Romans16

1Lơh ađek, aku nek kayua palơq adhi anó, anó Phê-bê, manưih adhi anó ưng nôôq yi, kung nek manưih têêng yaauq ưng Akóón Dhơn Chuôq dhiq Xeen-kơ-rê,2buôn adhi anó ve chóóm pơh yaauq ađó kalóóng Chuôq, ting kơi chóóm đaang palơq nôôq manưih huuiq liêm, lơq tơk tóór poor jóói ađó kalóóng rau hauhiq ađek hơq ađó kơng tơk adhi anó. Taai ađó kung ơi val kơi manưih poor jóói đóng bơk ngaai, payaap tabhơt lơq chênh nek aku.
3Nhan chap yayar Bê-rit-siin lơq A-kui-la, nôôq parjơơk marau tarnêêng ưng aku kalóóng Jê-su Chuôq Paq Manưih,4achêk nek nôôq manưih ơi boh parhââm ađêi ơi taai parhââm mamông ưng aku, eh chapiên mưi aku ma-ơơn piđó, hơq tabhơt nôôq Akóón Dhơn Chuôq ưng nôôq dhanuôr katiêk lââng dyơq,5lơq chap yayar Akóón Dhơn Chuôq dhiq đong piđó. Nhan chap yayar Ê-baai-nêêt adhi anó bơk nh'nhơr ưng aku, hơq anó achêk nek pale tââp bóóng ưng xưưq A-si đóng Chuôq Paq Manưih.6Nhan chap yayar Ma-ri, manưih ơi têêng tarnêêng lóng nhưh nhok taai adhi anó.7Nhan chap yayar An-trô-ni-kơ lơq Ju-ni-a, manưih kabhuh xóng ưng aku lơq parjơơk tơơt đong kanam ưng aku, bơơr chanak achêk nek nôôq manưih tââm tarhaanh kalóóng m'pơng nôôq sưưq-đô, hơq piđó kung ơi tơơt kalóóng Chuôq Paq Manưih laloom aku.8Nhan chap yayar Am-li-a, parjơơk nh'nhơr bhlơng ưng aku kalóóng Chuôq.9Nhan chap yayar U-rơ-benh, parjơơk mađó tarnêêng ưng nôôq yi kalóóng Chuôq Paq Manưih, lơq Êch-ta-chi, parjơơk nh'nhơr bhlơng ưng aku.10Nhan chap yayar A-be-lơ, manưih bâân pơh đơơp kalóóng Chuôq Paq Manưih. Nhan chap yayar nôôq manưih ưng parlóng đong A-rich-tô-bu.11Nhan chap yayar Hê-rô-đi-ôôn, manưih kabhuh xóng aku. Nhan chap yayar nôôq ngaai ưng parlóng đong ưng Naat-xiit, nek nôôq manưih tơơt kalóóng Chuôq.12Nhan chap yayar Tri-phe-nơ, lơq Tri-phô-sơ, nôôq manưih hadhơơp nhok kalóóng Chuôq. Nhan chap yayar Beet-si-đơ nh'nhơr bhlơng, manưih ơi têêng tarnêêng lóng nhok gleh kalóóng Chuôq.13Nhan chap yayar Ru-phu, manưih bâân chââih kalóóng Chuôq, palơq akan ưng ađó achêk, lơq ưng aku.14Nhan chap yayar A-sin-cơ-rich, Phơ-lê-gôôn, Heet-me, Ba-trô-ba, Heet-ma, lơq nôôq adhi anó tơơt palơq piđó.15Nhan chap yayar Phi-lô-lô-gơ lơq Ju-li, Nê-rê lơq mamóóq ađó achêk, palơq Ô-liim lơq tabhơt nôôq manưih huuiq liêm tơơt palơq piđó.16Phaai pakah lóóm bhi chap lơq xóng ađêi palơq chanum chum liêm. Tabhơt nôôq Akóón Dhơn Chuôq ưng Chuôq Paq Manưih chap yayar tamóh tham adhi anó.
17Mat lââng, adhi anó ơơi, aku mââl bhơơl adhi anó, chamet lêi palơq nôôq manưih têêng tavaaih rau têêng tablah lơq têêng môôp lơt, lơt palơq paraaq pachóóm hơq adhi anó ơi hok, lơq Phaai n'đóch changaai lơh tââq piđó.18Taai nôôq manưih kơi achêk kah đơơp xâng Chuôq nôôq he, nek Chuôq Paq Manưih, bơơi nek beq luônh ưng chênh ađêi, lơq tââq paraaq moor mêêm lơq praaq paliêm bóóp, piđó galơơk chachââr tabhlơng nôôq luônh lóóm đâh xâng.19Tââq lóóm huuiq xâng ưng adhi anó ơi yuur chavó tơk dyóp ngaai. Taai ađek aku bhuui marhaal leq adhi anó, bơơi aku kiêng adhi anó bâân tabech galang leq rau liêm, hơq sek tabah ting kơi palơq rau aak.20Yaang Pleng ưng yươq rauha e kadhaat đâq Sa-taan raal dyung adhi anó kơi đâh bhlơng.
Nhan ơơn phươk liêm ưng Chuôq nôôq he, nek Jê-su Chuôq Paq Manưih, tơơt palơq adhi anó.
21Ti-mô-thê, parjơơk mađó tarnêêng ưng aku, palơq Lu-si-uut, Ja-sôôn, lơq Sô-xi-ba-tê, nôôq manưih kabhuh xóng ưng aku, pagơơi paraaq chap yayar adhi anó.22Aku Teet-tiiu, manưih xaraq bha-aar ađôk, pagơơi paraaq chap yayar adhi anó kalóóng Chuôq.23Gaai-uut, manưih pơh yaauq aku lơq tabhơt Akóón Dhơn Chuôq, pagơơi paraaq chap yayar adhi anó. Ê-ra-tu, jư jêên ưng kanóón manưih bơk, nek palơq manưih adhi anó Kua-tu, pagơơi paraaq chap yayar adhi anó.24[Rââm ơơn phươk liêm ưng Chuôq nôôq he nek Jê-su Chuôq Paq Manưih tơơt palơq tabhơt adhi anó. Chêk kơi].
25Rââm cha-iil tabah pachô leq Yaang ve chóóm têêng adhi anó mưng karơ ting Taruuih Liêm ưng aku lơq rau truuih đuui Jê-su Chuôq Paq Manưih, ting rau tapakah leq rau lalââp glêh bâân jư palââp kalóóng bhluuch ganah đươnh bhluuch dhiq bơk klaang đơơi,26bơơi ađôk ơi bâân gluh pakah, chadrươh ađek tââq nôôq bha-aar manưih loom đââng taruuih, ting paraaq kayua ưng Yaang Pleng tơk nh'chró, ơi bâân truuih karơ đóng dyóp dhanuôr buôn malóóm tơk rau ting xâng ưng lóóm huuiq,27nhan cha-iil tabah pachô leq Ađó, nek Yaang Pleng tabech galang mưi giêl, đươi Jê-su Chuôq Paq Manưih, đóng patơk nh'chró. Chêk kơi.

FAR EAST BROADCASTING COMPANY

https://app.library.bible/content/15a813fef7fefb05