባኣዚ

¹⁰ዪሁዳ ዴሬዮቴ! ካኣቲ ዒዮሲያሴ ዛሎ ዬኤኪፖቴ፤ዒዚ ሃይቄሢሮ ዖዪፖቴ፤ጋዓንቴ ዒዮሲያሴ ናኣዚ፥ ሻሉሜላሚ ማዒ ሙኪንዱዋ ቤሲ ዔውታሢሮዒ ሾይንቴ ዓጮዋ ላሚ ዛጉዋኣሢሮዒኔ ሜቂ ዒዛ ዬኤኩዋቴ።¹¹ዓዶ ቤዛ ዪሁዳይዳ ካኣታዼ፥ ካኣቲ ዒዮሲያሴ ናኣዚ፥ ዲዒንቲ ዔውቲ ዴንዴ ሻሉሜ ዛሎ ናንጊና ናንጋ ጎዳ ሂዚ ጋዓኔ፦ «ማይ ላሚ ዒዚ ሙካዓኬ፤¹²ዒዚ ዒኢካ ዲዒንቲ ዴንዴ ዓጮይዳ ሃይቃንዳሢሮ ላሚ ሃኖ ዓጮ ዒ ዛጊንዱዋሴ።»

ዔርሚያሴ ካኣቲ ዒዮዓቄሜ ዛላ ኬኤዜ ባኣዚ

¹³ካኣቱሞ ማኣሮ ፔኤኮ ጌኔ ጎይሢና ማዢሳሢኩቦ ኬኤፆ ፔኤኮ ፒዜ ዎጌባኣ ጎይሢና ማዣ ዓሢፔ ዓጪ ዓሲታንቴ ዒንጋ ባኣዚባኣያ ጉሪ ማዺሻ ዓሢዒ ማዼ ማዾኮ ጪጉዋ ዓሢም ባዴዔ!¹⁴ዬይ ዓሢ፦ «ታኣኒ ታኣኮ ዳልጊ ኩባ ጋርሲና ዓኣ ማኣሪ ማዣንዳኔ፤ ዬያጉዲ ዳልጊ ዳልጊ ፑልታ ካራ ታኣኒ ጌሣንዳኔ፤ ዬያ ማኣሮ ታኣኒ ዳልጊ ዳልጊ ዴኤሊ ዚቢቂ ሚሢና ሚዛጲሲ ኮሻንዳኔ፤ ዞቄ ዲንኪ ቃላሜና ታኣኒ ዬያ ማኣሮ ቲሽካንዳኔ» ጋዓኔ።¹⁵ሜሌ ዓሳ ማዻሢዳፓ ዑሣ ዓኣዼኮሺ ቃራ ማዔ ዴኤሎ ዚቢቆ ሚፆና ማኣሮ ማዤሢሮቢያሢፓ ቃራ ካኣቶ ኔኤኒ ማዔያ ኔኤም ማላ?ኔ ዓዴ ኩሙሢ፥ ጊዳ ሌዔ ዎዛና ናንጌኔ፤ዒዚ ቢያ ዎዴ ፒዜ፥ ሃሣ ጎኔ ዓሲ ማዒፆናዒ ማዼ ባካ ቢያ ዒዛም ጊኢጋያ ማዔኔ።¹⁶ዒዚ ማንቆ ዓሶና ሜታዼ ዓሶናም ፒዙሞና ዎጋሢሮቢያ ባካ ዒዛም ጊኢጋኔ፤ናንጊና ናንጋ ጎዳ ዔሪሢ ጌይፃ ዬያታሢ ዔሬ።¹⁷ኔኤኮ ማዻ ጌኤሺ ዓሲ ዎዺሢና ዓሲ ሄርቂ ዎይሥሢኬ፤ኔኤኮ ዓኣፖና ዒኖና ዓኣ ቤዛዔርቲባኣ ጎይሢና ጌሺ ዔኤቢ ዺቢ ዴንቂሢዳ ሌሊኬ።

¹⁸ዬያሮ ናንጊና ናንጋ ጎዳ ዪሁዳ ካኣቲ፥ ዒዮሲያሴ ናኣዚ ዒዮዓቄሜ ዛሎ ሂዚ ጋዓኔ፦«ዒዚ ሃይቃ ዎዶና‹ዎኦ! ታ ዒሼ ዎኦ!› ጌይ ዖዪ ዬኤካንዳ ዓሲ ባኣሴ፤ዬያጉዲ ሃሣ ‹ዎኦ! ኑ ጎዳ፤ ኑ ካኣቲዮ ዎኦ!› ጌይያኣ ዬኤካንዳ ዓሲ ጴዻዓኬ።¹⁹ሌዛ ዒዛኮ ቦንቾባኣያና ጎቺንቲዬሩሳላሜ ካታሞኮ ዲፆ ዙላ ኬሲሃሬ ጎይሢ ዱኡኪንታንዳኔ።»

ዬሩሳላሜይዳ ሄላንዳ ሜቶ ዛሎ ዔርሚያሴ ኬኤዜ ቃኣሎ

²⁰ዬሩሳላሜ ዴሬዮቴ!ዒንሢ ዎሊ ናሽካ ሚሳታ ባሺንቲ ሎኦሜኔ፤ሊባኖኦሴ ዹኮ ኬስኪ ዒላቱዋቴ፤ባኣሳኔ ዓጮዋ ዴንዲ ዬኤኩዋቴ፤ሞዓኣቤ ዹኮ ቶኦካ ኬስኪ ዔቂ ቃዩዋቴ።²¹ዒንሢ ዖርጎጪ ናንጋ ዎዶናናንጊና ናንጋ ጎዳ ዒንሢም ኬኤዜኔ፤ዒንሢ ጋዓንቴ ዋይዞ ዒፄኔ፤ዓይፃፓ ዓርቃዖ ዒንሢ ማዻማ ዬማኬ፤ዒዛም ዓይሢንቶ ዒንሢ ዒፄኔ።²²ዒንሢ ማዻ ጎሞ ዛሎናዢባሬ ዲልባ ፒፂ ዔኪ ዴንዳሢጉዲዒንሢ ሄንቃ ዓሳ ፒፂንቲ ዔውታንዳኔ፤ዒንሢ ጉሙርቃ፥ ዒንሢኮ ዖሎ ሚሳታዲዒንቲ ዔርቲባኣ ዓጪ ዴንዳንዳኔ፤ቦርሲንቲና ዻውሲንቲና ዒንሢም ማዓንዳኔ።²³ሊባኖኦሴ ዹካፓ ዔኪ ሙኮና ዴኤሎ ዚቢቆና ማዦና ማኣራ ኮሺና ሃሢ ዒንሢ ሃውሺ ናንጋኔ፤ጋዓንቴ ሾይቺ ዓርቄ ላኣሊጉዲ ባኒፃ ዒንሢ ዓርቃኣና ዒንሢ ዎዎይታንዳይ?

ዒኮኒያይዳ ዓጊንቴ ሜታሢ

²⁴ዒዮዓቄሜ ናኣዚ፥ ዒኮኒያም ናንጊና ናንጋ ጎዳ ሂዚ ጌዔኔ፦ «ታ ሼምፓ ሃይቆ! ኔኤኒ ታኣኮ ሚዛቆ ኩጮይዳ ዓኣሢንቲ ዓኣ ማላቶ ዢኢራሢጉዲ ማዔቴያ ታ ኔና ኬሲ ኬኤራንዳኔ፤²⁵ኔና ዎዻኒ ኮዓ ዓሶና ኔኤኒያ ኮሺ ዒጊጫ ዴሮ፤ ጌይፃ፦ ባብሎኔ ካኣቲ ናብካዳናፆኦሬንታ ባብሎኔ ዓሶንታም ታ ኔና ዓኣሢ ዒንጋንዳኔ፤²⁶ኔናንታ ኔና ሾዔ ዒንዶንታ ዒንሢ ዳውሲንቲ ዴንዲ ባይቃንዳጉዲ ታኣኒ ማሃንዳኔ፤ ዒንሢ ቢያሢ ዒንሢ ሾይንቲባኣ ዓጪ ዴንዲ ዒኢካ ሃይቃንዳኔ።²⁷ሃኖ ዓጬሎ ላሚ ዛጋኒ ኔኤኒ ጶቂሣንዳኔ፤ ጋዓንቴ ላሚ ኔ ማዒ ሙካዓኬ።»²⁸ታኣኒ ዒማና ሂዚ ጌዔኔ፦ «ካኣቲ ዒኮኒያ ቶኦቺንቲ ሃይቄ ዖቲ ዖኦኒያ ኮዑዋያጉዲ ማዓንዳኔ ጌይሢዳ? ዒዛንታ ናኣቶንታ ዔያታ ዔሩዋ ዓጪ ዲዒንቲ ዔውታሢ ዓይጎሮዳይ?»²⁹ዓጪዮ! ዓጪዮ! ዓጪዮ!ናንጊና ናንጋ ጎዳ ጋዓ ቃኣሎ ዋይዜ!³⁰«ሃይ ዓሢ ናኣታፓ ቢያ ፔኤኮ ጉሪ ዓቲናንጋኣ ዒዛኮ ጊኢጉዋያ ማዓንዳጉዲ ናንጊና ናንጋ ጎዳ ዎጌኔ፤ዳውቴኮ ካኣቱሞ ዖይቶ ዻካላኒዪሁዳይዳ ካኣታዻንዳ ዜርሢባኣያ፥ ናይ ሾይባኣ ዓሲ ጌይ ዒዛ ፃኣፔ፤ዬያ ጌዔሢ ታና፥ ናንጊና ናንጋ ጎዳኬ።»

ዔርሚያሴ ማፃኣፖ 22 / mdy_twf

ዔርሚያሴ ዪሁዳ ዓጮ ካኣቲ ማኣሮ ዓሶም ኬኤዜ ቃኣሎ

ዔርሚያሴ ሻሉሜ ጌይንታ ዓሢ ዛሎ ኬኤዜ ባኣዚ

ዔርሚያሴ ካኣቲ ዒዮዓቄሜ ዛላ ኬኤዜ ባኣዚ

ዬሩሳላሜይዳ ሄላንዳ ሜቶ ዛሎ ዔርሚያሴ ኬኤዜ ቃኣሎ

ዒኮኒያይዳ ዓጊንቴ ሜታሢ

ዔርሚያሴ ማፃኣፖ22mdy_twf