Nehemiah1
1हम हकल्याह के बेटा नहेम्याह ही। हम ही ई विवरण के लिख रहली हे।
हमर खिस्सा किसलेव के महीना में राजा अर्तक्षत्र के शासनकाल के बीसवाँ बरस के घड़ी होवऽ हे। शूशन नाम के राजधानी वाला शहर में हली। 2हमर भईवन में से एगो, हनानी, यहूदा प्रान्त के कुछ दोसर लोगवन के साथ हमरा से मिले अईलन हल। हम उनका से ऊ यहूदियन के बारे में पूछली जौन बँधुआई से छूटलन हल आउर केतना बरिस पहिले यहूदा में बचल रहलन हल जखनी सिपाहियन केतना यहूदियन के बाबेल जाय लागी मजबूर कईलन हल। हम यरूशलेम शहर के हालत के बारे में भी पूछली।3ओखनी हमरा से कहलन, “कि बँधुआई से छूट के आवे वाला यहूदी आउर यहूदा प्रान्त में बचल रहे के दशा बहुत खराब हे। बाबेल के सिपाहियन यरूशलेम के देवाल के शहर में घुसे लागी तोड़ देलन हे, आउर ओखनी एकर सभे फाटकवन के जला देलन। ऊहाँ रहे वाला लोग बिना हिफाजत के हथन।”4जखनी हम ई बातवन के बारे में सुनली, तऽ हम बैठ गेली आउर रोबे लगली। हम केतना दिन तक विलाप करते रहली। हम बिना खाना के रहली, आउर हम स्वर्ग में रहे वाला परमेश्वर से प्रार्थना कईली।5हम प्रार्थना कईली, “हे यहोवा, तूँ ओही परमेश्वर हऽ जौन स्वर्ग में विराजमान हऽ। तूँ महान आउर भययोग्य परमेश्वर हऽ। तोरा से प्रेम रखे वालन लोगवन लागी आउर तोर आज्ञावन के पालन करे वालन लागी तूँ हमेशा अपन वाचा के सच्चाई आउर करुणा से पूरा करऽ हऽ।6अब कृपा कर के हमरा दने कान लगावऽ आउर हमर प्रार्थना के सुनऽ जेकरा हम अखनी तोरा से कर रहली हे, जईसन कि हम हमेशा तोर चुनल गेल लोगवन, इस्राएल के लोगवन लागी करऽ ही। हमरा ऊ पापवन के अंगीकार करे के चाही जौन हमनी, इस्राएल के लोग तोर विरोध में कईली हे। दून्नो हम आउर हमर पूर्वज भी पाप कईलन हे।”7हम तोरा जौरे बहुत जादे बदमासी कईली हे। कई बरिस पहिले तूँ अपन सेवक मूसा के द्वारा हमनी के अपन व्यवस्था देलऽ। बाकि हमनी तोर व्यवस्था के पालन नऽ कईली।8ऊ प्रतिज्ञा के सुधि लऽ जेकरा तूँ अपन सेवक मूसा से कईलऽ हल। तूँ उनका से कहलऽ हल कि, जदि हे इस्राएल तूँ हमर आज्ञा के नऽ मानवऽ, तऽ हम तोरा तोर देश में से निकाल देम आउर तोरा दोसर जातियन के बीच में बसा देम।9बाकि जदि तूँ फिर से हमरा प्रति विश्वासयोग्य हो जईबऽ आउर हमर आज्ञावन के फिर से मानते रहबऽ, तऽ हम तोरा यहूदा के तोर जन्मभूमि में वापस ले आयेम। एही ऊ जगह हे जहाँ से हम अपने दौलत के देखावे लागी पूरा संसार में चुनलन हे। हम अईसन करम चाहे तूँ केतना ही दूर काहे नऽ चल गेलऽ हे। 10हम तऽ तोर चुनल गेल प्रजा ही, जिनका तूँ मिस्र के गुलामी से छोड़इलऽ हे। तूँ अईसन आसानी से कईलऽ काहेकि तूँ बहुत तागतवर हऽ।11हे हमर प्रभु। हमर प्रार्थना पर आउर हमर संगी इस्राएलियन के प्रार्थना पर ध्यान दऽ। हम तोर भय माने लागी उत्सुक ही। कृपा कर के अईसन होवे दऽ कि फारस के राजा ऊ विनती लागी सहमत हो जईतन जेकरा हम जल्दिये ओकरा से करे वाला ही। ऊ घड़ी, हम राजा के मेज पर एगो बड़ी खास अधिकारी जौन दाखमधु परोसऽ हल, ओही हली।
हमर खिस्सा किसलेव के महीना में राजा अर्तक्षत्र के शासनकाल के बीसवाँ बरस के घड़ी होवऽ हे। शूशन नाम के राजधानी वाला शहर में हली। 2हमर भईवन में से एगो, हनानी, यहूदा प्रान्त के कुछ दोसर लोगवन के साथ हमरा से मिले अईलन हल। हम उनका से ऊ यहूदियन के बारे में पूछली जौन बँधुआई से छूटलन हल आउर केतना बरिस पहिले यहूदा में बचल रहलन हल जखनी सिपाहियन केतना यहूदियन के बाबेल जाय लागी मजबूर कईलन हल। हम यरूशलेम शहर के हालत के बारे में भी पूछली।3ओखनी हमरा से कहलन, “कि बँधुआई से छूट के आवे वाला यहूदी आउर यहूदा प्रान्त में बचल रहे के दशा बहुत खराब हे। बाबेल के सिपाहियन यरूशलेम के देवाल के शहर में घुसे लागी तोड़ देलन हे, आउर ओखनी एकर सभे फाटकवन के जला देलन। ऊहाँ रहे वाला लोग बिना हिफाजत के हथन।”4जखनी हम ई बातवन के बारे में सुनली, तऽ हम बैठ गेली आउर रोबे लगली। हम केतना दिन तक विलाप करते रहली। हम बिना खाना के रहली, आउर हम स्वर्ग में रहे वाला परमेश्वर से प्रार्थना कईली।5हम प्रार्थना कईली, “हे यहोवा, तूँ ओही परमेश्वर हऽ जौन स्वर्ग में विराजमान हऽ। तूँ महान आउर भययोग्य परमेश्वर हऽ। तोरा से प्रेम रखे वालन लोगवन लागी आउर तोर आज्ञावन के पालन करे वालन लागी तूँ हमेशा अपन वाचा के सच्चाई आउर करुणा से पूरा करऽ हऽ।6अब कृपा कर के हमरा दने कान लगावऽ आउर हमर प्रार्थना के सुनऽ जेकरा हम अखनी तोरा से कर रहली हे, जईसन कि हम हमेशा तोर चुनल गेल लोगवन, इस्राएल के लोगवन लागी करऽ ही। हमरा ऊ पापवन के अंगीकार करे के चाही जौन हमनी, इस्राएल के लोग तोर विरोध में कईली हे। दून्नो हम आउर हमर पूर्वज भी पाप कईलन हे।”7हम तोरा जौरे बहुत जादे बदमासी कईली हे। कई बरिस पहिले तूँ अपन सेवक मूसा के द्वारा हमनी के अपन व्यवस्था देलऽ। बाकि हमनी तोर व्यवस्था के पालन नऽ कईली।8ऊ प्रतिज्ञा के सुधि लऽ जेकरा तूँ अपन सेवक मूसा से कईलऽ हल। तूँ उनका से कहलऽ हल कि, जदि हे इस्राएल तूँ हमर आज्ञा के नऽ मानवऽ, तऽ हम तोरा तोर देश में से निकाल देम आउर तोरा दोसर जातियन के बीच में बसा देम।9बाकि जदि तूँ फिर से हमरा प्रति विश्वासयोग्य हो जईबऽ आउर हमर आज्ञावन के फिर से मानते रहबऽ, तऽ हम तोरा यहूदा के तोर जन्मभूमि में वापस ले आयेम। एही ऊ जगह हे जहाँ से हम अपने दौलत के देखावे लागी पूरा संसार में चुनलन हे। हम अईसन करम चाहे तूँ केतना ही दूर काहे नऽ चल गेलऽ हे। 10हम तऽ तोर चुनल गेल प्रजा ही, जिनका तूँ मिस्र के गुलामी से छोड़इलऽ हे। तूँ अईसन आसानी से कईलऽ काहेकि तूँ बहुत तागतवर हऽ।11हे हमर प्रभु। हमर प्रार्थना पर आउर हमर संगी इस्राएलियन के प्रार्थना पर ध्यान दऽ। हम तोर भय माने लागी उत्सुक ही। कृपा कर के अईसन होवे दऽ कि फारस के राजा ऊ विनती लागी सहमत हो जईतन जेकरा हम जल्दिये ओकरा से करे वाला ही। ऊ घड़ी, हम राजा के मेज पर एगो बड़ी खास अधिकारी जौन दाखमधु परोसऽ हल, ओही हली।
Bridge Connectivity Solutions Pvt. Ltd.