Ezra9
1एकर बाद यहूदी अगुवन हमरा भीर आके कहे लगलन कि बड़ी इस्राएली अगुवा, आउर ईहाँ तक कि कुछ पुरोहित आउर लेवी भी ऊ काम करे ला नऽ छोड़लन जौन ई देश में रहे वाला दूसरा लोग करऽ हे। ऊ ओही घिनौना काम करऽ हलन हे जौन ईहाँ के रहे वाला लोग करऽ हे। ई सभे कनानी, हित्ती, परिज्जी, यबूसी, अम्मोनी, मोआबी, मिस्री आउर एमोरी लोग के समाज हे।2खास तौर पर, कुछ इस्राएली मरद अईसन औरतियन से वियाह कर लेलन जौन इस्राएली नऽ हे। आउर ओखनी अपन-अपन बेटा-बेटी लोग के भी ओईसहीं करे ला इजाजत देलन। येहिगुने हमनी जौन परमेश्वर के लोग पवित्र ही, अखनी ईहाँ के बासिन्दा समाज से अलग नऽ ही। सचमुच में हमनी के केतना अगुवन भी आउर अधिकारियन ई तरह के काम से परमेश्वर के धोखा देवे में आगे रहलन हे।3जखनी हम ई सुनली, तऽ निराशा में अपन कपड़ा आउर बागा फाड़ देली। हम अपन माथा आउर दाढ़ी में से कुछ बाल के भी नोच देली। फिर हम बईठ गेली। हम बड़ा अचरज में हली। 4बड़ी सा यहूदी लोग अखनियो विदेश में रहे वाली औरत से वियाह नऽ करे देवल गेल परमेश्वर के आज्ञा के आदर करऽ हलन। आउर ओखनी ई बात से परेशान हलन कि भाई बँधुआई में से कुछ ई बात के उल्लंघन कईलन हल। जखनी हम ऊ दिन के सांझ के भेंट के समय तक चुपचाप बइठल रहली तऽ ऊ लोग हमरा अगल बगल में जमा हो गेलन।5बाकी जखनी साँझ के बलिदान चढ़ावे के समय आयेल, तऽ हम उहाँ चुपचाप नऽ बैइठल रहली। ऊ फटल कपड़वन हम पहनले, हम ठेहुनिया भरे खड़ा हो गेली, आउर अपन हाथ के यहोवा, हमर परमेश्वर के तरफ प्रार्थना करे ला पसार देली।6आउर हम प्रार्थना कईली: हे हमर परमेश्वर, हम बड़ी जादे शर्मिन्दा ही ईहाँ तक कि तोर सामने प्रार्थना करे लागी भी जरुर हीं हमनी इस्राएलियन द्वारा करल गेल पाप बहुत बड़ा हे। ई अईसन हे कि जईसे हमनी के पाप हमनी के सिर से भी ऊपर पहुँच गेल हे। ईंहा तक ऊ पाप के करे के प्रति हमनी के दोष के बात हे, ई अईसन हे कि मानऽ ऊ स्वर्ग तक पहुँच गेल हे। 7हमनी के पूर्वजवन के समय से लेके आज के समय तक हमनी बड़ी दोषी रहली हे। येहि ई कारण हे कि परमेश्वर दूसरा देश के फौजवन से भी हमनी आउर हमनी के राजा लोग के आउर हमनी के पुरोहितवन के भी हारे पड़ल हे। ऊ हमनी में से कुछ आदमी के मार देलन, कुछ के जेल में कैद कर लेलन, कुछ के लूट लेल, आउर ओखनी सभे के अपमानित कर देलन जईसन कि हमनी आज पावल जा ही।8बाकि पिछला कुछ में, हे हमनी के परमेश्वर यहोवा, तूँ हमनी पर कृपा कईलऽ हे। हमनी में से कुछ के जिन्दा रहे देलऽ हे। तूँ हमनी के ई पवित्र जगह पर सुरक्षित हालत में पहुंचईलऽ हे। तूँ हमनी के आत्मावन के बेदार कईलऽ हे। आउर हमनी के आजादी देलऽ हे, भलही फारसी राजा अखनी भी हमनी के गुलामी मालिक हथिन।9हाँ जरूर हमनी फारसी देश में गुलाम ही, तइयो परमेश्वर हमनी के छोड़लन नऽ हे। एकर जगह पर फारस राजवन के हमनी पर दया देखावे ला प्रेरित कईलऽ हे। ऊ हमनी के कुछ आजादी देलन हे आउर ऊ हमनी के तोर नाश कईल गेल भवन के फिन से बनावे ला अनुमति दे देलन हे। ऊ हमनी के ईहाँ यहूदा प्रान्त आउर यरूशलेम शहर में सुरक्षित रहे के भी इजाजत देलन हे।10हे हमर परमेश्वर, अब हमनी आउर का कर सकली हे? तूँ हमनी ला जे कुछ कईलऽ ओतना होला पर भी हमनी तोर आज्ञा के न मानली। 11ऊ आज्ञावन जे तूँ अपन सेवक भविष्यद्वक्तावन के हमरा ला देलऽ हल। ओखनी हमरा से कहलन हल कि जौन, जमीन पर तूँ अधिकार करवऽ, ऊ उहाँ के रहे वाला आदमी के घिनौना काम करे के चलते अशुद्ध जमीन हे। ऊ कहलन हल कि ऊ लोगवन के द्वारा कईल गेल डरावना काम से एगो छोर से दूसरका छोर तक गंदा से भर गेल हे।12ओखनी कहलन हल कि तोरा अपन बेटियन के ओकर बेटवन के साथ वियाह नऽ करे ला हे। हमनी के अपन वेटवन के ओकर वेटीयन के साथ वियाह नऽ कर देवे के चाही। हमनी के कहीयो ऊ लोग के कल्याण लागी भलाय करे के कोशिश नऽ करे के चाही! ऊ कहलन हल कि अईसहीं जदी हमनी उनकर हुकुम के मानल करम तऽ हमर देश शक्तिशाली होत। हम जमीन पर उपजे वाला फसल से खूब आनन्द लेम आउर जमीन हमेशा लागी हमनी के पीढ़ी दर पीढ़ी हो जायतई। 13बाकि तूँ हमनी के येहिगुने सजा देलऽ काहेकि हमनी गलत काम करे के के बड़का दोषी से ठहरली तईयो, तूँ हमनी के ओतना दण्ड नऽ देलऽ, जेतना हमनी ऊ लोगवन के समाज के लईकियन के मिले के चाहऽ हल। हम अईसन येहिगुने कहऽ ही काहेकि, हे हमनी के परमेश्वर, तूँ हमनी के जिन्दा रखल चाहऽ हलऽ।14आज जबकि हमनी में से फिन से नऽ मानऽ हथन। हम उनकर वेटीअन से वियाह कर रहली हे जौन परमेश्वर के विरोध घिनौना काम करऽ हथन। जदि हम अईसन करते रहम तऽ हम तोर गोस्सा के चलते हमनी में से कोई लोग जिन्दा नऽ रहतन।15हे इस्राएल के परमेश्वर यहोवा तूँ धर्मी हऽ, आउर हमेशा सही काम करऽ हऽ!काहेकि तूँ उदार हऽ, तूँ हमनी में से कुछ के आज तक बचइले हे। हम मान ले ही कि हम तोर आज्ञा के उल्लंघन के दोषी ही आउर येहिगुने हमनी जे कईली हे, ओकरा चलते हम प्रार्थना में तोर सामने आवे के लायक नऽ ही।
Bridge Connectivity Solutions Pvt. Ltd.