ዲዒንታፓ ማዔ ዒስራዔኤሌ ዴሮ
1ዒስራዔኤሌ ዴራ ፔ ማኣሮ ዓሶና ዓሶና ፃኣፒንቴኔ፤ ዬይ ሃይሳ ዒስራዔኤሌ ዓሶኮ ካኣቶ ሃይሶ ማፃኣፓ ፃኣፒንቲ ዓኣኔ። ዪሁዳ ዴራ ማዼ ጎሞ ዛሎና ሜቶ ዔኪ ዲዒንቲንሢና ባብሎኔ ዓጮ ዓኣዼኔ፤2ካታሞይዳ ካታሞይዳ ዔያቶኮ ናንጎ ቤዞ ባንሢ ማዔ ቤርታሳ ዓሳ፦ ቄኤሳ፥ ሌዊ ዓሳ፥ ጌኤዦ ማኣሮይዳ ማዻ ዓሶንታ ሃንጎ ዒስራዔኤሌ ዓሲንታኬ።3ዪሁዳይዳፓ፥ ቢኢኒያሜይዳፓ፥ ዔፕሬኤሜንታ ሚናኣሴንታ ፃጳፓ ዓሲ ዬሩሳላሜይዳ ናንጋኒ ዴንዴኔ።4ዪሁዳ ፃጶይዳፓ ዬሩሳላሜይዳ ናንጋኒ ዴንዴ ዓሳ ላሆ ፄኤታና ታዞጲታሚ ማኣሪ ዓሲኬ። ዪሁዳ ናኣዚ ፓሬሴ ዜርፃ፦ ዖሚሪኮ ናኣዚ ናዖ፥ ዓሚሁዴ ናኣዚ፥ ዑታዬ ሱኡጌ ማሂ ዶኦሬኔ፤ ሜሌ ሃንጎ ፓሬሴ ዜርፃ ዒምሪና ባኒናኬ። ዪሁዳ ናኣዚ፥ ሼኤላ ዜርፆኮ ቶይዳሢ ዓሳያ ዒዛኮ ናኣቶና ዎላ ማኣሮ ዓሶኮ ሱኡጋሢኬ። ዪሁዳ ናኣዚ ዛራሄ ዜርፃ፦ ዪዑዔሌ ዔያቶኮ ሱኡጌ ማሄኔ።7ቢኢኒያሜ ዜርፃፓ ዬሩሳላሜይዳ ናንጋኒ ዴንዴ ዓሳ ሃይካፓ ዴማ ፓይዲንታዞንሢኬ፦ሃሴኑዓ ናኣዚ ሆዳውያ፥ ሆዳውያ ናኣዚ ሜሹላሜ፥ሜሹላሜ ናኣዚ ሳሉ፥ ዪሮሃሜ ናኣዚ ዩብኔያ፥ሚክሪ ናኣዚ ናዖ ዑዚ ናኣዚ ዔላ፥ዩብኒያ ናኣዚ ሬዑዔኤሌ፥ ሬዑዔኤሌ ናኣዚ ሼፓፂያ፥ ሼፓፂያ ናኣዚ ሜሹላሜንታኬ።9ቢኢኒያሜ ፃጳፓ ዬሩሳላሜይዳ ናንጋኒ ዴንዴ ዓሳ ዎሊ ዑፃ ታዞጳ ፄኤታና ዶንጊታሚ ላሆ ማኣሪ ዓሲኬ፤ ሃይካፓ ኬዴ ፓይዲንቴ ዓቲንቃ ቢያ ማኣሮ ዓሶኮ ሱኡጎ ሱኡጎኬ።ዬሩሳላሜይዳ ናንጌ ቄኤሶ
10ዬሩሳላሜይዳ ናንጌ ቄኤሳ ሃይካፓ ዴማ ፓይዲንታዞንሢኬ፦ዪዳዒያ፥ ዪሆያሪቤና ያኪኔ፥ጌኤዦ ማኣሮይዳ ቢታንታ ዓኣ ሂልቂያ ናኣዚ ዓዛሪያሴ፤ዒዛኮ ቤርታኣ ዓዶንሢ፦ ሜሹላሜ፥ ፃዶቄ፥ ሜራዮቴንታ ዓሂፁቤንታኬ።ዪሮሃሜ ናኣዚ ዓዳያ፤ ዒዛኮ ቤርታኣ ዓዶንሢ፦ ፓሽሁሬና ማልኪያናኬ።ዓዲዔኤሌ ናኣዚ ማዕሳዬ፤ ዒዛኮ ቤርታኣ ዓዶንሢ፦ ያህዜራ፥ ሜሹላሜ፥ ሜሺሌሚቴንታ ዒሜሬንታኬ።13ማኣሮ ዓሶኮ ሱኡጎ ማዔ ቄኤሳ ዎሊ ዑፃ ፔቴ ሺያና ላንካይ ፄኤታና ላሂታሚኬ፤ ዬያታ ቢያ ጌኤዦ ማኣሮይዳ ማዺንታ ማዾ ማዻኒ ዔራቶ ዓኣያኬ።ዬሩሳላሜይዳ ናንጌ ሌዊ ዓሶ
14ዬሩሳላሜይዳ ናንጌ ሌዊ ዓሳ ሃይማፓ ዴማ ፓይዲንታ ዓሶኬ፦ሃሹቤ ናኣዚ ሼማዒያ፤ ዒዛኮ ቤርታኣ ዓዶንሢ፦ ሜራሪ ቶኦኮይዳፓ ዓዝሪቃሜና ሃሻቢያናኬ።ባቅባቃሬ፥ ሄሬሼንታ ጋላሌ፤ሚካ ናኣዚ ማታኒያ፤ ዒዛኮ ቤርታኣ ዓዶንሢ፦ ዚክሪና ዓሳኣፔናኬ።ሼማዒያ ናኣዚ ዓብዲዩ፤ ዒዛኮ ቤርታኣ ዓዶንሢ፦ ጋላሌና ዪዱታናኬ።ኔፆፓ ካታሞ ዴማ ማዔ ዓጫ ናንጋ፥ ዔልቃናኮ ናኣዚ ናዖ፥ ዓኣሳ ናኣዚ ቤሬኪያ።ዬሩሳላሜይዳ ናንጊ ጌኤዦ ማኣሮ ካፓ ዓሶ
17ዬሩሳላሜይዳ ናንጊ ጌኤዦ ማኣሮ ካፓ ዓሳ ሃኣቶኬ፦ ሻሉሜ፥ ዓቁቤ፥ ፃልሞኔ፥ ዓሂማኔንታ ጌርሲንሢንታኬ፤ ዬያቶኮ ሱኡጋሢ ሻሉሜኬ፤18ዴንዲ ዬኖ ዎዶ ሄላንዳኣና ዓባ ኬስካ ባንፆና ካኣቲ ጌላ ዲሮ ካሮ ካፓንዳጉዲ ዬያታ ዓይሢንቴኔ፤ ዔያታ ቤርታ ሌዊ ዓሶ ጉርዶ ባንሢ ጌሎ ዲሮ ካሮ ካፓያኬ።19ዔቢያሳፔኮ ናኣዚ ናዖ፥ ቆሬ ናኣዚ ሻሉሜ ቆሬ ቶኦኮ ማዔ፥ ዒዛኮ ዒጊኖና ዎላ ዔያቶኮ ቤርታኣ ዓዶንሢ ናንጊና ናንጋ ጎዳ ዴሮና ዎላ ካኣማ ማኣሮ ጌሎ ካሮ ካፓሢጉዲ ዔያታኣ ዓፒሎና ማዢንቴ ጌኤዦ ማኣሮ ጌሎ ካሮ ካፓኔ።20ቤርታ ዓላዜሬ ናኣዚ ፒንሃሴ ዔያቶኮ ሱኡጋሢኬ፤ ዒማና ናንጊና ናንጋ ጎዳኣ ዒዛና ዎላኬ።21ሜሼሌሚያ ናኣዚ፥ ዛካሪያሴ ዓፒሎና ማዦና ናንጊና ናንጋ ጎዳ ዴሮና ካኣማ ማኣሮ ጌሎ ካሮ ካፓያኬ።22ኬኤፆ ጌሎ ካሮንታ ዲሮ ካሮንታ ካፓንዳጉዲ ዶኦሪንቴ ዓሳ ዎሊ ዑፃ ላምዖ ፄኤታና ታጶ ላምዖ ዓሲኬ፤ ዔያታ ናንጋ ጉርዶ ጉርዶ ጎይፆ ፓይዲንቲ ፃኣፒንቴኔ፤ ዔያቶኮ ቤርታኣ ዓዶንሢ ዬኖ ማዾ ማዻንዳጉዲ ዓይሤሢ ካኣቲ ዳውቴና ፆኦሲ ማሊፆ ኬኤዛ ሳሙዔኤሌናኬ።23ዬኖ ዓሶና ዬኖ ዓሶኮ ናኣቶና ጌኤዦ ማኣሮ ጌሎ ዲሮ ካሮ ካፒፆ ሃሺባኣሴ።24ዱማ ዱማ ባንፆና ጌይፃ፦ ኬዶ ባንፃ፥ ዾኦሎ ባንፃ፥ ዓባ ኬስካ ባንፆንታ ጌላ ባንፆ ሆቶና ፔቴ ፔቴ ዲሮ ጋሮ ጌሎ ካራ ካፓ ዓሲ ዓኣኔ፤25ዬያቶ ካፓ ዓሶ ዔያታ ዓኣ ጉርዶይዳ ናንጋ ዒጊና ላንካሳ ኬሎና ኬሎና ዎሊ ዓኣሢ ጌሊ ጌሊ ማኣዳኔ፤26ዖይዶ ሌዊ ዓሶንሢ ካፓ ዓሶኮ ሱኡጎ ማዓዛ ዔያታ ጉቤ ቢታንቶ ዒንጊንቴያኬ፤ ዬያጉዲ ሃሣ ጌኤዦ ማኣሮይዳ ዓኣ ቆልዖና ጋሮይዳ ጌሦ ሜሆኮዋ ዔያታ ሱኡጌኬ።27ጌኤዦ ማኣሮ ካፓኒና ጉቶ ጉቶ ዲሮ ጋሮ ጌሎ ካሮ ቡላሢ ዔያቶ ማዔሢሮ ዔያታ ዎርቃሢ ጌኤዦ ማኣሮኮ ዑኬኬ።ሜሌ ሌዊ ዓሶ
28ሜሌ ሌዊ ዓሳ ጌኤዦ ማኣሮይዳ ማዺንቶ ሜሆ ሱኡጌ ማዒ ዛጋኔ፤ ሜሆ ማዾሮ ኬሶዋና ሃሣ ጋፒንፆይዳ ማሂ ጌልዞዋና ዔያታ ፓይዲ ፓይዲ ዛጋኔ።29ሃንጎዋታ ሃሣ ዛሎ ማዺንቶ ሜሆንታ፥ ዺኢሎንታ፥ ዎይኖ ዑዦንታ፥ ሪሚቶ ዛይቶንታ፥ ዑንጆና ዱማ ዱማ ሳውቃ ዼኤሾኮዋ ቢያ ሱኡጎኬ።30ሳውቃ ዼኤሾ ዎላ ሲኢሪፃ ጋዓንቴ ዓይሢንቴሢ ቄኤሶም ሌሊኬ።31ቆሬ ቶኦካፓ ሻሉሜኮ ቶይዶ ናዓሢ፥ ማቲትያ ናንጊና ናንጋ ጎዳም ዒንጊንታ ካፆ ካሢሳ ሱኡጋሢኬ፤32ቄዓቴ ቶኦካ ሃሣ ጌኤዦ ማኣሮም ማዓ ካፆ ሃውሾ ኬሎና ኬሎና ካሢሳ ሱኡጎኬ።33ዛላ ሌዊ ማኣሮ ዓሶኮ ሱኡጋ ጌኤዦ ማኣሮይዳ ዋንቴና ሮኦሪና ፆኦሲ ቦንቾም ዓይኑሞ ዓይናዻኔ፤ ዔያታ ዋንቶና ሮኦሮና ቢያ ማዻያ ማዔሢሮ ሜሌ ማዾ ቢያ ሃሺ ጌኤዦ ማኣሮኮ ዲሮ ጋራ ዔያቶም ጊኢጊንቴ ቆልዖይዳ ናንጋኔ።34ዬንሢ ቢያ ሌዊ ማኣሮ ዓሶኮ ሱኡጎኬ፤ ዔያቶኮ ፃጳ ፓይዲንቴ ጎይፆና ሱኡጌ ማዒ ዬሩሳላሜይዳ ናንጌኔ።ካኣቲ ሳኣዖኦሌኮ ቤርታኣ ዓዶንሢና ዜርፆና
35ዪዒዔኤሌ ጎዖሢ ጌባዖኦኔ ካታሞ ማዢ ዒኢካ ዴዔኔ፤ ዒዛኮ ማቻ ማዕካ ማዓዛ፥36ናኣዚ ቶይዲ ዒዛኮ ዓብዶኔ ጌይንታኔ፤ ሜሌ ዒዛኮ ዓቲንቆ ናኣታ፦ ፁሬ፥ ቂሼ፥ ባዓኣሌ፥ ኔሬ፥ ናኣዳኣቤ፥37ጌዶሬ፥ ዓሂዮ፥ ዛካሪያሴና ሺምዓኮ ዓዶ ሚቅሎቴ ጎዖያኬ፤38ሚቅሎቴ ሺምዓኮ ዓዶኬ፤ ዔያታ ሃንጎ ዔያቶኮ ዒጊኖኮ ዑኬ ዬሩሳላሜይዳ ናንጋኔ።39ኔሬ ቂሴ፥ ቂሴ ካኣቲ ሳኣዖኦሌ ሾዔኔ፤ ሳኣዖኦሌያ ዮናታኣኔ፥ ማልኪሹዓ፥ ዓቢናዳኣቤና ዔሽባዓኣሌ ጌይንታ ዓቲንቄ ናይ ሾዔኔ፤40ዮናታኣኔ ሜሪባዓኣሌ፥ ሜሪባዓኣሌሚካ፥41ሚካ ፒቶኔ፥ ሜሌኬ፥ ታሬዓና ዓሃዜ ጌይንታ ዓቲንቄ ናይ ሾዔኔ።42ዓሃዜ ያዕራ፥ ያዕራ ዓሌሜቴ፥ ዓሌሜቴ ዓዝማዌቴና ዚምሪ ጌይንታ ዓቲንቄ ናይ ሾዔኔ፤ ዚምሪያ ሞፃ ጎዖሢ ሾዔኔ፤43ሞፃ ቢንዓ፥ ቢንዓ ሬፓያ፥ ሬፓያ ዔልዓሳ፥ ዔልዓሳ ዓፄሌ ሾዔኔ።44ዓፄሌ፦ ዓዝሪቃሜ፥ ቦኬሩ፥ ዒስማዔኤሌ፥ ሼዓሪያ፥ ዓብዲዩና ሃናኒ ጌይንታ ላሆ ዓቲንቄ ናይ ሾዔኔ።