Titus1
1Phaau-lô, dhơn ratơơq ưng Yaang Pleng lơq sưưq-đô ưng Jê-su Chuôq Paq Manưih, taai lóóm huuiq ưng nôôq manưih bâân Yaang Pleng lưa chââih lơq rau chóóm n'nal paraaq dhalam pâng targlap palơq lóóm huuiq bhi Chuôq,2palơq lóóm rââm dhakơi mưng leq rau mamông nh'chró hơq Yaang Pleng, Yaang yươq praaq chachââr, ơi hươq tââq n'loom dyóp klaang đơơi.3Bơơi mót dhalam ganah bhêêl, Ađó ơi pakah đóng paraaq Ađó tââq tarnêêng truuih đuui taruuih liêm hơq aku ơi bâân pajaau đóng ting paraaq kayua ưng Yaang Pleng, Chuôq Paq ưng nôôq he.4Pagơơi leq Tiit, akóón lalua ưng aku kalóóng lóóm huuiq mađó. Nhan ơơn phươk liêm lơq yươq rauha tââq Yaang Pleng, nek Ama, lơq Jê-su Chuôq Paq Manưih, Chuôq Paq ưng nôôq he, tơk leq akóón.5Aku ơi lơơi akóón lóóiq dhiq Kơ-rêêt taai kanóq kaniêng ađô, ađek nek buôn akóón ve chóóm ralap rapaq nôôq tarnêêng dyơq kah ơi xong lơq pajaau tarnêêng nôôq takóh bhươl kalóóng dyóp kanóón kơi aku ơi pató kayua akóón,6manưih ađek phaai yươq dhiq chóóm trêh jươm, nek kayiik ưng mưi kađiêl, ve akóón anaaq kah tadhơ, yươq glêh takaauq leq kalơng mamông kah matich môôiq kah manôh.7Taai manưih jư bha-nan yua dhakơi phaai yươq dhiq trêh jươm, kơi nek manưih jư lêi đong ưng Yaang Pleng, yươq laach jơơr, yươq đâh pagrâ, yươq giêng buôh, yươq tarvei tarlak, lơq yươq n'thaam dhahik.8Klóóih leq ađek nek phaai nh'nhơr tamóói, nh'nhơr rau liêm kre, chagơn parngau, dhalam tapat, bhóók lóóm, đơơp pakala,9jư tamưng taruuih liêm đaang huuiq ganơơm targlap palơq paraaq parchóóm, buôn đóng manưih achêk ve kataai karơ đóng drươh bhơơl lóóm manưih lââng palơq rau pató pachóóm liêm kre, drươh bơt klôôq đu jaklâk jơl.10Taai ve bơk đu panhôôn panhaauq, kabhuh praaq bhông haau, lơq kabhuh galơơk chachââr, đu tââm nek nôôq đu mađó kabhuh iêt ng'kar.11Tarnêêng kơng bhlơng nek pagat kabhuh piđó parngau bóóp. Piđó dyơq têêng taluk tabơl tabhơt nôôq parlóng đong xók pachóóm nôôq rau kah chóóm pachóóm, ơi taai malơơi malaai đaang kachiit mat.12Mưi kalóóng sôôq piđó hơq nek nôôq manưih đââng taruuih ưng chênh piđó, ơi praaq kơi ađô: “Manưih Kơ-rêêt taluôn nek nôôq đu praaq chachââr, nôôq akóón adhah grâ, nôôq beq luônh tachanang dyââng glaau.”13Paraaq truuih đuui ađô nek lalua. Ơi taai achêk, phaai trêh teng piđó kơi đu râng, buôn piđó ve chóóm bâân liêm kre kalóóng lóóm huuiq,14kah tameng xâng leq nôôq chiên kah makoq machak ưng manưih Jo Thaaiq môôiq paraaq pachóóm râng ưng nôôq đu palâh hóng palơq paraaq dhalam.15Dyóp rau maar sek tabah đóng nôôq ngaai sek tabah. Bơơi palơq đu chêt bil lơq kah huuiq, nek kah ve rau sek tabah, hơq tabhơt lóóm karnóq palơq kalóóng lóóm piđó maar ơi bâân têêng đóng hư bil.16Piđó praaq pakarơ piđêi n'nal Yaang Pleng, dhơ kơi ađek, kalóóng tarnêêng têêng ưng piđó, piđó dyiin lơơi Ađó, xar kơi đaang harek haper, kah huuiq bóóp, lơq kah taglap palơq dhơ dhađó tarnêêng đu kre liêm.
FAR EAST BROADCASTING COMPANY