Luke19
Yish baan’i Sakeey
1Yish kaying’laan a bol bu Yeliko, kashamaan a buun.2Andwoon, ambabaak mwoot a imbet ikun diin diaan Sakeey. Ambaak kum a babwek minaam, kamotsh ambaak ndiy anen.3Ambakaswoot ikaam imoons i Yish, ek kamon bwaany bumon mbi, ikaam i twoong a bât imbaak andaan; mbok aku mbè ambaak mwoot ankwiy.4Ngwoon, kieenaan mbaang a bos ikaam ibaan a dik di ntey mu sikomool, ikaam ilieen Yish anaph ashaam andaan.5Yish antwoolaan a imbet iku, kasheen’laan miish, kalwoosaan Sakeey ane: “Sakeey, kum a shin bwaas, ikaam i mbè ndedi i nyiing aying’l a mbûlaa alwool.”6Ngwoon Sakeey kakumaan a shin bwaas, kanyeyaan i nshaas mubwiik.7Bakim amon baan ngwoon, katetsh baan atieen Yish; besatwoot ane: “Mwoot aku anyetwoos abol mwoot ambey!”8Ek Sakeey kayeem’taan a bos bu Kum, kanwoosaan ane: “Kum, wok, ndekayeek ben a ntaan iteny i biket bieem, mbè namaatol phas ibwiik abol mwoot, nekankas iyin phweet iney.”9Yish kanwoosaan ane: “Alwool aku, mwoony mwaying’l a ngat a mbûl aku, ikaam i mbè, i ween u mun ilwootsh i Abalapham.10Ikaam’i mbè Mwân a Mwoot ayim’s ikaam iswoot bât bambaak badiim.”Nkwoon mu phas i ngaang ishieeng
11Itaang imbaak bât besawoom’k mwooy maku, Yish kababok’saan nkwoon muku. Ikaam bambaak akol a Yelushaleem, bât bambaphis ane bunyim bu Ntshièm bunaph’dj kasol a itaang intshiin.12Yish kabalwoosaan ane: “Mwoot a ben ilwootsh i budiy ambaak esieyeentsh bos a shin iyiek’dj bu itaan ikaam i biemweek bunyim; amwikadj ambis akun.13A bos bu mbè el’kieen, amabok ben a ngun baan isheeng mbel, kayeekaan mun mwoot laphas la ngaang lamotsh, kamotsh kabalwoosaan ane: ‘Kel anyeeny bungangaang i phas iku shaang el’miim ikadj.’14Ek bât ba shinaan bambakambim’l, katom baan bât ambisaan ikaam itwoot ane: ‘Katamuk’dj mbè mwoot aku aal nyimiit mbi.’15“Idim i ngwoos kamweek baan bunyim, kiyaan ikadj a shinaan, kabokaan ben a ngun bambaakaan ayeek phas mbel. Ambaak esamuk ayeeph mbè mwoot nkim amon mateem mbadj key i phas ikun.16Mwoot a bukoos kiyaan, kanwoosaan ane: ‘Kum, laphas lamotsh lamaween ampieek lamabot iyeekdj ishieeng.’17Kum kanwoosaan ane: ‘Wakel busek,’ ween u mun a ngun ansek; ‘ikaam i mbè umbabaak i ntem musek a biket bikieek, natshikatshik nguph’lanoph a minuung ishieeng.’18Mwoot ampieen kiyaan, kanwoosaan ane: ‘Kum, laphas lamabot iyiek’dj itaan.’19Kum kalwoosaan wey akun ane: ‘Ween, ndatshik nguph’lanoph a minuung mitaan.’20“Iyek’dj kiyaan, kanwoosaan ane: ‘Kum, laphas laa la ngaang lampieek’dween kaalul; nambaak nalakaan a ishaan nalashwey.21Nambaak nesawok butet, ikaam i mbè ween u mwoot a ya inoon’l, umwaak untol phas yaaph ween mbè kulwoon’dj, amwaak unkun biket biaaph ween mbè kuwoon’dj.’22Kum kanwoosaan ane: ‘Ween u mun a ngun isoph, ndelaluum’s to mwooy mesatow to muny mwaa! Umbakayeph ane nde mwoot a yay inoon’l, esatol phas yaaph mbè kanalwoon’dj, kamotsh ndesakun biket biaaph mbè kanawoon’dj.23Ikaam’i yey umbaak watshik phasieem a ilwoontsh? Ngwoon amwiy miim ikadj, unaph kankas i mateem.’24“Imbet intshiin kalwoosaan bakun bambaak andaan ane: ‘Ntaam’dj anyeeny laphas lakun, buyeek anyeeny wey akun edi ishieeng.’25Kanwoos baan ane: ‘Kum, aan amatamon phas iyiek’dj ishieeng!’26Kankal’laan ane: ‘Ndes’bulwoos mbè mwoot aku nkim edi iket, bamwekamweek iyek’dj; ek mwoot aku ankim aaph iket bantakantaam’l aal’k ikieek iyaan i yiin.27Ek baphis bieem bambaak abel mbè kandaal’k nyim a baan mbi, yanyeeny i baan ayè, bubadiaak a miish mieem!’”Yish ayingl i buum a Yelushalem
28Yish amaans’diaan atwoot dweey dikun, ambaak esieyeentsh a bos bu twoong a bât ikaam iphet bos a Yelushaleem.29Intaang intwool baan akolakol i Bet’faaj i Betaniy, a Nkwootsh mu Oliiv, katomaan bieentsh baan baphey ane:30“Yaakanyeeny a bol bukun bul a bos bwiin. El’bwiin atwool a bol bukun, butokatotaan mwân a mpuund akaan a mwaan, aaph mbè mwoot mbè motsh katshik abaan mbi. Butuung’l, bwinaatsh ayè.31Mbè mwoot abuwuul ane, busatuung’l ikaam i yey. Bunkal’l ane, Kum edi nyiingaan.”32Bambaakaan atom kieen baan, bamatotaan mbok mintshiin abalwoos’dj Yish.33Ambaak baan basatuung’l mwân a puund, bakumiaan bamabawuul ane: “Busatuung’l ikaam i yey?”34Bamabakal’l ane: “Ikaam’i mbè Kum edi nyiingaan,”35iphontshi kalaat baan mwân a mpuund abol Yish; bamaphweedj mindel mibaan a dik di nyam, kabaans baan Yish a dik diaan.36Ambaak Yish yesheem, bât bamawaadj mindel mibaan a mbok.37Yish ambaak esikwim to Nkwootsh mu Oliiv, twoong mikim a bieentsh baan bambaak i nshaas, katetsh baan asem’l Ntshièm i dweey dinoon’l ikaam i makam’l makim mamwoony baan.38Bambaak besatwoot ane: “Ntshièm ashaak’s kum akun amwiy a diin di Kum! Nkit’l mwaal a dik, buum abol Ntshièm el membet ma dik di kaany!”39Baphal’s biek’dj bambaak aphiing a twoong a bât, kalwoos baan Yish ane: “Ntaang’dj,” “lwoos bieentsh baa bashaal phol!”40Yish amabakal’l ane: “Ndes’bushaak’s mbè ane, mbè bashaal phol, mbôk insekansem’l!”Yish alel ikaam i Yelushalem
41Yish antwolaan akol a Yelushalem, amonaan bol, kaleelaan idik di buun,42esatwoot ane: “Tshik mbè umbaak wawok, lasu lakun, unaph’dj amon nkit’l mbony! Ek iphontshi, mwooy makun ma mashaal maswaam a miish maa!43Ikaam’i mbè matu mel’kiy idik diaa melaal bashaang’dj baa bampik mbaan, bamalèdj lakat, bamadiph a ngat mabieen, bamayim’k biaas bikim kamotsh.44Babwokabwoong’l nkimwaa, ween i bân baa, badiakadiaak bakim bel a ngat, kabelalieem’s mbôk mbè motsh yanyeeng a dik di iyiek’dj mbi. Ikaam’i mbè kuyeeph’dj itaang imbaak Ntshièm anyiyaas mbi!”Yish ayeen a Ntuum
45Yish anyiing’laan a ngat a Ntuum, katetshaan abieeng ben bungangaang,46amabalwoos ane: “A nkaan mu Ntshièm bamaphuun ane: ‘Mbûlieem ilaal mbûl a malwoom.’ Ek bwiin, bwayiphis indiy i bieem banen!”47Yish ambaak anwoong’s matu makim a Ntuum. Bakum ba batwootsh banen, akol bayeeph ba mikieetsh, baan’i bakum i minuung bambaak besaswoot mbok andiaak,48ek kabamon mbok andiaak mbi, ikaam i mbè bât bakim bambaak besamwoom’k i lwook labwiik.The Word for the World International