Káyisan17
1Ta eehuu nihipaye ta, ekee ti simaleekoo sa isak niŋ súsupak sa seeyekane sa sipool sa isak niŋ súsupak sa néekey ti inci neesokam: “Kéy, inci píyisani fa aal a ahaañiya ya enfakat a, eetaake ya sempe ti hícump musuu, fa afaasiiŋanee fa ti pisiya.2Pumansa pa pakati etaam ya nkahinto neyoo, pakan paka lompo nkalaan elaan wiiñ ya eti casupoolat ca citeyoo fo kákuman.”3Púful toko, Kunuu ka keenape ka nkúwanoonii ti inci, maleekoo ya neecoopam ti káahaaŋ tes. Toko incuk aal a naayeniye ti élukuleen elampa éecunke neetaak kikaw isak niŋ kúsupak niŋ usiin ŋaasuwan, ucaw uti kateñal Pútuun pa nuukiicee lan óo lan ti enii eteyyo.4Aal a náasoolo wañ wéecunke weenape núuciiti hinoom, náasankaloolo niŋ pisanoo niŋ pumaan niŋ mínankiin méeciita hinoom. Naayekan ti epeesoo elontoŋ eti sanoo, neemeeŋ hícump waah weekuulut niŋ waah uti meeñeya uti casupoolat ca citeyoo.5Caacaw ence cikiicee ti éyitoo, caacaw enca ammeya nii, káacenkin etenco kiyoleeyol:
“Babilon enfakat ya,
Iññáa ya ati pakaal paka pihaañiya pa
niŋ waah óo waah uti meeñeya uti etaam ya.”6Inci incuk nii aal a éekumane, kaatuko alaanaalaan hísim ha hiti pakan paka keesampanee ka pakati Pútuun pa, keemukee ka kamma nkáyinane ti Yéesu nkakaman kiteyoo. Ta incukoo ta iŋŋaŋo meemak.7Fiye maleekoo ya neesokam: “Weyme uwune aŋŋaŋo? Inci fáhini áapimeyi keeyolee ka kiti aal a niŋ élukuleen elampa ya eyya naalapiye ya teyyo, eetaake ya kikaw isak niŋ kúsupak niŋ usiin ŋaasuwan.8Elúkuleen ya eyya ancuke ya, etaakaataako hínum, pale fiye eneetaat. Eféefulii ti kaayeen ka keetaakut ka pilehu néepucaloolee. Keeyem ka ti etaam ya efikaŋaŋo nkacukaa élukuleen ya, poko kayem payenka ucawii weekiicutee wa ti púkoo ya eti eloŋ ya kápiliŋ ta púlunta pa mpiliilee. Payenkuu efikaŋaŋo nkacukaa élukuleen ya kamma neetaakiye hínum, fiye eneetaat pale éfeeñohoonii.9“Eehe hicakanaacakan kunuu niŋ ecohato. Kikaw ka isak niŋ kúsupak ka kiyem sítintiŋ isak niŋ súsupak la aal a naayeniye la kayen. Kikaw enkuu lompo pumansa isak niŋ pákasupak.10Intaako teyii isak keekete, oonool oopa ti elemeyu ya, akee ya aloot ákey. Pale niŋ ákeyyoo atafiyo ti elemeyu ya.11Elúkuleen ya eetaakiye ya hínum pale fiye eneetaat, ekina faŋ eteyyo akee amansa. Akina akee ti pumansa pa isak niŋ pákasupak paka, apan náayemi lompo eewase ya isak niŋ pákahaaciil, áfaapucaloolee.12Usiin wa ŋaasuwan wa ewwa ancuke wa, ukina lompo pumansa ŋaasuwan, apan cáwii ca citeyii ciloot cíyaañ. Pale efikataak sempe siti éyenoonii pumansa ti coonool niŋ élukuleen ya fo waati yoonool.13Pumansa pa payenkuu, hoonool lamma hiyem teyii, hikina hiyem kawufan élukuleen ya sempe sa siteyii niŋ kayine ka kiteyii.14Efikakam Císaacii ca, pale Císaacii ca eficiheekii, kamma inciyem Ahámpaatiin a ati ñíhampaatiin ña niŋ lompo Amansa ya ati pumansa pa. Pakanoo payenka naayonkale ka naamamal nkátuuloo, efikayeno neyoo.”15Maleekoo ya nene esokam: “Eeha ancuke ha, heeyem ha hícump musuu emma aal a ahaañiya ya naataake ma temmo sempe, mikina miyem hícump mah, pakan, písii niŋ kíleeluuf.16Elúkuleen ya efeenat aal a ahaañiya ya, usiin wa ŋaasuwan wa lompo ewwa ancuke wa efuunatoo. Efikalamal waah wa uteyoo púlooŋ nkawaatoo ñáfalfali. Efikali kihaayoo nkasow keetowiye ka.17Kaatuko Pútuun pa puwase ti saanii eeha mpílafiye ha íhinu ancuk kati káhin ho. Efíkasiyool nkacoop sempe sa siti cáwii ca citeyii kapuwufan so élukuleen ya, fo ta kilim enka Pútuun pa mpusoke ka efikitaako.18Aal a aŋa ancuke ya, akina ayem saatee ya enfakat ya eetaake ya sempe ti pumansa pa pakati etaam ya.”
“Babilon enfakat ya,
Iññáa ya ati pakaal paka pihaañiya pa
niŋ waah óo waah uti meeñeya uti etaam ya.”6Inci incuk nii aal a éekumane, kaatuko alaanaalaan hísim ha hiti pakan paka keesampanee ka pakati Pútuun pa, keemukee ka kamma nkáyinane ti Yéesu nkakaman kiteyoo. Ta incukoo ta iŋŋaŋo meemak.7Fiye maleekoo ya neesokam: “Weyme uwune aŋŋaŋo? Inci fáhini áapimeyi keeyolee ka kiti aal a niŋ élukuleen elampa ya eyya naalapiye ya teyyo, eetaake ya kikaw isak niŋ kúsupak niŋ usiin ŋaasuwan.8Elúkuleen ya eyya ancuke ya, etaakaataako hínum, pale fiye eneetaat. Eféefulii ti kaayeen ka keetaakut ka pilehu néepucaloolee. Keeyem ka ti etaam ya efikaŋaŋo nkacukaa élukuleen ya, poko kayem payenka ucawii weekiicutee wa ti púkoo ya eti eloŋ ya kápiliŋ ta púlunta pa mpiliilee. Payenkuu efikaŋaŋo nkacukaa élukuleen ya kamma neetaakiye hínum, fiye eneetaat pale éfeeñohoonii.9“Eehe hicakanaacakan kunuu niŋ ecohato. Kikaw ka isak niŋ kúsupak ka kiyem sítintiŋ isak niŋ súsupak la aal a naayeniye la kayen. Kikaw enkuu lompo pumansa isak niŋ pákasupak.10Intaako teyii isak keekete, oonool oopa ti elemeyu ya, akee ya aloot ákey. Pale niŋ ákeyyoo atafiyo ti elemeyu ya.11Elúkuleen ya eetaakiye ya hínum pale fiye eneetaat, ekina faŋ eteyyo akee amansa. Akina akee ti pumansa pa isak niŋ pákasupak paka, apan náayemi lompo eewase ya isak niŋ pákahaaciil, áfaapucaloolee.12Usiin wa ŋaasuwan wa ewwa ancuke wa, ukina lompo pumansa ŋaasuwan, apan cáwii ca citeyii ciloot cíyaañ. Pale efikataak sempe siti éyenoonii pumansa ti coonool niŋ élukuleen ya fo waati yoonool.13Pumansa pa payenkuu, hoonool lamma hiyem teyii, hikina hiyem kawufan élukuleen ya sempe sa siteyii niŋ kayine ka kiteyii.14Efikakam Císaacii ca, pale Císaacii ca eficiheekii, kamma inciyem Ahámpaatiin a ati ñíhampaatiin ña niŋ lompo Amansa ya ati pumansa pa. Pakanoo payenka naayonkale ka naamamal nkátuuloo, efikayeno neyoo.”15Maleekoo ya nene esokam: “Eeha ancuke ha, heeyem ha hícump musuu emma aal a ahaañiya ya naataake ma temmo sempe, mikina miyem hícump mah, pakan, písii niŋ kíleeluuf.16Elúkuleen ya efeenat aal a ahaañiya ya, usiin wa ŋaasuwan wa lompo ewwa ancuke wa efuunatoo. Efikalamal waah wa uteyoo púlooŋ nkawaatoo ñáfalfali. Efikali kihaayoo nkasow keetowiye ka.17Kaatuko Pútuun pa puwase ti saanii eeha mpílafiye ha íhinu ancuk kati káhin ho. Efíkasiyool nkacoop sempe sa siti cáwii ca citeyii kapuwufan so élukuleen ya, fo ta kilim enka Pútuun pa mpusoke ka efikitaako.18Aal a aŋa ancuke ya, akina ayem saatee ya enfakat ya eetaake ya sempe ti pumansa pa pakati etaam ya.”
Wycliffe Bible Translators, Inc.