హెబ్రీ4
1ఏదఅఁతక్కి, మహపురు జోమినితాణ హానయి ఇన్ని వాగ్దనొమి ఓడె ఆజిహిఁ మన్నటిఎ, మీఅఁటి అంబరకివ ఏ వాగ్దానొమి మన్నఅన హత్తునెమొ ఇంజిహిఁ జాగ్రెఆదు.2జోమితి పాయిఁ నెహిఁకబ్రు ఇస్రయేలుఁకి వెస్తిలెహెఁ మంగెకి వెహ్నయి ఆతె, సమ్మ వెంజీనయి తమ్మి నమ్ము ఇట్టఅఁ గట్టరకి ఏ వెస్తి హాడ్డ పాడఆఅతె.3ఇచ్చిహిఁ నమ్మినయి మారొఎ ఏ జోమితాణ హన్నయి, రాచ్చహఁ మన్ని లెహెకి తాడెపురు తొల్లిటిఎ తన్ని తాడెపురు కమ్మకిహఁ ముహ్టిఁని దిన్న ఏవసిఎ,“నాను నా గట్టిఎ కొపతొల్లెవ స‍పొమి కిత్తెఎ,ఏవరి నా జోమితి ఓడొఒరి”ఇచ్చెసి.4ఓరొహఅఁ బారొదిన్న పాయిఁ వెస్సిహిఁ, “మహపురు బారొదిన్న తన్ని కమ్మయఁ బర్రె పుర్తికిహఁ జోమితెసి”5ఓడె “ఏవరి నా జోమినిదిన్నత ఒడొఒరి” ఇంజిహిఁ ఇచ్చెసి.6కొచ్చెకజాణ జోమిని ఒడలితకి హెర్సితయి తెటెఎ, అంబఅఁరకి ఇచ్చిహిఁ నెహిఁకబ్రుతి తొల్లిటిఎ వెచ్చెరి ఏవరి నమ్మఅతెరి ఇంజహఁ హొడలిఆడతెరి.7“నీంజు” మహపురు హాడ్డతి వెంజహఁ ఇంజిహిఁ రో నాణెమిఆతి దిన్న ఇంజిహిఁ కేపితెసి, తొల్లిఎ ఇదణి పాయిఁ కిన్నయి ఆనె హారెఎ కాలత, వెండె దావీదు తొల్లె ఏవసి జోలిసరి, ఏవసి ఎల్లెఇచ్చెసి,“మీరు మీ హిఁయఁతి కోప ఇట్టకొడఅన నీఎఁ ఏవణిసొరొ వెచ్చెహెఁ మేలు.”8మహపురు వాగ్దానికితి ఏ జోమినితాణ యెహొసువ హీతిసరి ఏ డాయు ఒరొ దిన్న పాయిఁ వెస్తెసిమ ఆఎ.9ఇంజహఁ మహపురులోకువ జోమినయి మన్నె.10ఏనఅఁకిఇచ్చిహిఁ మహపురు తన్ని కమ్మయఁ కిహఁ రాప్హఁ జోమి మచ్చిసరి ఏవసి జోమితసిమా తన్ని కమ్మయఁ బర్రె రాప్హఁ జోమితెసి.11ఇంజహఁ, ఏవరిలెహెఁ లొంగలెహె రీఅరేటు, ఏ జోమిని హొడలితక్కి గాబరుఆనెయి.12ఏనకిచ్చిహిఁ మహపురు బోలు జీవుఆహమన్నె, కమ్మతక్కి పాడఆహామనె, రీ కిహఁ అగ్గడ మన్ని ఎల్లెతి పిప్పెలికకిహఁ వాదురి మంజహ జీవుతి పాయిఁ ఆత్మతి, కొడ్డయటి డుమ్ముతయి సొక్తి గట్టయి మన్నె, ఏది హిఁయఁబిత్ర ఒణ్పతొల్లె బిచ్చరకిలిఆడినయి.13కేపితనిత ఏవణికి తోంజఆనయి ఏనయి హిల్లెఎ, మారొఎ లెక్క హెర్పినయిమనె మహపురు నోకిత బర్రె నెహిఁకిఁ రాచ్చహఁ మన్నె.14హాగుటి హచ్చి మహపురు మీరెఎసి జీసు ఇన్ని కజ్జపూజెర మంగెకి మన్నెసి, ఇంజహఁ మారొ నమ్ముకొము మనయి గట్టిఎ అహ్ను.15మా కజ్జపూజెర ఆతి నిరాసమిగట్టరిలెహెఁ లగ్గెఎతి బుద్ది హిల్లఅగట్టసి ఆఎ, ఏనకి కిచ్చిహి ఏవసివ తయిపరిత వాతెసిఎ, ఇచ్చిహిఁ ఏవసి పాపుత హిల్లఅగట్టసిలెహెఁ మన్నెసి.16మా ఔసొరొమిత తన్ని క్రుప కానికర్మ బ్డాయుతొల్లె క్రుప సింగసాణ దరితక్కి హాను.
The Word for the World International