1Akɛrɛ aka amaa umum inyã ípfu itser-Num inaa iki idɛ̃ɛ̃ nu anggbokunga anaa aki upfung. Ikɛnngge ubɛn ugba ififɛu nu abĩ ru anggbokunga anaa hã, use ukau ukugɔng use acucii.2Mɔcɛ umum inyã ipfu itser-Num iyɔɔ iki idze udiku igɔ̃kpee ifũrhũwa, ikpɔm nggu utsar ukpu Unum uwu urhɛ. Ayisu ípfu itser-Num inaa hã iyiriyɛ Unum aka adzowe ijee ngge idakuwe abĩ nu ukau ukugɔng hã.3Ipfu itser-Num hã igɔr igɛ, <<Niba adakukumbi abĩ use ukau ukugɔng use acucii, utsɛku umum iki itsuke agãrhũ Unum atsar ra ashimbɔ.>>4Mɔcɛ umbɔ asɔma umum irhɛ abirabɛ umbɔ aka atsuke atsar ha, Anaka agɔnga unaka nu anaka agɔnga isɔka inaa nu anaka agɔnga anaa (144,000). Umbɔ aka adzeka ri idũa usɔkdũmɛn aki Uisrairha kishoo.5Atsuke atsar ra anera, anaka agɔnga usɔkdũmɛn (12,000) ri idũ iyi Uyahuda. Atsuke anaka agɔnga usɔka nu anaka agɔnga avaa (12,000) ri idũ iyi Uruben. Atsuke (12,000) ri idũ iyi Ugad.6Atsuke anaka agɔnga usɔka nu anaka agɔnga avaa (12,000) ri idũ iyi Uasher. Atsuke anaka agɔnga usɔka nu anaka agɔnga avaa (12,000) ri idũ iyi Unaftarhi. Atsuke anaka agɔnga usɔka nu anaka agɔnga avaa (12,000) ri idũ iyi Umanase.7Atsuke anaka agɔnga usɔka nu anaka agɔnga avaa (12,000) ri idũ iyi Usimiyon. Atsuke anaka agɔnga usɔka nu anaka agɔnga avaa (12,000) ri idũ iyi Urhawi. Atsuke anaka agɔnga usɔka nu anaka agɔnga avaa (12,000) ri idũ iyi Uisakar.8Atsuke anaka agɔnga usɔka nu anaka agɔnga avaa (12,000) ri idũ iyi Uzeburhun. Atsuke anaka agɔnga usɔka nu anaka agɔnga avaa (12,000) ri idũ iyi Uyusuf. Atsuke anaka agɔnga usɔka nu anaka agɔnga avaa (12,000) ri idũ iyi Ubanjami.
Nggaa ikikɔng anera iki itsimatorho aka aterha aka ader
9Akɛrɛ aka amaa, umum inyã nggaa ikikɔng irhɛirhɛ unera aka asi ídɛ̃ɛ̃ avarhunga, iki idzeka ru abĩã, nu anera, nu anuisa, nu idũa kishoo, adɛ̃ɛ̃ ra asu anang isei ha nu Ungwɛ̃ Itsurhi ha. Umbɔ atsim atorho aka ader aka aterha na akpɔm nggu angbɔk irhek ra abokmbɔ.10Atsarhi irhakmbɔ agɛ,<<Ififɔrh iwe iyi Unummɛnuwuku usei nu anang isei ha,nu iyi Ungwɛ̃ Itsurhi ha ikɛi!>>11Kishoo ípfu itser-Num idɛ̃ɛ̃ idziirte anang isei ha, nu akakũ ha, nu imimuna abin urhɛ ha ikinanake. Umbɔ agba anu ra asu anang isei ha, adzowe igɔng ru Unum,12agɛ,<<Iwerimi!Ikpikpoi, nu imor,nu itsoi, nu itar uwɛɛ, nu igɔng,nu ijee, nu ikeriwe ru Unummɛnugbagbaa nu ugbagbaa.Iwerimi!>>13Mɔcɛ unying ra akakũ hã arhusa umum agɛ, <<Abɛrɛ abika atsim atorho aka aterha aka ader ha, awu umbɔ ungaa? Ikɛi umbɔ adzeki inɛ̃ɛ̃?>>14Umum ĩgɔr inggɛ, <<A uteiya ungo uhwɛngo.>> Unga agɔr umum agɛ, <<Anera abɛrɛ adzeka ru nggaa uver ayetnum, umbɔ asorh atorha aka adermbɔ ra adzirh Ungwɛ̃ itsurhi ha, ake awu aka aterha.15Nggee,<<Umbɔ adɛ̃ɛ̃ ra asu anang isei Unum,anu itɔ̃we unga itser ru untsuu nu atenumri Iya-Num.Unga uwuku asei nu anang isei haawuri itar utsurhanga atsire umbɔ.16Asi íbvui agũmbɔ imerh,asi íbvui agũmbɔ ugɔ̃ amɛ̃.Asi íbvui agũmbɔ imani unumuse imani iyɔɔ.17Ubinkutsu, Ungwɛ̃ Itsurhi haaka asei akhapa ra ateu anang isei haunga awuri idzɛu umbɔ,unga awuri ikũna umbɔ azĩ ra akwiu amɛ̃ urhɛ.Unum awuri ifiruka kishoo anyĩ ra asumbɔ.>>