ఎజ్రా1
1యెహోవ తాను యిర్మీయతొల్లె జోలితి హాడ్డయఁ నెరవేర్సలితక్కి పర్సియ దేస రజ్జ కోరెసు లేంబితి తొల్లితి బర్సత రజ్జ మణుసుత వెస్తెసి. ఏవసి తని రాజి బర్రె రాచ్చికిహఁ వెస్పికిత్తెసి.2“పర్సియ రజ్జ కోరెసు ఇల్లెకి హెల్లొహిత్తెసి. హాగు లెక్కొ మన్ని యెహోవ మహపురు తాడెపురుత మన్ని లోకు బర్రెతి నా హాడ్డ వెన్నిలెహెఁ కిత్తెసి. ఏవసి యూదా దేసత మన్ని యెరుసలేముత తంగెకి మహపురు గుడి దొస్సహియ్యదు ఇంజిహిఁ నంగె హెల్లొహియ్యతెసి.3ఏవరి యూదా దేసత యెరుసలేము హజ్జహఁ, ఇస్రయేలు లోకుఆతి మహపురు యెహోవ గుడి దొస్సలివల్లె. మింగె బర్రెతక్కి మహపురు తోడుఆహఁ మఁణ్బెసి దెహెఁ.4యెరుసలేము రాజిణ హారితి లోకు మహపురు గుడి దొస్సలితక్కి ఇచ్చఆహఁ తమ్మి దరి మచ్చి వెండి బఙర, హర్కుతి, కోడ్డి గొరితి హిహఁ దొస్పికియ్యలితక్కి సాయొమి కియ్యలివల్లె.”5ఎచ్చెటిఎ యూదా కజ్జరి, బెన్యామీను నీతి కజ్జరి, పూజెరంగ, లేవియుయఁ ఏవరి మణుసుత మహపురు ఏనిలెహెఁ ఒణ్పు హీతెసినొ ఏవరి బర్రెజాణ కూడ్విఆహఁ యెరుసలేముత మన్ని యెహోవ గుడితి దొస్సలితక్కి హోచ హచ్చెరి.6హారితి లోకు ఇచ్చఆహఁ హీతఇ ఆఅన, వెండి హర్కుయఁ, బఙర, కోడ్డిగొరియఁ, దర్రగట్టి హర్కుయఁ హిహఁ ఏవరకి సాయొమి కిత్తెరి.7ఇవి ఆఅన, నెబుకద్నెజరు యెరుసలేముటి దూహఁ తచ్చిహిఁ వాతి హార్కుతి పేణ్కగుడిత ఇట్టితి యెహోవ గుడి హర్కుతి దొస్సలితక్కి కోరెసు రజ్జ పంగత రెవికిత్తెసి.8కోరెసు రజ్జ తన్నికోసాహుక్కొమిగట్టసి మిత్రిదాతుతొల్లె ఏవఅఁతి పంగత అస్సవాహఁ లెక్క కీవికిహఁ, ఏవఅఁతి యూదుయఁ హక్కొమిగట్టసి సెస్బజ్జరు కెయ్యుత హెర్పితెసి.9ఏవఅఁతి బర్రె లెక్క 30 బఙర పలేణిక, 1,000 వెండి పల్లేణిక, 29 పిప్పెలిక,1030 బఙర పల్లేణిక, 410 ఊణ వెండి పల్లేణిక, ఓడె 1,000 వేరె రకొమి హర్కుయఁ.11బఙర, వెండి హర్కుయఁ బర్రె లెక్కతక్కి 5,400. ఈ బర్రె హర్కుయఁతొల్లె జికెల బబులోను బందిఆహఁ పిస్పి ఆతరఇఁ జికెల తచ్చిహిఁ సెస్బజ్జరు యెరుసలేము అస్సవాతెరి.
The Word for the World International