Read 1 ፆኦሲ ዓሶ ሃይሶ 16

1 ፆኦሲ ዓሶ ሃይሶ16mdy_twf

¹ዔያታ ዒማና ጫኣቁሞ ሳኣፂኖ ዳውቴ ጊኢጊሼ፥ ዓፒሎና ማዢንቴ ማኣራ ጌሤኔ፤ ዬካፓ ሚቺ ዒንጎ ዒንጊፆንታ ፔቱሞና ዒንጎ ዒንጊፆዋ ዔያታ ፆኦሲም ሺኢሼኔ፤²ዳውቴ ዬያ ባኮ ዒንጌስካፓ ናንጊና ናንጋ ጎዳ ሱንፆና ዴሮ ዓንጄኔ፤³ዬካፓ ዒስራዔኤሌ ዓሶኮ ዓቲንቆንታ ላኣሎንታም፥ ፔቴ ፔቴ ዓሶም ቢያ ፔቴ ፔቴ ሙሊሢ ላኣዳ ቲቂሢ ዓሽኪንታ ዎይኔ ዺንቆናያይዳፓኣ ዻካ ዒንጌኔ።⁴ፆኦሲኮ ጫኣቁሞ ሳኣፂኖኮ ቤርታ ማዒ ማዻንዳጉዲና ናንጊና ናንጋ ጎዳ ማዔ ዒስራዔኤሌ ፆኦዛሢም ጋላታንታ ሄርሺሢንታ ቦንቾዋ ዒንጊ ዒንጊ ፆኦዛሢ ካኣሽኮ ካኣዦ ዳምቦ ማዺሻንዳጉዲ ሌዊ ዓሶይዳፓ ዳውቴ ዶኦሬኔ።⁵ዒማና ዓሳኣፔ ሱኡጋሢኬ፤ ዛካሪያሴ ዒዛኮ ዴማ ማኣዲ ማዻሢ ማዒ ዶኦሪንቴኔ፤ ዬካፓ ዪዒዔኤሌ፥ ሼሚራሞቴ፥ ዪሂዔኤሌ፥ ማቲትያ፥ ዔሊዓቤ፥ ቤናያ፥ ዖቤድዔዶኦሜንታ ዪዒዔኤሌንታ ጎኦሎ ዋርቃንዳጉዲ፤ ዓሳኣፔ ሃሣ ዑኡቱቡላሢ ዎቻንዳጉዲ ጌይንቴኔ፤⁶ቤናያና ያሃዚዔኤሌና ጌይንታ ላምዖ ቄኤሶንሢ ጫኣቁሞ ሳኣፂኖኮ ቢያ ዎዴ ቤርቶ ዛሎና ዛዬ ዋርቃንዳጉዲ ጌይንቴኔ፤⁷ዓሳኣፔንታ ሃንጎ ዒዛኮ ዒጊኖ ሌዊ ዓሶንታ ናንጊና ናንጋ ጎዳም ማዓ ጋላታ ዓይኑሞ ሺኢሻንዳጉዲ ዳውቴ ሱኡጌ ማሂ ዔያቶ ዶኦሬሢ ዒማናኬ።

ዳውቴኮ ፆኦሲ ጋላቶ ዓይኑሞ

⁸ናንጊና ናንጋ ጎዳ ጋላቱዋቴ፤ዒዛ ሱንፆ ዔኤሊ ሺኢቁዋቴ፤ዒ ማዼ ባኮ ዴሮ ቢያሢም ኬኤዙዋቴ።⁹ናንጊና ናንጋ ጎዳም ጋላታ ዓይኑሞ ዓይናዹዋቴ፤ዒ ማዼ ዲቃሢ ሄርሺሳ ማዾ ቢያ ኬኤዙዋቴ፤¹⁰ዒዛኮ ዱማዼ ሱንፆና ዎዛዹዋቴ!ናንጊና ናንጋ ጎዳ ኮዓዞንሢ ቢያ ዎዛዾንጎ!¹¹ዒዛኮ ማኣዳሢ ዴንቃኒናንጊና ናንጋ ጎዳ ኮዑዋቴ፤ቢያ ዎዴ ዒዛም ዚጊ ካኣሽኩዋቴ፤¹²ዒዛም ማዻያ ማዔ፥ ዒስራዔኤሌ ናኣቶንሢዮ!ፆኦሲ ዶኦሬያ ማዔ ያይቆኦቤ ናኣቶንሦ!ፆኦሲ ማዼ ዲቃሢ ሄርሺሳ ባኮዒዚ ዎጌ ዎጊፆንታዒ ፔ ዎልቆና ማዼ ማዾ ጶቂሡዋቴ።¹⁴ናንጊና ናንጋ ጎዳ ኑኡኮ ፆኦዛሢኬ፤ዒዚ ዓጮ ቢያይዳ ፒዜ ዎጌ ዎጋኔ።¹⁵ዒዛኮ ጫኣቁሞ ዋሊፖቴ፤ዒ ዓይሤ ባኮ ዴንዲ ሺያ ሾይንቲ ሄላንዳኣናፆኦሲ ኬኤዜ ሃጊ ማዓንዳ ዎዞ ቃኣሎ ናንጊና ዶዲሺ ካፓኔ።¹⁶ዒ ዓብራሃሜና ዎላ ጫኣቄ ጫኣቁሞ ካፓኔ፤ዪሳኣቄም ኬኤዜ ሃጊ ማዓንዳ ዎዞ ቃኣሎዋ ዶዲሻኔ፤¹⁷ያይቆኦቤም ዳምቤ ማሂ ዶዲሼኔ፤ዒስራዔኤሌማኣ ጋፒንሢባኣ ጫኣቁሞ ጫኣቄኔ።¹⁸ዬይ ጫኣቁማ፦«ካኣናኔ ዓጮ ታ ኔኤም ዒንጋንዳኔ፤ኔኤም ዒንጊንቴ ቤሲ ማዓንዳኔ» ጋዓያኬ።

¹⁹ያዺ ጌይንቴሢ ፆኦሲኮ ዓሳ ፓይዶና ዻካ ዓኣንቴካኣናኔ ዓጮይዳ ዔያታ ሾኦቺ ማዒ ዓኣንቴኬ።²⁰ፔቴ ዴሮ ኮራፓ ሜሌ ዴሮ ባንሢፔቴ ዓጮይዳፓ ሜሌ ዓጪ ባንሢሃንቲ ሃንቲ ዔያታ ሜታዼኔ።²¹ፆኦሲ ጋዓንቴ ዖኦኒያ ዔያቶ ሄርቂ ዎይሦም ጌይባኣሴ፤ዔያቶሮ ጌይ ካኣቶ ጎሬኔ።²²«ታ ዶኦሚ ቲሽኬዞንሢ ካኣሚፖቴ፤ታ ማሊፆ ኬኤዛዞንሢዳ ፑርታ ማዺፖቴ» ጌይ ዔያቶም ላቴኔ።

²³ሳዖይዳ ናንጋ ዴራ ቢያ ናንጊና ናንጋ ጎዳ ጋላቱዋቴ!ዓውሲፆ ዒዛኮ ኬላ ኬላ ኬኤዙዋቴ፤²⁴ካኣቶም ቢያ ዒዛኮ ቦንቾ ዔርዙዋቴ፤ሜሌ ዴሮም ቢያ ዒዛኮ ዼኤፖ ማዾ ኬኤዙዋቴ።

²⁵ናንጊና ናንጋ ጎዳ ዼኤፒኬ፤ፑኡፒ ጋላታ ዒዛም ኮይሳኔ፤ሜሌ ካኣሽኮ ፆኦዛፓ ቢያ ባሼ ዒጊጪንታንዳያ ኮይሳኔ፤²⁶ሃንጎ ዴራ ዚጊ ካኣሽካሢ ሜሌ ፆኦዞኬ፤ናንጊና ናንጋ ጎዳ ጋዓንቴ ጫሪንጮ ማዤ ፆኦሲኬ።²⁷ዒዛኮ ኮይሎይዳ ዓኣ ባካ ቦንቾና ዼኤፑሞናኬ፤ዒዛም ዱማዼ ማኣሮዋ ዎልቄና፥ ሃሣ ዎዛና ዒ ኩንሤኔ።

²⁸ዒንሢ ሳዖይዳ ናንጋ ዴራ ቢያ!ዒዛኮ ቦንቾንታ ዎልቆንታሮ ናንጊና ናንጋ ጎዳ ጋላቱዋቴ።²⁹ዒዛ ሱንፆም ኮይሳ ቦንቾ ሺኢሹዋቴ፤ዒዛኮ ጌኤዦ ማኣሮ ዒንጎ ባኣዚ ዔኪ ዬዑዋቴ፤ዱማዼያ ማዔ ፆኦዛሢ ፔጋዺ ጴዻኣና ዒዛም ዚጊ ካኣሽኩዋቴ።³⁰ሳዖ ዴራ ቢያ ዒዛ ቤርታ ጎጋይቁዋቴ!ሳዓ ዶዲሺ ማዢንቴሢሮ ዓጊፂንዱዋሴ።³¹ሳዖንታ ጫሪንጮንታ ዎዛዹዋቴ!ሜሌ ዴሮም ቢያ ናንጊና ናንጋ ጎዳ ካኣቲታሢ ዔርዙዋቴ።³²ባዞንታ ዒኢካ ዓኣ ባካ ቢያ ዒላሹዋቴ!ጎዦንታ ዬያይዳ ዓኣ ባካ ቢያ ዎዛዹዋቴ!³³ናንጊና ናንጋ ጎዳ ሳዖይዳ ዎጋኒ ሙካንዳሢሮዴኤሎይዳ ዓኣ ሚፃ ዒዛም ዒላሾንጎ!

³⁴ዒዚ ኮሺታሢሮ ናሹማ ዒዛኮ ናንጊና ባይቁዋኣሢሮናንጊና ናንጋ ጎዳ ጋላቱዋቴ!³⁵ናንጊና ናንጋ ጎዳ፦«ኑና ዓውሳ ፆኦዛሢዮ!ሜሌ ዴሮ ባኣካፓ ማሂ ዔኪ ኑ ዓጮ ኑና ጌልዜ፤ያኣዼ ማዔም ኔና ኑ ጋላታንዳጉዲ፥ኔኤኮ ዱማዼ ሱንፆ ኑ ቦንቻንዳጉዲሃዳራ ኑና ዓውሴ!» ጎዑዋቴ።³⁶ናንጊና ናንጋ ጎዳ ማዔ ዒስራዔኤሌ ፆኦዛሢናንጊና ጋላቲንቴያ ማዖም!ዴራ ዒማና «ዓኣሜን» ጌዔኔ፤ ናንጊና ናንጋ ጎዳኣ ጋላቴኔ።

ዬሩሳላሜና ጌባዖኦኔናይዳ ካኣሽኪንቴ ካኣዦ

³⁷ካኣቲ፥ ዳውቴ ዓሳኣፔና ዒዛኮ ዒጊኖ ማዔ ሌዊ ዓሶ ናንጊና ናንጋ ጎዳኮ ጫኣቁሞ ሳኣፂና ዓኣ ቤዛ ካኣሽኪንታ ካኣዦ ዳምቦ ኩንሢሲ ኩንሢሲ ናንጋንዳጉዲ ሱኡጌ ማሂ ጌሤኔ፤ ዬያሮ ዔያታ ዬያ ማዾ ቢያ ኬሊ ማዻኔ፤³⁸ዔያቶ ማኣዳንዳጉዲ ዪዱቱ ናኣዚ ዖቤድዔዶኦሜና ዒዛ ቶኦኪ ማዔያ ሜሌ ላሂታሚ ሳሊ ዓሲያ ዓይሢንቴኔ፤ ዒማና ዪዱቱ ናኣዚ፥ ዖቤድዔዶኦሜና ሆላና ጌሎ ካሮ ካፒሳ ሱኡጎ ማዔኔ።³⁹ቄኤሳሢ፥ ሳዶቄና ዒዛ ዒጊኖ ማዔ ሜሌ ቄኤሳ ጌባዖኦኔይዳ ዓኣ፥ ዓፒሎና ማዢንቴ ፆኦሲ ካኣሽኪንታ ማኣሮይዳ ካኣዦ ካኣሽኪሳ ሱኡጌ ማሂ ዳውቴ ዔያቶ ዶኦሬኔ።⁴⁰ዬያ ዒ ማዼሢ ናንጊና ናንጋ ጎዳ ዒስራዔኤሌ ዓሶም ዓይሤ ዎጎ ጎይፆና ቢያ ኬሊ ጉቴና ዋንቴና ሚቺ ዒንጎ ዒንጊፆ ሚቺ ፆኦሲም ሺኢሻንዳጉዲኬ።⁴¹ዒኢካ ዔያቶና ዎላ ሄማኔንታ ዪዱቱንታ፤ ዬያጉዲ ሃሣ ፆኦሲኮ ናንጊና ናንጋ ናሹሞ ማሊ ማሊ ቢያ ኬሊ ጋላታ ዓይኑሞ ዓይናዻንዳጉዲ ዶኦሪንቴ ሜሌ ዓሲያ ዓኣኔ፤⁴²ሄማኔና ዪዱቱና ሹሉንጋ፥ ዑኡቱቡላሢ፤ ዬያጉዲ ጋላቶ ዓይኑሞ ዓይናዾዋኣና ዋርቆ ዓንጋሞ ሱኡጌ ማዒ ዓርቃያ ማዔኔ፤ ዪዱቱ ቶኦኪ ማዔ ዓሳ ጌሎ ካሮ ካፓ ዓሶኮ ሱኡጌ ማዔኔ።⁴³ዬካፓ ዓሳ ቢያ ፔ ማኣሪ ማኣሪ ዴንዴኔ፤ ዳውቴያ ፔ ማኣሮ ዓሶ ዓንጃኒ ፔ ማኣሪ ዴንዴኔ።

1 ፆኦሲ ዓሶ ሃይሶ 16 / mdy_twf

ዳውቴኮ ፆኦሲ ጋላቶ ዓይኑሞ

ዬሩሳላሜና ጌባዖኦኔናይዳ ካኣሽኪንቴ ካኣዦ

1 ፆኦሲ ዓሶ ሃይሶ16mdy_twf