2 MAKOLINTE6lyn_twf

1Okusebeza bamweya ni Nyambe, kame tu mi kumbela nji mu lese oku tambula esishemo sa Nyambe mukwa tusa esinjili.2Kakuli kame anaamba nji,“Ba nako ifanena,Kame nina kuteeteta kwaanyiKame nina kumi tusaba liywaa no kuyoyisiwa.”Komumone, cwale enako naikwana, mumone cwale sebeli eliywaa no kuyoyisiwa.3Ka tubekela omunu esi sitataliso mu mundila yaye nji cwale tulese okuwaniwa ni mubonda mu musebezi wetu.4Kono kame tuli abika a Nyambe tukubeeke twenyene mundila yonje mu koongola onene, mu mayando, mu kuulwa mane ni mu tinako no kubambaba,5mu kufuliwa, mu titolongo, mu mifilifili, mu misebezi, mu kutona, nimu lishebo,6mu kukena, mu zibo, ni kutatelela, ni musa ni Mebo No Kukena, mu lilato no niti.7mu kwamba eniti, ni maata a Nyambe ni ilwiso no kuluka mu lyoko no silyo neli no simoo.8Mu kukutekiwa ni mukwakutekiwa, mu kwambiwa ouyi ni uwa. Kame tutendiwa kanyi aongi mi cwale kame twamba eyi no niti,9kanyi katu limukiwa mi cwale kame tulimukiwa wino, kanyi kame tufile mi komumone kame tuyoya, kanyi kame tuna kubiwa ekoto kono katu sikwibaiwa,10kanyi kame twenine kono enako yonje kame tuwabelelwa, kanyi kame tushebile kono kame tufumisa ano kupula, kanyi katukwite einu kandi kame tuluwile einu yonje.11Akanwa ketu kame tu myambela patalaza, Amakolinte, omucima wetu nau yatuluka.12Ka muukele munyima mulibaka lyetu, kono kame muukela munyima mulibaka no mayando enu.13Mu kuusa kame naamba kanyi kame nambela anukana, muyatulule emicima yenu ngeso.

Emamela kweyi no Kutenda ouyi

14Mu lese okusebeleza bamweya nawo no kwapumena, kakuli oukuwana kubine kuli kwano kuluka na sikutenda ouyi? Simba oulikani no liseli ni uwi?15Kilesite kaumweya ali nawo ni Satani? Simba ngasibine osiku pumena nji akuyupe nawo no kwapumena?16Ibine etumelelano ili ku ndoo ya Nyambe ni ifekiso no kulapela? Kakuli kame tuli Endoo ya Nyambe no kuyoya! Kanyi Nyambe aba anamba nji,Kame sa niyoye mwa onyeneni kwenda mukaci koomi kame sa nitende Nyambe woo,onyene atende aanu ange.17Cwalehe mutunde kwa onyene,mi mukutabe noo,kame kwamba OmbumuMu lese okulema esi no kwakena,mi mba nimi tambula.18Kame sani tende sitenu,mi anyi mu tende anange no andumbana naa no akatana,kame kwamba Ombumu no maata onje.”
expand_more
Search