మూలు38
1ఏ బేలత యూదా తని తయ్యిని పిస్సహఁ హీరా ఇన్ని రో అదుల్లాము గాడతన్నితొల్లె బత్కితెసి.2ఎంబఅఁ యూద రో కనానీయుఆతి పోదని మెస్సహఁ ఏదని పెల్లికిహకొడ్డహఁ ఏదనితొల్లె బత్కితెసి ఎదని దోరు సూయ.3ఏది పూరమాసఆహఁ రో మీరెఎణి పాటె ఏవణఇఁ ఏరు ఇంజిహిఁ దోరు ఇట్టితెరి.4ఏది పూరమాస ఆహఁ ఓరొ మీరెఎణఇఁ పాటె ఇంజహఁ ఏవణఇఁ ఓనాను ఇంజిహిఁ దోరు ఇట్టితె.5ఓడె ఏది పూరమాసఆహఁ తీనివ మీరెఎణఇఁ పాటె ఇంజహఁ ఏవణఇఁ సేలా ఇంజిహిఁ దోరు ఇట్టితె. ఏవరి కజీబుత మచ్చటి ఏది ఏవణఇఁ పాటె.6యూదా తని కజ్జ మీరెఎసి ఏరుకి తామారు ఇన్ని పోదని హిహఁ పెల్లికిత్తెరి.7యూదా తొల్లితి మీరెఎసి ఏరు యెహోవ మహపురు నోకిత లగ్గెఎతసి ఇంజహఁ యెహోవ మహపురు ఏవణఇఁ పాయితెసి.8ఎచ్చెటిఎ యూదా ఓనానుతొల్లె “నీ దాద డొక్ర దరితక్కి హజ్జహఁ నీ బోవకి కొక్కరిపోదయఁ ప్ణాపికిమ్ము” ఇంజిహిఁ వెస్తెసి.9ఓనాను ఏ బేలి తన్నివయి ఆఎ ఇంజిహిఁ పుంజహఁ ఏదానితొల్లె హుంజితటి తని దాదకి బేలి మన్నఅఁ రేటుఎ తని వీర్యాని తోజొ డోఇ పిస్తుతెసి.10ఏవసి కిత్తయి యెహోవ మహపురుకి లగ్గెఎతయి ఇంజహఁ ఏవసి ఏవణివ పాయితెసి.11ఎచ్చెటిఎ యూదా ఈవసి తయ్యిలెహెఁ హానెసి హబు ఇంజిహిఁ అజ్జహఁ “నా మీరెఎసి సేలా కజ్జసిఆని పత్తెక నీ తంజి ఇల్లుత రాండెణిలెహెఁ మన్నము” ఇంజిహిఁ తామారుతొల్లె వెస్తెసి. ఇంజహఁ తామారు హజ్జహఁ తని తంజి ఇజ్జొ మన్నె.12కొచ్చెక దిన్నయఁ రాతి డాయు యూదా డొక్రిఆతి సూయ మాంగ హాతె. డాయు యూదా దుక్కుఆహఁ, అదుల్లాముతసిఆతి హీరా ఇన్ని తని తోణెతొల్లె కల్హఁ తిమ్నాతుత తని మేండయఁ బాణయఁ డానణి దరి హచ్చెసి.13తని మామ తని మేండయఁ బాణయఁ డాచలితక్కి తిమ్నాతుత హజీనెసి ఇంజిహిఁ తామారు పుచ్చెసి.14సేలా కజ్జసి ఆతెసి తనఅ ఏవణకి డొక్రి కిహ కొడ్డఅగట్టతయి మెస్సహఁ తామారు తని రాండెణి హెంబొరిక కొడ్డహఁ, మూంబు పొజ్జకొడ్డహఁ, అంగ బర్రెతి పిడ్కకొడ్డహఁ, తిమ్నాతుత హన్ని జియ్యుత ఏనాయిము ఇన్ని జియ్యుత కుగ్గహఁ.15యూదా ఏదని మెస్సహఁ, ఏది మూంబుతి పిడ్హకొడ్డతని మెస్సహఁ ఏది దారిగట్టయి ఇంజిహిఁ ఒణ్పహఁ,16ఏదని దరి హజ్జహఁ, ఏది తని కుడ్య ఇంజిహిఁ పున్నఅన “నీ తొల్లె సుక్కొఆఇఁ, వాము” ఇంజిహిఁ హాటితెసి. ఏదఅఁతక్కి ఏ ఇయ్య “నీను నా తొల్లె సుక్కొఆతె నంగె ఏనఅఁ హియ్యది?” ఇంజిహిఁ వెచ్చె.17ఇంజహఁ ఏవసి “నా మందటి రో గొర్రి డాలుతి పండఇఁ” ఇచ్చెసి. ఏది “ఏదని పండిని పత్తెక ఏనఅఁతి పట్టెఎ తణ్కఇట్టితిదెఁ” ఇంజిహిఁ ఇచ్చెయి.18ఏవసి “ఏనఅఁ తణ్కఇట్టితి?” ఇంజిహిఁ ఏదని వెచ్చెసి. ఏది “నీ గుర్తు, ఏదని లూలు, నీ కెయ్యుతి బడ్గ” ఇంజిహిఁ వెస్తె. ఏవసి ఏవఅఁతి ఏదనకి హిహఁ ఏదానితొల్లె కూడ్విఆతెసి. ఏ ఇయ్య ఏవణితొల్లె పూరమాసఆతె.19ఎచ్చెటిఎ ఏది నింగహఁ హజ్జహఁ మూంబుతి డ్రాంబు రెజ్జహఁ తని రాండెణి హెంబొరిక హుచ్చితె.20డాయు యూదా ఏ ఇయ్య దరిటి ఏ తణ్కఇట్టితి హర్కూని కొడ్డలితక్కి తని తోణెగట్టసిఆతి అదుల్లాముతొల్లె గొర్రితి డాయు పండినటి ఇయ్య ఏవణకి తోంజఆఅతె.21ఇంజహఁ ఏవసి “ఏ జియ్యుత ఏనాయిము దరి తోంజఆతి ఏ దారిగట్టయి ఎంబియఁ మన్నె?” ఇంజిహిఁ ఎంబఅఁ మణిసిని వెచ్చెసి. ఇచ్చిహిఁ ఏవరి “ఇంబఅఁ దారిగట్టయి అంబయి హిల్లొఒ” ఇంజిహిఁ ఏవణఇఁ వెస్తెరి.22ఇంజహఁ ఏవసి యూదా దరి వెండె హజ్జహఁ “ఏది నంగె తోంజఅయ్యఅతె. ఓడె, ఎంబతి మణిసియఁ ఇంబఅఁ ఎమ్మిని దారిగట్టయి వాఅతె ఇంజిహిఁ వెస్తెరి” ఇచ్చెసి.23యూదా “మమ్మఅఁ లజ్జకియ్యనెరి హబుల, ఏది ఏవఅఁతి ఇట్టకొడ్డహఁ. నాను నీతొల్లె ఈ గొర్రి డాలుతి పండతెఎ, ఏది నింగె తోంజఅయ్యఅతె” ఇంజిహిఁ ఏవణితొల్లె ఇచ్చెసి.24తీని లేంజుఆతి డాయు “నీ కుడ్య తామారుతొల్లె దర్ముతి ఆవికిత్తె. ఓడె ఏదని దారి కియ్యలెఎ పూరమాసయఁ ఆతె” ఇంజిహిఁ యూదాకి కబ్రుఎత్తె. ఎచ్చెటిఎ యూదా “ఏదని అస్సవాదు, ఏ ఇయ్యని జీవుతొల్లెఎ పాయలివల్లె” ఇంజిహిఁ వెస్తెసి.25ఏదని పంగత అస్సివాతటి, ఏది తని మామ దరి ఏవణి హర్కుతి పండహఁ “ఈవి అంబఅరివఅఁ ఎమ్మిని మణిసితొల్లె నాను పూరమాసఆతెఎ. ఈ గుర్తు, ఈ లూలు, ఈ బడ్గ అంబఅరివఇ పుంజలిఆడదు” ఇంజిహిఁ వెస్తెయి.26యూదా పుంజహఁ “నాను నా మీరెఎణి సేలాను ఏదనకి హీహలొఒ ఇంజహఁ ఏది నాకిహఁ నెహఁయి” ఇంజిహిఁ వెస్సహఁ ఓడె ఎచ్చెలవ ఏదానితొల్లె కూడఅతెసి.27పూరమాసఆతటి ఏదని బండిత జావ్ణయఁ మన్నెరి.28ఏది జర్నకిహినటి రొఒసి తని కెయ్యు పంగత దాసితెసి. పురిడి పెర్హి ఇయ్య రో గద్గ లూలు ఏవణి కెయ్యుత దొస్సహఁ “ఈవసి తొల్లె పంగత వాతెసి” ఇంజిహిఁ వెస్తె.29ఇచ్చిహిఁ ఏవసి తని కెయ్యు డాయు వాతి రేటుఎ ఏవణి తయ్యి పంగత వాతెసి. ఎచ్చెటిఎ ఏది “ఏనఅఁతక్కి నీను మెడ్డిహిఁ వాతి?” ఇచ్చె. ఏదఅఁతక్కి ఏవణకి “పెరెసు” ఇంజిహిఁ దోరు ఇట్టితెసి.30ఏ డాయు కెయ్యుతక్కి లూలు దొస్స మన్ని తని తయ్యి పంగత వాతెసి. ఏవణికి “జెరహు ” ఇంజిహిఁ దోరు ఇట్టితెరి.
The Word for the World International