Hebrews5
1Taai ting chanak takóh kadhâng bhanuôih bhơt liêm, xók bâân chââih tââq m'pơng dhanuôr manưih, bâân kayua xal mat đóng dhanuôr kalóóng nôôq tarnêêng têêng pâng tơk Yaang Pleng, đóng ve chóóm tapôông bhanuôih lơq adhah bhanuôih klóóih matu lơt;2xók ve đuôh ka-er palơq nôôq manưih ngôôk lơq lơt xraang, taai chênh ađó kung bâân rau dhur lóóm patui.3Tââq kơi ađek, ađó achêk phaai tapôông adhah bhanuôih klóóih matu, kơi đóng dhanuôr manưih ng'kơi, nek kung đóng chênh ađêi kơi achêk.4Kah mưi ngaai pei đơơp bhi chap ađô đóng ađêi, hơq chapiên bâân Yaang Pleng dhaloong, kung thê kơi A-rôôn.5Kung makơi ađek, Chuôq Paq Manưih kung ơi kah tư padyók ađêi yuur têêng takóh kadhâng bhanuôih bhơt liêm. Klóóih dhiq ađek nek Yaang ơi praaq palơq Ađó: “Akóón nek Akóón Aku; tangêi mađôk Aku ơi n'niên Akóón.”6Kơi Yaang achêk kung ve praaq dhiq mưi dham lââng: “Akóón nek takóh kadhâng bhanuôih đóng patơk nh'chró, ting dhong nooi Mêên-chi-xê-đeek.”7Bhluuch nôôq tangêi dyơq mamông kalóóng dyaang achak ađêi, Ađó ơi pakah tapôông nôôq paraaq gavơh lơq nhan panhel, kung palơq dhariêng dhaloong nhiim gavơh lơq đơơk mat tơk leq Yaang ve mataai raman paq ađêi lơh tââq chêt, lơq Ađó ơi bâân tameng xâng taai parmông bhi huuiq ưng ađêi.8Dhơ nek Akóón, bơơi Ađó ơi đuui n'nal rau xâng bóóp tââq nôôq rau hơq Ađó đơơp jruôn.9Lơq bhêêl ơi bâân vaaih dyóp paxong, Ađó val xar tââm kachuur paq jóói tơk nh'chró đóng tabhơt ngaai nôôq ting huuiq Ađó,10xók ơi bâân Yaang Pleng chaleq đóng têêng takóh kadhâng bhanuôih bhơt liêm ting dhong nooi Mêên-chi-xê-đeek,11hơq leq manưih ađô nek taruuih đóng nôôq he nek bơk bhlơng, lơq kadhaap lók kluôh, ơi taai adhi anó ơi val xar dyââng padhuôi dhiq tarnêêng tameng xâng.12Ơi patơk mơ tơk xók ađôk, parpâng hayơq nek nôôq manưih pachóóm, adhi anó vil ve rau kiêng chik-chêk ngaai ađek chaleq pachóóm ađêi nôôq dhale n'tót êêp tââm kalóóng nôôq taruuih ưng Yaang Pleng, lơq adhi anó ơi xar nôôq manưih ve rau kiêng leq đơơk baq, eh vaaih rau chana cha kók!13Ơi taai dhơ dhangaai chapiên mơ đươi đơơk baq nek kah ve n'nal rau leq taruuih pachóóm ưng rau bhơt liêm, taai manưih achêk bhiêk dyơq nek paniên katưưiq.14Bơơi rau cha padyơk kók nek đóng nôôq manưih taha, hơq nek nôôq ngaai đươi ve ơi buôn keen têêng ve đuôh bâân chóóm n'nal palơq rau kiêng marchơng miq rau liêm palơq rau môôp.
FAR EAST BROADCASTING COMPANY