Read ዒሲያሴ ማፃኣፖ 52

ዒሲያሴ ማፃኣፖ52mdy_twf

ፆኦሲ ዬሩሳላሜ ዓውሳንዳያ ማዒፆ

¹ፂዮኔ! ጴጬ! ዔቄ፤ዎልቆ ኔኤኮ ዓዳ ማኣዖጉዲ ማይንቴ!ዱማዼ ካታሜሌ ዬሩሳላሜ! ኔኤኮ ሚዛጶ ማኣዓሢ ማይንቴ፤ሃካፓ ሴካ ዓቲንቶ ቤርቶ ቲቂንቲባኣዞንሢናዳምቦ ጎይፆና ጌኤሽኪባኣ ዓሳ ኔኤኮ ኬኤሎ ዲሮ ጋሮ ጌላዓኬ።

²ዲዒንቲ ዔውቲ ዓኣዼ ዬሩሳላሜ!ዔቂጋፓ ሲላሎ ኔኤኮ ሃርፔ፤ካኣቱሞ ሻኣሎይዳ ዴዔ፤ዒንሢ ፂዮኔፓ ዲዒንቲ ዔውቴ ዓሳ!ዒንሢ ቱኡቴ ካኖ ቢራቶ ባቃናፓ ቡሉዋቴ።

³ናንጊና ናንጋ ጎዳ ሂዚ ጋዓኔ፦ «ሚኢሼ ዔኩዋዖ ጉሪ ዒንሢ ሻንቺንቴኔ፤ ዒንሢ ማሂ ዔውታንዳሢያ ሚኢሼ ጪጉዎንቴኬ።⁴ታ ዴራ ሃያኮ ቤርታ ሙኬ ዓሲ ማዒ ናንጋኒ ጊብፄ ዓጮ ኬዴኔ፤ ዬካፓ ዓሶኦሬ ዓሳ ካራባኣ ጎይሢና ሄርቂ ዔያቶ ዎይሤኔ።⁵ታኣኮ ዴራ ዔኤቢ ጪጉዎዖ ዔውታንቴ ታ ዛጌኔ፤ ሃሢ ታኣኒ ዓይጎ ማዻንዳ ባኣዚ ዓኣይ? ዔያቶ ዎይሣ ዓሳ ቦሂ ዔያቶና ዓማላኔ፥ ሱንፆዋ ታኣኮ ዬና ዓሳ ጫሽኬ ጎይሣ ፔኤቃኔ።⁶ዬያሮ ታ ዴራ ታ ሱንፆ ዔራንዳኔ፤ዬኖ ዓቦና ዬያ ቤርታዺ ኬኤዜሢ ታና ማዔሢ ጶቂሣንዳኔ፤ሂዮ፤ ታኣኒ ታናኬ።»

⁷ዹኮ ዑፆና ጌዒ ኮዦ ሃይሶ ዔኪ ሙካ ቶካኮሹሞ ዛላኣ ኬኤዛዞንሢዻቂንቶ ዛሎ ዒላቲ ኬኤዛዞንሢፂዮኔማኣ፦ «ኔ ፆኦዛሢ ካኣታዼኔ!» ጋዓዞንሢ ዎዚ ሚዛጳይ!⁸ካታሞ ኔኤኮ ካፓ ዓሳ ዑኡዞ ፔኤኮ ዼጊዲ ዒላታሢ ዋይዜ!ፔቱሞና ዔያታ ዎዛዺ ዓይናዻኔ፤ናንጊና ናንጋ ጎዳ ፂዮኔ ማዒ ሙካኣና ፔ ዓኣፖና ዔያታ ዛጋንዳኔ።

⁹ናንጊና ናንጋ ጎዳ ፔኤኮ ዴሮ ዶዲሼኔ፤ዬሩሳላሜያ ዒ ዓውሴኔ፤ዬያሮ ዒንሢ ዬሩሳላሜኮ ዶዔ ቦካ!ቡኪንቲ ፔቱሞና ዎዛዺ ዓይናዹዋቴ።¹⁰ናንጊና ናንጋ ጎዳ ዴሮ ቢያሢኮ ቤርታዒ ዎልቄናታሢ ፔጋሲ ዔርዛንዳኔ፤ዓጫ ጉቤ ዒዛኮ ዓውሲፆ ዛጋንዳኔ።¹¹ዒንሢ ጌኤዦ ማኣሮ ሜሆ ኬዳ ዓሳ!ባብሎኔይዳፓ ኬስኩዋቴ፥ ዱማዹዋቴ፤ቄፄ ማዔ ባኮ ካኣሚፖቴ፤ዒዞፓ ኬስኪ ጌኤሺ ማዑዋቴ።¹²ናንጊና ናንጋ ጎዳ ዒንሢኮ ቤርታ ማዒ ዔኪ ዒንሢ ዓኣዻንዳሢሮዒስራዔኤሌ ፆኦዛሢ ጊንፆ ዛሎና ማዒ ዒንሢ ካፓሢሮጳሺና ዒንሢ ኬስካዓኬ፤ ዓኣሺንቲያ ዒንሢ ዓኣዻዓኬ።

ሜታ ሄላንዳ ፆኦሲ ዓይላሢ

¹³ናንጊና ናንጋ ጎዳ፦«ዓካሪ ታ ዓይላሢ ማዻ ባኮ ዔሪ ማዻንዳኔ፤ዼግ ዼጊ ጌዒ ቦንቺንታንዳኔ፤ሱንሢ ኬስኪ ሚርጌና ዔርቴያ ማዓንዳኔ።¹⁴ሚርጌ ዓሲ ዒዛ ዛጊ ዲቃታንዳያ ሄላንዳኣናዒዛኮ ዓውካራ ዓሲ ቢያፓ ዱማዼያ ማዒ ዖኦፔኔ።¹⁵ቤርታ ዔያቶም ኬኤዚንቲባኣ ባኣዚ ዔያታ ዛጋንዳሢሮዋይዚባኣ ባኣዚ ማሊ ጶቂሣንዳሢሮሚርጌ ዴራ ታ ዓይላሢ ዛሎ ዲቃቲ ሄርሻንዳኔ፤ካኣታኣ ጎዖንዶ ባኣዚ ባይዚ ዻንጋ ዓርቃንዳኔ» ጌዔኔ።

ዒሲያሴ ማፃኣፖ 52 / mdy_twf

ፆኦሲ ዬሩሳላሜ ዓውሳንዳያ ማዒፆ

ሜታ ሄላንዳ ፆኦሲ ዓይላሢ

ዒሲያሴ ማፃኣፖ52mdy_twf