Read Engero 17

Engero17lug_bib

¹Okulya akamere akaluma awali emirembe,kisinga okuba mu nnyumba ejjudde ebyassava nga mulimu entalo.

²Omuddu omugezi alifuga omwana wa bowo akwasa ensonyi,era alifuna ebyobusika ng’omu ku baana b’awaka.

³Entamu erongoosa yakolebwa lwa ffeeza, n’ekikoomi ky’okulongoosa lwa zaabu,naye Mukama agezesa emitima.

⁴Omubi assaayo omwoyo eri eby’obulimba,era n’omulimba awuliriza olulimi olukuusa.

⁵Oyo akudaalira omwavu avvoola eyamutonda,n’oyo asanyukira obuyinike bw’abalala talirema kubonerezebwa.

⁶Abazzukulu ngule ya bajjajjaabwe,era n’abaana beenyumiririza mu bakadde baabwe.

⁷Enjogerannungi teba ya musirusiru,ng’oweekitiibwa bw’atasaana kwogera bya bulimba.

⁸Enguzi eri ng’ejjinja ery’omufuusa mu maaso g’oyo agigaba,alowooza nti buli gy’akyukira eneemuyamba.

⁹Okwagala tekulondoola nsobi,naye oyo atasonyiwa nsobi akyawaganya ab’omukwano enfirabulago.

¹⁰Okunenya kuyamba nnyo omuntu ategeera,okusinga okukuba omusirusiru embooko ekikumi.

¹¹Omukozi w’ebibi anoonya bujeemu bwereere,era kyaliva asindikirwa omubaka omukambwe.

¹²Okusisinkana eddubu enyagiddwako abaana baayo,kisinga okusisinkana omusirusiru mu busirusiru bwe.

¹³Omuntu bw’asasula ekibi olw’obulungi,ekibi tekiriva mu nnyumba ye.

¹⁴Okutandika oluyombo kuli ng’omuntu bw’asumulula omudumu gw’amazzi,noolwekyo vvaawo ng’oluyombo terunnatandika.

¹⁵Eyejjeereza omukozi w’ebibi n’oyo avumirira omutuukirivu,bombi ba muzizo eri Mukama.

¹⁶Omusirusiru agasibwa ki okuba ne ssente ezisasulibwa amagezi,ng’ate ye talina mutima gwegomba magezi?

¹⁷Omukwano ogw’amagezi guba gwa lubeerera,era owooluganda yeesigibwa mu biro eby’ennaku.

¹⁸Omuntu atalina magezi awa obweyamone yeetema okusasula amabanja ga muliraanwa we.

¹⁹Oyo ayagala ekibi anyumirwa ennyombo,n’oyo akola omulyango omunene ogw’omu maaso gwa bbugwe ye nga guyitiridde obunene gulimuteganya nnyo.

²⁰Omuntu ow’omutima omubambaavu takulaakulana,n’oyo ow’olulimi olulimba agwa mu katyabaga.

²¹Omwana omusirusiru aleetera kitaawe obuyinike,kitaawe w’omusirusiru taba na ssanyu.

²²Omutima ogw’essanyu ddagala ddungi,naye omwoyo omunyiikaavu gukozza omubiri.

²³Omuntu omubi alya enguzi mu kyama,alyoke aziyize amazima okweyoleka.

²⁴Omuntu omutegeevu, ebirowoozo abissa eri amagezi,naye amaaso g’omusirusiru gasamaalirira ensi gy’ekoma.

²⁵Omwana omusirusiru buyinike eri kitaawe,era aleeta ennaku eri nnyina eyamuzaala.

²⁶Si kirungi okuweesa omutuukirivu engassi ey’obwereerewadde okukuba ab’ekitiibwa embooko olw’obwesimbu bwabwe.

²⁷Omuntu omwegendereza mu bigambo bye abeera n’okutegeera,n’oyo alina omwoyo omuteefu aba muntu wa magezi.

²⁸Omusirusiru bw’asirika alowoozebwa okuba n’amugezi,era aba mutegeevu bw’afuga akamwa ke.