Deuteronomy28
1मूसा इस्राएली से कहलन, जदि तूँ अपन परमेश्वर यहोवा के बात गौर से सुनवऽ, आउर उनकर सभे आज्ञा के मानवऽ जौन हम आज तोरा सुनावऽ ही, तऽ तोर परमेश्वर यहोवा तोरा धरती के सभे जातियन में महान बनईतन।2जदि तूँ अपन परमेश्वर यहोवा के आज्ञा मानवऽ, तऽ ई सभे आशीष तोरा पर आवत आउर तोरा मिलत।3तूँ नगर में धन्य होवऽ, आउर तूँ खेत में धन्य होवऽ।4धन्य होवत तोर बाल-बच्चा, आउर तोर जमीन के उपज, आउर तोर जानवर, आउर तोर गाय-बैल आउर भेड़-बकरी के धन्य होत।5तोर मौनी आउर आटा साने वाला कठौती धन्य होत।6तूँ भीतरे अईते घड़ी धन्य होवऽ, आउर बहारसी जईते घड़ी धन्य होवऽ। 7यहोवा तोर दुश्मन के जौन तोर खिलाफ उठतन ओखनी के तोर सामने से नाश कर देतन; ऊ एक दने से तोर खिलाफ निकलतन, बाकि सात दने से तोर आगे से भागतन।8यहोवा तोर खलिहान में, आउर जौन सभे में तूँ हाथ लगईवऽ ओकरा में आशीष देतन; ऊ तोरा ऊ देश में आशीष देतन जौन ऊ तोरा देलन हे।9जदि तूँ अपन परमेश्वर यहोवा के आज्ञा के मान के उनकर राह पर चलवऽ, तऽ यहोवा अपन शपथ के मोताबिक तोरा अपन पवित्र प्रजा कर के ठहरइतन।10धरती के सभे कुल के लोग ई देख के कि तूँ यहोवा के कहलावऽ हऽ, तोरा से डरतन।11यहोवा तोर बाल-बच्चा आउर जनावर के बच्चा, आउर धरती के उपज के बारे में जेकरा ऊ तोर पुरखावन से शपथ खा के तोरा देवे ला कहलन हे, तोरा बड़ी भलाई आउर समृद्ध करतन।12यहोवा तोरा ला अपन स्वर्ग के भण्डार खोलतन, कि ऊ तोर देश में सही समय पर पानी बरसइतन, आउर तोर सभे काम पर आशीष करतन; तूँ बड़ी मनी जातियन के कर्जा देव, बाकि कर्जा नऽ लेवऽ।13यहोवा तोरा पोछी नऽ, बाकि माथा ही बनईतन; जदि तूँ अपन परमेश्वर यहोवा के जे आज्ञा आज हम तोरा सुनावऽ हऽ, ओकरा मानिहऽ, आउर ओकरा पालन करिहऽ, तऽ तूँ हर घड़ी ऊँचा रहवऽ, आउर कहियो नऽ नीचे रहवऽ।14आउर जौन वचन हम तोरा सुनावऽ ही ओकरा में से कोई से नऽ दाहिना आउर नऽ बायाँ मुड़ के पराया देऊता सब के पीछे होके ओकर उपासना करे लगिहऽ।15मूसा इस्राएली से कहलन, बाकि तूँ अपन परमेश्वर यहोवा के नऽ सुनवऽ, आउर उनकर सभे आज्ञा आउर विधि जे हम आज तोरा सुनाव ही ओकरा नऽ मानवऽ, तऽ ई सभे श्राप तोरा आ पड़त।16तूँ नगर में श्रापित होवऽ, आउर खेत में तूँ श्रापित होवऽ।17श्रापित होवत तोर मौनी आउर आटा साने वाला कठौती।18तोर बाल-बच्चा, आउर तोर धरती के उपज, आउर तोर गाय-बैल, आउर तोर भेड़-बकरियन के बच्चा श्रापित होत19तूँ भीतरे अईते घड़ी श्रापित होवऽ, आउर बहारसी जईते घड़ी श्रापित होवऽ। 20आउर जौन-जौन काम में तूँ हाथ लगईवऽ ऊ सभे में यहोवा तोरा श्राप देतन, आउर डेरईतन, आउर डाँटते रहतन, हियाँ तक कि तूँ नाश नऽ हो जईबऽ, आउर अपन बुरा काम के चलते जौन तूँ हमरा त्याग देलऽ हे, जल्दिये नाश हो जईवऽ।21यहोवा तोहनी में मरी तब तक फैइलाके रखतन, जब तक कि जौन देश के अधिकारी तूँ होवे जा रहलऽ हे ओकरा में से तोरा नाश नऽ कर देतन।22यहोवा तोरा क्षय रोग से, आउर बुखार, आउर सूजन से, आउर सुखड़ा आउर भयानक गर्मी से, आउर तलवार, आउर झुलसा देवे वाला अंधड़ से, आउर फफुन्दी से बीमार करतन। ई सभे तब तक तोरा पीछा करते रहतन जब तक कि तूँ नाश नऽ हो जईवऽ। 23तोर माथा के उपर के आसमान पीतल के जायत, आउर तोर नीचे के धरती लोहा के हो जायत।24यहोवा तोर देश में पानी के बदले रेत आउर धूरी बरसइतन; ऊ आसमान से तोरा पर तब तक बरसत जब तक कि तूँ नाश नऽ हो जाय।25यहोवा तोरा तोर दुश्मन से हरवा देतन; तूँ एक दने से ओकर सामना करे ला निकलवऽ, बाकि सात दने से ओकर सामने से भाग जईवऽ। तूँ धरती के सभे राज्य में इहाँ-उहाँ मारल चलवऽ।26तोर लाश आसमान के सभे चिरईंयन आउर धरती के जंगली जानवर के खाना होत; ओकरा भगावे वाला कोई नऽ होतन।27यहोवा तोरा मिस्र के फोड़ा, आउर फोड़वन, बवासीर आउर खुजली से बीमार करतन, जेकरा से तूँ चंगा नऽ हो पईवऽ।28यहोवा तोरा पर पागलपन, अंधरापन, आउर मानसिक परेशानी से हमला करतन।29तूँ दुपहरिया में आंधर के जईसन अंधार में टटोलते चलवऽ, आउर अपन चाल में सफल नऽ होवऽ, आउर तोरा पर हमेसा जुलुम कईल जायत आउर लुटल जायत, आउर तोर कोई छोड़ावे वाला नऽ रहतन।30तोर मंगनी कोई औरत से हो जायेत, बाकि दूसरा आदमी ओकरा पकड़ लेत, आउर बलात्कार करत। तूँ घर बनईवऽ बाकि ओकरा में रह नऽ पईवऽ; तूँ दाख के बगईचा लगईवऽ बाकि ओकर फल नऽ खईबऽ।31तोर बैल तोर सामने मारल जायत, बाकि तूँ ओकर मांस नऽ खा पईवऽ; तोर गदहा तोरा से छीन लेवल जायत, आउर तोरा फिन देवल नऽ जायेत। तोर भेड़ तोर दुश्मन के दे देवल जायत आउर तोर छुड़ावे वाला कोई नऽ रहतन।32तोर बेटा-बेटी पराया जाति के देवल जायत; तोर आँख दिन भर ओकरा खोजते रहत, बाकि ओकर ललसा करते-करते थक जईबऽ आउर तोर हाथ में तागत नऽ रहत।33तोर जमीन के उपज आउर तोर सभे मेहनत के फल एगो अईसन जाति खा जायत जेकरा तूँ नऽ जानऽ हऽ; आउर तूँ हमेसा शोषण सहवऽ आउर कुचलल जईवऽ।34ताकि जे कुछ तूँ देखवऽ, ओकरा से तूँ पागल हो जईवऽ।35यहोवा तोर ठेहुना में आउर टांगवन में, यहाँ तक कि गोड़ के नीचे लेके माथा के उपरे तक अईसन खतरनाक फोड़ा निकलत जेकरा से तूँ ठीक नऽ हो सकलऽ हे।36यहोवा तोरा आउर ऊ राजा के, जेकरा तूँ अपन ऊपर ठहरइवऽ, एगो अईसन जाति में ले जईतन जेकरा नऽ तूँ आउर नऽ पुरखा जानऽ हे; उहाँ तूँ लकड़ी आउर पत्थर के देउतवन के उपासना करते रहवऽ।37आउर ऊ सभे लोग के बीच में जहाँ यहोवा तोरा ले जईतन उहाँ तूँ डर के कारण आउर कहावत आउर दृष्टान्त के कारण ठहरवऽ।38तूँ बड़ी सा बिच्चा त खेत में ले जईवऽ, बाकि जरी सा बिच्चा जमा करवऽ, काहेकि टिड्डियन ओकरा खा जायत।39तूँ दाख के बारी लगईवऽ, आउर ओकरा उपजईव आउर सेवा करवऽ, बाकि दाखमधु नऽ पीवऽ, आउर नऽ दाख तोड़वऽ, काहेकि कीड़ा ओकरा खा जायत।40तोर पूरा देश में जैतून के पेड़ तऽ होत, बाकि तूँ अपना ऊपरे तेल नऽ लगईवऽ, काहेकि तोर जैतून के पेड़ खुद अपन फल गिरा देत।41तोर बेटा-बेटी तऽ जनम लेत, बाकि ऊ तोर नऽ रहत, आउर ऊ बन्धुवाई में चल जईतक।42ऊ तोर सभे पेड़ आउर जमीन के उपज टिड्डियन खा लेत।43जौन परदेशी तोर बीच में हे ऊ ऊपर से ऊपर उठते जइतन; तूँ खुद नीचे से नीचे गिरते जईवऽ।44ऊ तोरा कर्जा देतन बाकि तूँ ओकरा कर्जा नऽ देवऽ; ऊ माथा होतन, आउर तूँ पोछी होवऽ।45मूसा इस्राएली से कहलन, ई सभे श्राप तोरा पर आवत, आउर तोरा तब तक पड़ते रहत जब तक कि तूँ नाश नऽ हो जईवऽ। अईसन येहिसे होत काहेकि तूँ अपन परमेश्वर यहोवा के आज्ञा के नऽ मान लऽ हे, आउर उनकर आज्ञा आउर विधि के पालन नऽ कईलऽ हे जे ऊ तोरा देलन हल।46ई सभे श्राप तोरा पर आउर तोर वंश पर चिन्ह आउर चमत्कार के जईसन हमेसा बनल रहत।47काहेकि जब तूँ सुख में हलऽ तब तूँ खुशी आउर मन के आनन्द से अपन परमेश्वर यहोवा के आराधना नऽ कईलऽ,48येहिसे का तूँ ऊ सभे दुश्मन के सेवा करवऽ जेकरा यहोवा तोर खिलाफ भेजतन; तूँ भूखल, प्यासल, नंगापन, आउर गरीबी में ओकर सेवा करते रहवऽ। ऊ तोर गरदन पर लोहा के जूआ डालतन जब तक कि ऊ तोहनी के नाश नऽ कर देतन। 49यहोवा तोर खिलाफ दूर-दूर से, हियाँ तक कि धरती के छोर से एगो अईसन जाति के ले अईतन, जे उकाब अपन शिकार भीर उड़ऽ हे, जे जाति के भाषा तूँ नऽ समझऽ हऽ।50ऊ जाति जेकर व्यवहार कड़ा हे, ऊ बूढ़ा के इज्जत नऽ करऽ हे, आउर जमनकन पर दया नऽ करऽ हे।51ऊ तोर जनावर के बाल-बच्चा आउर तोर जमीन के उपज तब तक खईतन जब तक तूँ नाश नऽ हो जईवऽ। जब तक ऊ तोरा नाश नऽ कर देतन तब तक ऊ तोरा ला अनाज, नऽ नया दाखमधु, नऽ तेल, नऽ तोर गाय-बैल चाहे भेड़-बकरियन के बच्चा छोड़तन।52आउर ऊ तोर नगर के सभे फाटक पर तोरा घेरले रहत, आउर जब तक तोर देश में सभे दने से तोर ऊँचा आउर मजबूत शहरपनाह गिर नऽ जायत, जेकरा पर तूँ भरोसा कईलऽ हल। ऊ तोरा नगर के सभे फाटक के भीतर ऊ पूरा देश के घेर लेत जे तोर परमेश्वर यहोवा तोरा देलन हे।53आउर घेराबंदी आउर ऊ मुसीबत के घड़ी, जे तोर दुश्मन तोरा पर डालतन, तूँ अपन शरीर के फल, आउर अपन बेटा-बेटी के मांस जे तोर परमेश्वर यहोवा तोरा देलन हे खईबऽ।54जौन आदमी तोहनी में नरम आउर बड़ी जादे नरम हे ऊ अपन भाई, आउर अपन प्यारी मेहरारू, आउर तोर बचलकन लईकमन पर भी डाह करतन।55येहिसे ऊ ओखनी में से कोई के भी मांस नऽ देतन, जे ऊ खईतन, काहेकि घेराबंदी आउर ऊ मोसीबत में, जौन तोर दुश्मन तोर नगर के सभे फाटक के भीतरे तोरा पर डालतन ओकरा भीर कुच्छो भी नऽ बचत।56तोहनी में जे सुकवार आउर नाजुक औरत आउर कोमल होवे के चलते अपन गोड़ जमीन पर रखे के हिम्मत नऽ करतन, ऊ अपन प्यारा मरद, आउर अपन बेटा, आउर अपन बेटी से जलन रखतन।57आउर ओकर नवजात बुतरू के, जौन ओकर जांघ के बीच से निकसल हे, आउर ओकर जौन बच्चा जनम लेत। घेराबंदी घड़ी आउर ऊ मोसीबत घड़ी, जब तोर दुश्मन तोर नगर के फाटक के भीतरे तोरा पर डालतन, ऊ ओकरा कोई आउर चीज के कमी के चलते अकेले में खईतन।58जदि तूँ ई व्यवस्था के सभे बात जे ई किताब में लिखल हे, येहिसे नऽ मानवऽ, कि ई महिमामय आउर भययोग्य नाम, कि यहोवा के अपन परमेश्वर के आदर करऽ,59तब यहोवा तोरा पर आउर तोर वंश पर भी विपत्ति, आउर लंबा समय ला गंभीर बेमारी देतन।60ऊ मिस्र देश के सभे बेमारियन तोरा पर फिन ले अईतन जेकरा से तूँ डरऽ हऽ; ऊ तोरा से लिपटल रहत।61आउर जेतना रोग आउर बेमारी आउर विपत्ति ई व्यवस्था के किताब में नऽ लिखल हे, ऊ सभे के भी यहोवा तोरा पर तब तक लईतन जब तक तूँ नाश नऽ हो जईबऽ।62तूँ आकाश के तरेगन के जइसन बड़ी जादे हो गेलऽ, बाकि यदि तूँ अपन परमेश्वर यहोवा के आज्ञा के पालन नऽ करवऽ, तऽ तोहनी में से खाली कुछ ही जिन्दा बचवऽ।63जईसे यहोवा पहिले तोरा भलाई कईलन आउर तोरा बढ़ावे से खुश होवऽ हल, ओईसहीं ऊ तोरा नाश करे से खुश होतन। जौन जमीन पर तूँ अधिकार करे जा रहलऽ हे ओकरा पर से तूँ उखाड़ देवल जईवऽ।64यहोवा तोरा धरती के एगो छोर से लेके दूसरका छोर तक सभे देश के बीच में तितर-बितर करतन; उहाँ तूँ पराया देउतवन के उपासना करवऽ जेकरा तूँ नऽ जानऽ हऽ, तऽ तूँ आउर नऽ तोर पुरखा, जौन लकड़ी आउर पत्थर के देउता हे।65ई सभे जाति के बीच में तोरा कोई सुख नऽ मिलत, आउर तोर गोड़ के तलवा के कुछ आराम नऽ मिलत; एकर बदले, यहोवा तोरा कांपल दिल, थकल आँख, आउर रोवे वाला आत्मा देतन।66तोर प्राण तोर सामने शक के घेरा में रहतन; तूँ हर रात आउर दिन के डरते रहवऽ आउर तोर जीवन कोई भरोसा नऽ रहत।67भोर के तूँ कहवऽ, 'काश, साँझ होत हल!, आउर साँझ के तूँ कहवऽ, 'काश, भोर होत हल!, काहेकि तोर मन में भय हे, आउर जौन बात तोरा आँख से देखे ला मिलत।68यहोवा तोरा जहाज से मिस्र में से फिर से ले अईतन, जौन राह के बारे में हम तोरा से कहली हल, कि ऊहाँ तूँ फिन मिस्र के नऽ देखवऽ। उहाँ तूँ खुद के दास दासियन लागी अपन दुश्मन के हाथ में बेच डालवऽ, बाकि कोई नऽ मिलतन जे तोरा खरीद लेतन।"
Bridge Connectivity Solutions Pvt. Ltd.