1 కొరింతి4
క్రీస్తు సేబగట్టి అపొస్తుయఁ
1ఏదఅఁతక్కి ఇల్లెకీఁ క్రీస్తు సేబ గట్టతొమి ఇంజిహిఁ, మహపురుతి డుగ్గితి కత్తయఁణి బర్రె పుఁణ్బికిన్నరి ఇంజిహిఁ బర్రె మణిసియఁ మిమ్మఅఁ ఒణ్పనయి మన్నె.2సేబకమ్మకినరి బర్రెజాణ గుమస్తకి నమ్మకొముగట్టరి ఆహఁ డొయినయి మన్నె.3మీ తాణటి ఇచ్చివ, ఎమ్మిని మణిసి తాణటి ఇచ్చివ నాను బిచ్చర ప్డానయి నంగె ఏది ఊణ కత్తెఎ, నంగె తక్కి నానుఎ బిచ్చర కిహకొడ్డొఒఁ.4నా హిఁయఁ నెహఁయి ఇచ్చివ ఇదఅఁతక్కి నీతితెఎఁ లెహెఁ తోంజఆఒఁ, నన్నఅఁ బిచ్చర కియ్యనసి ప్రెబుఎ.5ఏదఅఁతక్కి కాలొమి వాఅనోకెఎ, ఇచ్చిహిఁ ప్రెబు వాని ఎప్పె, ఏనఅఁతక్కివ బిచ్చర కిఅదు. ఏవసి అందెరిత డుగమన్నఅఁతి ఉజ్జెడిత తచ్చలి మణిసి హిఁయఁత మని ఒణ్పుయఁణి పంగత తోహ్నెసి, ఎచ్చెటిఎ బర్రెతక్కి సరిఆని గౌరొమి మహపురు తాణటి వానె.6నా తోణెయఁతెరి, మీరు మమ్మఅఁ మెస్సహఁ, రాచ్చమన్ని కత్తతి గ్ణాచలి ఆఎ ఇంజిహిఁ జాపహఁ, మీరు రొఒణి ముహెఁ రొఒసి బొడ్డపొణొ ఆఅరేటు, ఈ హాడ్డయఁ మీ కోసొమిఎ నా లెక్కొ అపొల్లో లెక్కొ గేట్హిఁ ఉదాహారణ తొల్లె వెస్తతెఎఁ.7ఏనఅఁతక్కి ఇచ్చిహిఁ నిన్నఅఁ ఎట్కతరకి కజ్జణిలెఁ కియ్యతసి ఎంబఅసి? నింగె మనణి తాణటి నీను ఉజ్జెఎ ప్ణాఅతయి ఏనయి? ఎట్కతరి తాణటివ పాటహఁ ఏది నీ సొంతెతయిఎ ఇంజిహిఁ గౌరొమి వెస్సకొడ్డలి ఏనఅకి?8నీఎఁతక్కి ఎప్పె మీరు ఏనఅఁ ఊణ ఆఅరేటు బొర్తి పాటమంజెర్రికి, నీఎఁ ఎప్పె దొన్నొ గట్టతెరి ఆహమంజెర్రి? మమ్మఅఁ పిస్సహఁ మీరు రజ్జయఁ ఆతెరికి? సొత్తొఎ, మాంబువ మీ తొల్లె రజ్జయఁ అయ్యలితక్కి మీరు రజ్జయఁ ఆనయి నంగెవ రాఁహెఎ.9హాకి డొండొ ప్డానరిలెహెఁ మహపురు అపొస్తుయఁ ఆతి మమ్మఅఁ బర్రెతికీహ డాయు ఇటమంజన్నెసి ఇంజిహిఁ నాను పుంజిమఇఁ. మాంబు తాడెపురుతక్కి మహపురు దూతొయఁతకి మణిసియఁకి కబ్బఆనిలెహెఁ మన్నొమి.10మాంబు క్రీస్తు కోసొమి బుద్దిహిల్లఅగట్టతొమ్మి, మీరు క్రీస్తు తాణ బుద్దిగట్టతెరి, మాంబు బల్మిహిలఅఁ గట్టతొమ్మి, మీరు బల్మి గట్టతెరి, మీరు గౌరొమి గట్టతెరి, మాంబు గౌరొమి హిల్లఅఁ గట్టతొమ్మి.11ఈ బేల ఎప్పె హక్కి ఏస్కి గట్టతొమ్మి, గెంజితి హెంబొరిదూకి గట్టతొమ్మి, మాడ పాటిహిఁ, నిచ్చలితకి హిఁయఁణివ హిల్లఅనా మన్నొమి.12మా కెస్కతొల్లె కొస్టొకిహిఁ కమ్మకిహిఁ మనొమి, నిందయఁ పాటిహిఁవ ఆసీర్వాదొమి కిహీనొమి, హింస పాటిహిఁవ ఓర్హినొమి.13దుసొవి పాటిహిఁవ బతిమాలినొమి తాడెపురుతక్కి మాచిలెహెఁ బర్రె జాణతక్కి జాండులెహెఁ నీఎఁ పత్తెక సినికిహిమన్నెరి.14మిమ్మఅఁ లజ్జకియలితకి ఆఎ సమ్మ నా జీవుతి మీర్క ఇంజిహిఁ మిమ్మఅఁ బుద్ది వెస్సలితక్కి ఈ హాడ్డయఁ రాచ్చిమఇఁ.15క్రీస్తు తాణ మింగె జాప్హనరి దొస్సొమాణ లోకు గెల్పనరి మచ్చివ తంజి రొఒసిఎ గడ్డుజాణ హిలొఒరి. జీసు క్రీస్తు తాణ మిమ్మఅఁ రుండకిహఁ మీ బర్రెతక్కి తంజిఆహమఇఁ.16ఏదఅఁతక్కి మీరు నన్నఅఁ మెస్సహఁ నాలెకిహిఁ తాకదు ఇంజిహిఁ మిమ్మఅఁ బతిమాలింజఇఁ.17ఏదఅఁతక్కిఎ ప్రెబు తాణ నమ్ముగట్టి నా జీవుతి మీరెఎసి ఆతి తిమోతిఇఁ మీ తాణ పండింజఇఁ. ఏవసి క్రీస్తు తాణ నాను తాకితణితి, ఇచ్చిహిఁ బర్రె టాయుత బర్రె సఙొమిత నాను ఏనికిహిఁ జాప్హెఎఁ, ఏదఅఁ మింగె పుఁణ్బికియ్యనెసి.18నాను మీ తాణ వాఒఁ ఇంజిహిఁ బొడ్డపొణొ ఆహిమంజెర్రి.19ప్రెబుతి ఇచ్చ ఇచ్చిహిఁ నాను జిక్కి మీ తాణ వాహిసవా, బొడ్డపొణొ ఆహినెరి హాడ్డయఁ ఆఎ సమ్మ ఏవరి సొక్తితిఎ పుంజలి ఆడిఇఁ.20మహపురు రాజి ఇచ్చిహిఁ వరిఇ హాడ్డయఁ తొల్లె ఆతయి ఆఎ సొక్తితొల్లె ఆతయి.21మీరు ఏనఅఁ పరిమంజెర్రి? బడ్గ అస్సహఁ నాను మీ తాణ వాఇకిఁ? జీవు నోని గూణు తొల్లె వాఇఁ? ఎమినయి మీ ఒణ్పు?The Word for the World International