Ni xi y'éjña chji Jesucristo̱ nga ka̱ma7maj_btt

B'i̱ ts'ín tsakuchjíhi̱ Jua nga xu̱ta̱ xi ntje̱ Israel tje̱he̱n ra̱ kis'et'aha̱ chu̱ba̱ha̱ Nti̱a̱ná

1Nk'ie nga ja kama ni xu'bi̱, a̱s'a̱i kikie ñju ntítsje xi tíi̱ncha ndju nga ñju tíkjáha̱ a̱sunntee̱. Kui xi tíb'échjaha̱ ntjo̱ xi nibáha nga ñju tíkjáha̱ a̱sunntee̱ tu̱ xi najmi tsjéhen ntjo̱ a̱sun t'anankiu̱, ta̱ ndaha a̱sun ntáchak'uu̱n, ta̱ ndaha a̱jihi̱n yá xi tjín a̱sunntee̱.2Ta̱ kikie kj'a̱í ntítsje xi tínibáha má tju ts'íu̱. Kui xi j'ai tu̱ xi k'u̱ét'aha̱ ra̱ chu̱ba̱ha̱ Nti̱a̱ná xu̱ta̱ xi ts'e̱. Kui ntítsje xu'bi̱ 'yún kikjintáyaha̱ ntítsje xi ñjuu̱ xi kik'a̱i̱hi̱ xáha̱ xi má nga ts'i̱ínkatsún t'anankiu̱ ko̱ ntáchak'uu̱n.3B'i̱ kitsúhu̱: —Najmi tu̱ chumi nihi xi n'oho̱o t'anankiu̱ ko̱ ta̱ ndaha ntáchak'uu̱n ko̱ yá xi tjín. Nk'iehé nga ja s'e̱t'aha̱ stjen chu̱ba̱ha̱ Nti̱a̱ná xu̱ta̱ xi ts'e̱, nk'iehé nga ka̱ma k'úét'a ntso̱o.4Kint'e xki̱hi̱ xu̱ta̱ xi kis'et'aha̱ chu̱ba̱. Unchan ko̱ yachán ñju mii̱ kama ngayjee̱ ntje̱he̱ Israel.5B'i̱ tjín kamaha nga nkúnkú ntje̱ te joo̱: te jo mii̱ xi ts'e̱ Juda, te jo mii̱ xi ts'e̱ Ruben, te jo mii̱ xi ts'e̱ Gad,6te jo mii̱ xi ts'e̱ Aser, te jo mii̱ xi ts'e̱ Neftali, te jo mii̱ xi ts'e̱ Manase,7te jo mii̱ xi ts'e̱ Simeon, te jo mii̱ xi ts'e̱ Levi, te jo mii̱ xi ts'e̱ Isacar,8te jo mii̱ xi ts'e̱ Zabulon, te jo mii̱ xi ts'e̱ Kuse, ko̱ te jo mii̱ xi ts'e̱ Benjamin.

B'i̱ ts'ín tsakuchjíhi̱ Jua nga tu̱ xí nkjihín xu̱ta̱ i̱ncha tsitjujin kju̱a̱ni̱ma̱ chánkoo̱

9Nk'ie nga ja kama ni xu'bi̱, a̱s'a̱i tsase ko̱ kikie nkjin ṉkjún xu̱ta̱. Ndaha najmi ch'a ma b'éxki̱hi̱. Ngayje tíkjá xu̱ta̱ xi tjín a̱sunntee̱ niu̱, ngayje tíkjá ntje̱, ngayje tíkjá nanki ko̱ ngayje tíkjá én. Tíi̱ncha ndju a̱nkjín xi tíbatéxumoo̱ ko̱ nginku̱n Chu̱tsa̱nko̱. Najyun taba i̱ncha yja ko̱ xka̱jén i̱ncha y'a.10'Yún tíi̱ncha kjintáya nga b'i̱ tíi̱ncha tsu:¡Nkuhú Chu̱tsa̱nko̱ ko̱ Nti̱a̱ná xi tíbatéxumoo̱,kui xi ts'ínk'ankiná!11Ngayjee̱ ntítsjee̱ xi tíi̱ncha ndju a̱ndaihi̱ má kab'ejña xi tíbatéxumoo̱, a̱ndaihi̱ jáchá xi kan ñjuu̱ ko̱ xi ñju xi tjíntu tík'uu̱n, i̱ncha kingjénsten a̱nkjín nga i̱ncha kits'íntsjoho̱ Nti̱a̱ná.12B'i̱ i̱ncha kitsú:¡B'a̱ tjín!N'etsjoho̱ ko̱ tjíhin kju̱a̱chánka Nti̱a̱ná,be nkú ts'ín ts'ínnkjink'un ko̱ 'ba̱i̱hi̱ máb'a̱chjíhi̱,yankjún ko̱ bakúchji nga'yúhu̱n santaha tu̱ nkjéhé ni.¡B'a̱ katuma!13A̱s'a̱i nku nda̱chá xi kan ñjuu̱ kingjásjaiyana: —¿Yá xu̱ta̱ha xi yja najyun taboo̱? ¿Má i̱ncha kanibáha?14—Ji xi yai, Nda̱ Nti̱a̱ —kixihi̱n. A̱s'a̱i b'i̱ kitsúna: —Kui xi i̱ncha kikie kju̱a̱ni̱ma̱ chánkoo̱. Jníhi̱ Chu̱tsa̱nko̱ i̱ncha kits'ín tabako̱ho nga tsané najyuhu̱n.15Kui kju̱a̱ha nga tíi̱nchaha a̱nkjín Nti̱a̱ná xi batéxuma ko̱ ni̱stjin ni̱stje̱n tíi̱ncha ts'íntsjoho̱ a̱ya ni̱nku̱hu̱. Xi tíbatéxumoo̱ kuhu̱n xu̱ta̱ xu'bi̱ a̱ya a̱nte nkjúhu̱n.16Najmi ta̱ sku̱e̱he kjintíá ko̱ ta̱ ndaha najmi ta̱ xintá ka̱maha̱ ra̱. Najmi ta̱ ts'i̱ínchjaha̱n ra̱ ts'íu̱ ko̱ najmi ta̱ ts'i̱ínstihi̱ ra̱ nubóo̱.17A̱t'aha̱ Chu̱tsa̱nka̱ xi ta̱ tíbatéxumoo̱, kui xi nda̱ bastu xi kúnntaha̱ ko̱ ngju̱a̱i̱ko̱ho̱ má tjín ntánijua xi ts'ínk'íéntu tík'uhu̱n xu̱ta̱. Nti̱a̱ná ts'i̱ínxijnu ntánku̱n nga nkúnkú.
expand_more
Search