1 Corinthians7

1Hayơq leq nôôq rau hơq adhi anó ơi xaraq: “Alua liêm đóng manưih padruuih yươq bêch tơơt palơq pađiil.”2Bơơi taai dharơơl galơơk têêng taniêt, ting chanak padruuih phaai pei kađiêl đóng ađêi, lơq ting chanak pađiil phaai pei kayiik đóng ađêi.3Kayiik phaai têêng paxong tarnêêng nek palơq kađiêl, hayơq kađiêl nek palơq kayiik kung thê kơi achêk.4Kađiêl kah ve chóóm kala dhiq achak araang ưng ađêi, bơơi nek kayiik. Hơq thê kơi achêk, kayiik kung kah ve chóóm kala dhiq achak araang ưng ađêi, bơơi nek kađiêl.5Óóq jơl châq xóng ađêi, chapiên nek tââq rau markơi lóóm kalóóng mưi ganah ve mơ gani buôn adhi anó ve chóóm bhơt lóóm gavơh nhan, Hayơq val tơơt maleq xóng ađêi, hơq đóng Sa-taan óóq ve chóóm dharơơl galơơk adhi anó tââq rau kah đuôh pakala ưng ađêi.
6Dhơ kơi ađek, aku praaq rau ađô kơi mưi rau đơơp pathua, eh rau kơi paraaq râng.7Bơơi aku rââm dyóp ngaai patơk mơ bâân kơi aku. Dhơ kơi achêk, dyóp ngaai ve ơơn n'tua tââq Yaang Pleng, dhơ ve ngaai kơi ađô, bơơi ve ngaai kơi lââng.8Hayơq nek palơq nôôq manưih kah ơi bâân manưih lơq nôôq đu kamaai, aku móón kơi la piđó bhiêk dyơq tơơt kơi aku nek liêm.9Bơơi la piđó kah gơt jư ađêi đuôh, nek piđó phaai bâân manưih. Ơi bâân manưih nek liêm lơh jruôn bơơi lóóm kiêng.10Hayơq nek palơq nôôq ngaai ơi bâân manưih nek aku praaq kayua, eh rau aku, hơq nek Chuôq, kơi kađiêl kah đơơp tarlơơi tââq kayiik,11(bơơi patơk mơ la pađiil achêk ơi bâân tarlơơi, nek ađó phaai bhiêk tơơt kah bâân manưih, môôiq phaai paliêm lóóiq palơq kayiik), lơq kayiik nek kah lơơi kađiêl.12Bơơi nek palơq nôôq manưih dyơq lóóiq nek aku kayua, aku, hơq eh rau Chuôq, la ngaai adhi anó ve kađiêl kah ơi huuiq, lơq pađiil achêk iêm lóóm mamông palơq ađêi, nek adhi anó kah chóóm pheep lơơi pađiil achêk.13La mưi pađiil ngaai ve kayiik kah ơi huuiq lơq manưih achêk markơi lóóm mamông palơq ađêi, nek kađiêl kah chóóm lơơi kayiik.14Taai kayiik kah ơi huuiq bâân sek liêm tââq kađiêl ađêi, lơq kađiêl kah ơi huuiq bâân sek liêm tââq manưih adhi anó ađek. Ơi la kah nek akóón anaaq adhi anó nek kah sek liêm, bơơi xók ađôk piđó bâân liêm.15Hayơq la manưih kah huuiq ađek tư ađó tablah, phaai lơơi manưih achêk bâân tablah. Manưih adhi anó môôiq adhi anó achêk yươq bâân pa-eep kalóóng rau tarlum ađek, hơq nek Yaang Pleng ơi dhaloong nôôq he tơơt kalóóng nôôq yươq rauha.16Ơi, nhan móón adhi anó, ng'kơi têêng adhi anó n'nal la ve kơi adhi anó e bâân paq kayiik ađêi? Môôiq, adhi anó ơơi, ng'kơi têêng adhi anó n'nal la ve kơi adhi anó e bâân paq kađiêl ađêi?17La kah ve, nek Chuôq ơi nh'xóóng đóng leq ting chanak n'đó kơi, Yaang Pleng ơi dhaloong ting chanak ng'kơi, phaai jađaang vôôiq kơi achêk. Lơq aku đóng pheep kơi achêk kalóóng tabhơt nôôq akóón dhơn Chuôq.18Ngaai ơi bâân dhaloong xong xók đơơp iêt ng'kar kơq? Manưih achêk óóq kơi kah ơi iêt ng'kar. Ngaai ơi bâân dhaloong xók tarlum kah ơi iêt ng'kar kơq? Manưih ađek óóq đơơp iêt ng'kar.19Iêt ng'kar nek kah rau, kah iêt ng'kar kung nek kah rau; hơq liêm tââm nek rau huuiq jư nôôq gani pachóóm ưng Yaang Pleng.20Ting chanak manưih, kalóóng dhariêng dhaloong hơq ađêi ơi bâân dhaloong, phaai bhiêk xalia kalóóng tarnơơt achêk.21Adhi anó bâân dhaloong kalóóng manưih têêng xól kơq? Óóq lơơi rau ađek têêng đóng adhi anó karaang. Dhơ kơi ađek, la adhi anó alua ve chóóm val kơi rathaai, nek phaai kapươk dyuôch xók ve bâân.22Ơi mưi chanak, nek têêng xól, bâân dhaloong kalóóng Chuôq nek val xar manưih rathaai ưng Chuôq. Kung kơi achêk, manưih rathaai bâân dhaloong nek val xar têêng xól ưng Chuôq Paq Manưih.23Adhi anó ơi bâân pók kơl palơq janaaq yaal ơi; óóq val xar têêng xól ưng akóón manưih.24Nhan móón lơq adhi anó, ting chanak tơơt kalóóng tarlum dhađó dhiq xók bâân dhaloong, nek phaai bhiêk tơơt palơq Yaang Pleng kalóóng tarlum dhiq ađek.
25Bơơi tapâng tơk nôôq manưih tơơt laleh, aku kah ve paraaq kayua ưng Chuôq. Dhơ kơi ađek, aku pakah kanóq paraaq taai ơi bâân đơơp ơơn kayô ka-er tââq Chuôq buôn têêng mưi manưih đaang huuiq ganơơm.26Taai kơi ađek aku đóng kơi tarlum kơi achêk nek liêm, ơi taai rau kadhaap kara hat ơi tơk pađan, kơi alua liêm đóng mưi ngaai bhiêk tơơt dhiq pâng tarlum kơi achêk.27Alua kơq adhi anó bâân tachauq palơq kađiêl? Óóq tabâân kơi tarlơơi. Alua kơq adhi anó bâân tarlơơi tââq kađiêl? Óóq bâân kađiêl.28Hayơq la adhi anó bâân kađiêl, nek adhi anó yươq têêng matu; lơq la mưi pađiil kamór bâân kayiik, nek pađiil achêk yươq têêng matu. Dhơ kơi ađek, nôôq manưih kơi achêk e ve vaaih kadhaap jarnah kalóóng ng'kar m'bech, hơq aku kiêng adhi anó viêr rau ađek.29Bơơi, nhan móón adhi anó, aku kayua rau ađô: tangêi kaxe nek ơi bâân êêp gađóq, hơq đóng tââq ađôk leq tabhêêl, pabhơt nôôq ngaai ve kađiêl, nek xar kơi kah ve;30nôôq ngaai nhiim, nek kơi kah nhiim; ngaai bhuui marhaal, nek kơi kah bhuui; nôôq ngaai kơl ravang, nek kơi kah bâân rau pakala;31Lơq nôôq ngaai n'dróh karvaan akóón manưih hóng katiêk, nek kơi kah rau đươi. Ơi rau lêi ưng hóng katiêk ađôk e lơh bil.32Mat lââng, aku rââm kiêng adhi anó bâân yươq nhok-nhói. Manưih tơơt laleh yươq karaang lóóm nôôq rau mađó leq Chuôq, n'đó kơi hơq ađêi ve chóóm têêng bhuui lóóm Chuôq.33Bơơi manưih padruuih ơi bâân kađiêl karaang lóóm nôôq tarnêêng ưng đơơi ađôk, n'đó kơi manưih kayiik ve chóóm têêng bhuui lóóm kađiêl ađêi, lơq manưih ađek bâân paangra. Pađiil tơơt laleh môôiq pađiil kamór34karaang lóóm nôôq rau mađó leq Chuôq, ng'kơi đóng ađêi ve chóóm bâân sek liêm miq kalóóng achak araang lơq kalóóng lóóm ravaai. Bơơi pađiil ơi bâân kayiik karaang lóóm nôôq tarnêêng ưng đơơi ađôk, n'đó kơi manưih kađiêl ve chóóm têêng bhuui lóóm kayiik ađêi.35Dhơ kơi ađek, aku dyơq praaq rau ađô ơi malơơi ưng chênh adhi anó, eh rau buôn aku ve chóóm dhoong biêng pajư adhi anó, bơơi buôn malóóm tơk rau têêng yaauq chênh ađaang lơq kanóq lóóm đóng Chuôq mưi kơi yươq lơơi havil.36Bơơi la ngaai manưih đóng kơi xók têêng praaq kah dhalam ting palơq akóón pađiil kamór ưng ađêi, alua kơq pađiil achêk ve nh'jau bâân chaguui lơq taai kơi achêk tarnêêng bâân kayiik bâân yuur vaaih, nek manưih achêk phaai têêng rau ađêi rââm kiêng. Manưih achêk yươq têêng matu; phaai lơơi piđó bâân kayiik.37Hayơq ngaai đuôh pakala kalóóng lóóm ađêi, yươq ve rau chut kajuq, hơq ve kataai dhiq karnóq kiêng ưng chênh ađêi, lơq manưih achêk ơi đóng pheep kơi achêk kalóóng lóóm ađêi, buôn jư lêi akóón pađiil kamór ưng ađêi, nek manưih achêk e têêng praaq kơi dhalam.38Kơi achêk, manưih đóng akóón pađiil kamór ađêi têêng dhalam, lơq manưih kah đóng patơk mơ e têêng liêm lơh.39Manưih kađiêl bâân tachauq bhluuch mơ đươnh kayiik ađêi dyơq mamông. Bơơi la kayiik chêt nek pađiil achêk bâân rathaai bâân kayiik palơq ngaai manưih ađêi kiêng, bhiêk nek kalóóng Chuôq.40Dhơ kơi ađek, ting kanóq paraaq ưng aku nek pađiil achêk bâân phươk lơh la ve chóóm bhiêk tơơt kơi achêk. Bơơi, aku kanóq kơi ađô ađêi kung ve Yaang Liêm ưng Yaang Pleng.

FAR EAST BROADCASTING COMPANY

https://app.library.bible/content/15a813fef7fefb05