Máciya21
1Púful toko, Yéesu niŋ pinapana pa pakateyoo nkalohan Jerusalem. Nkacol pukol cisaatee ca citi Petifake la ti cítintiŋ ca enca nkasok ca Olif. Yéesu naapoñ pákasupak ti pinapana pa pakateyoo,2naasokii: “Nikaay ti cisaatee ca ceeyem ca hátikin aluu. Emma inninako ma efinitook fáli eecenkee toko niŋ kaafuun eteyyo. Níkopinii po ínnicoopiyam po.3Niŋ an acakanaa aluu weyme inniyem ti íhinu, niñahanoo: 'Ahámpaatiin a asoolahe po,' tokotoko afaakatan aluu nipicoop po.”4Fiyuu intaakiye ancuk eeha ayaamakoola ya naasoke ha hitaakiyaa, asok:5“Sok pakati Siyon,'Nisincan, amansa ya ataaluu oopa ti ékey ti aluu,eewananooliye, naalapo ti fáli,niŋ ti cífali, kaafuun fáli.'”6Pinapana pa pákasupak paka nkakaay nkáhin eeha Yéesu naasokii ha.7Nkácoopii fáli ya niŋ kaafuun eteyyo, nkalemp kúsool ka kiteyii kenfakat ka tempo, Yéesu naayeno tenko.8Kayoŋ kenfakat nkitanal kúsool ka kenfakat ka kiteyii ti pítin pa, pakakee paka nkafiital minaay ti punuun pa nkanaŋal mo ti pítin pa.9Kayoŋ ka keenowoo ka hátikin niŋ keeyemoo ka ti kanapan nkayeno hiceeku:“Hosanna! Umúlaa Añii ya ati Dawid!Alímaati Ateeteyo Pútuun pa pisampan éekeyii ya ti caacaw etempo!Hosanna!Umúlaa Pútuun pa piti patiila!”10Ta Yéesu naanakiye ta Jerusalem, saatee ya púlooŋ neeliiñool, nkacakan: “Aŋuu ayme?”11Kayoŋ ka keeyeniye ka niŋ Yéesu nkiñahan: “Aŋe Yéesu, ayaamakoola ya éefulii ya ti saatee ya eti Naasalet eti mah ma miti Galilee.”12Fiye Yéesu naanako ti hank ha hiti ekumpaan ya enfakat ya eti Pútuun pa, naayaan pakan paka púlooŋ keeyeniye ka kaanooman niŋ hinoomu toko. Naahalapal pitaapul pa piti púfaliŋa mañ ma niŋ kúkon ka kiti punoomana kúcuucuuku ka.13Naasokii: “Kiiceekiic ti hilim ha hiti Pútuun pa nii: 'Ekumpaan ya etoom efeeyonkalee ekumpaan éluumuma,' pale aluu inniyesan yo 'éyolowuma pikanca'!”14Kéefuume ka niŋ payenka nkanow ka niŋ efank nkákey ti Yéesu ti hank ha hiti ekumpaan ya enfakat ya, náakuuñanii.15Ñíhampaatiin puwaaseena pa pakati Pútuun pa niŋ pikalaŋana hilim ha heesiiŋanee ha hiti Móyiis nkacuk weecukantee wa ewwa náahine wa, nkási epuuk ya ti kaaceeceekool ti hank ha hiti ekumpaan ya enfakat ya: “Hosanna! Umúlaa Añii ya ati Dawid!” Inseeñii,16nkasok Yéesu: “Fo áasiyaasi eeha epuuk ya payenke nkayem ha ti hisoku?” Naañahanii: “Ee, fo nitaapala nikalaŋ heekiicee ha ti hilim ha hiti Pútuun pa nii:'Aáhinaahin hímulu ha hitii hípifulii ti putum epuuk niŋ miñii meeyem ti káacuu.' ”17Fiye naatahii toko, náaful ti saatee ya, naakaay ti cisaatee ca citi Betani, naaŋot toko.18Eti kacom eteyyo mpucom mic, Yéesu naayeno puñoho Jerusalem, peep mpucokoo.19Naacuk enuun sootoo pukol pítin pa, naakaay teyyo pale acukut teyyo waah niŋ neetaat pahatal lamma. Fiye naasok yo: “Alímaati timpi nene puk múk!” Tokotoko enuun sootoo ya neesuucan.20Ta pinapana pa nkacuke ta eehuu, ínnimii nkacakanoo: “Puume enuun sootoo ya neesuucane fiye mpacas?”21Yéesu naañahanii: “Inci pusok aluu pánipani ya, niŋ nitaakaa káyinan peetaakut kunuu kúsupak, éfiniyini íhinu eeha inci ínhine ha ti enuun sootoo ya. Apan eehuu lamma tom, pale éfiniyini hisoku tíntiŋ eyye, 'Lúpinoolo, incaawant faŋi ti kaatii,' efihitaako.22Niŋ níyinanaa ti Pútuun pa, éfipihin waah óo waah ewwa inniluume ti kaluum.”23Púful toko, Yéesu naanako ti hank ha hiti ekumpaan ya enfakat ya eti Pútuun pa, naayeno kakalaŋan. Fiye ñíhampaatiin puwaaseena pa pakati Pútuun pa niŋ ñíhampaatiin ña pakati pakan paka nkákey teyoo, nkacakanoo: “Awe yem ayme heewune áayemi ti íhinu eehuu? Ayme asokuu hín ho?”24Yéesu naañahanii: “Inci lompo taakaataak ti aluu kacakan koonool. Niŋ niñahanaam, inci fasok aluu eesokaam ya hín eehe.25Nisokam, pátise ya eti Saŋ, ti ayme néefulii, ti Pútuun pa fo ti pakan paka?”
Fiye nkayeno piteŋenool ti pututayii, nkasokoolo: “Niŋ unaa usokaa, ti Pútuun pa néefulii, afaasok unaa, ooto weyme uwune níyinanutoo?26Pale niŋ usokaa, ti pakan paka néefulii, ufeyetanaa eeha pakan paka éfikahin ha, kaatuko poko púlooŋ kacokaacok Saŋ nii ayaamakoola.”27Fiye nkañahan Yéesu: “Unii úmiit.” Naañahanii: “Inci lompo etisok aluu eesokaam ya hín eehe.”28Yéesu nene asok: “Eeheyme ínnimiiloole ti eehe? Taakaataak akee áyiin eetaake pikampaani pákasupak, naakaay ti áyaañ a naasokoo: 'Añiinam, fíyooy kaay páhin ti kaakit ka.'29Añii ya naañahanoo: 'Haani, inci etikaay,' pale po hátikin naawatanoolo naakaay.30Paapaa ya naakaay ti ásupiyenu ya, naasokoo hoonool huu. Naañahanoo: 'Ee, paapaa inci fakaay,' pale akaayut.31“Ti payenke t’ésupakii, ayme áhine eeha paapaa ateyoo náalafiye ha?” Ñíhampaatiin puwaaseena pa pakati Pútuun pa niŋ ñíhampaatiin ña pakati pakan paka nkañahanoo: “Ayáañ a.” Yéesu naasokii: “Inci pusok aluu pánipani ya, pisayoola kúncoo ya niŋ pakaal paka pihaañiya pa éfikatikin aluu pinako ti cáwii ca citi Pútuun pa.32Kaatuko Saŋ-Patis ákeyyookey ti aluu náayisan aluu pítin pa piti pucoonool pa; níyinanutoo pale pisayoola kúncoo ya niŋ pakaal paka pihaañiya pa nkáyinanoo. Háati ta innicuke ta eehuu ti pitaako, po hátikin niwatanooliit kati níyinanoo.”33Yéesu nene asok: “Nísiitan nene hikee hícantiitu. Taakaataak akee áyiin eesuke kaakitoo kiti wiiñ, náakink ko, naawak toko ékaacuma wiiñ, naalut la efinkasiiŋo kápuwasum kaakit ka. Fiye náaluwaas kaakit ka ti pakakee píhina, naakaay kaakaawool ti mikee mah.34Ta hisaatu ha níhituuniye ta, naapoñ pimiikan pa pakateyoo ti púluwaasa pa kati kawufanoo putum pa piteyoo ti pasaatal pa.35Pale púluwaasa pa nkacok pimiikan pa pakateyoo, nkasap akee ya, nkamuk akee ya, nkanunkal akee ya.36“Fiye, ati kaakit ka nene apoñ teyii pakakee pimiikan keehaŋe pameeŋ pákayaañ paka. Púluwaasa pa nkáhinii moonool muu.37“Ti pikelan, ati kaakit ka naapoñ teyii añiinoo, naasokoolo: 'Efíkatuul añiinam.'38Pale ta púluwaasa pa nkacuke ta añii ya, nkasokool: 'Aha aŋa akaakaay ya hitoonu kaakit ka. Níkey, umukoo ancuk kaakit ka kiyeniyaa kutuunaa.'39Fiye nkacokoo, nkawantoo tíkitaaŋ kaakit ka, nkamukoo.”40Fiye, Yéesu naasok: “Ooto niŋ ati kaakit ka ákeyyoo, puume naakaakaay íhinu púluwaasa pa payenkuu?”41Ñíhampaatiin puwaaseena pa pakati Pútuun pa niŋ ñíhampaatiin ña pakati pakan paka nkañahanoo: “Afaamuk pikanca pa payenkuu púŋooti. Fiye náaluwaas kaakit ka pakakee píhina payenka efikawufanoo putum pa piteyoo ti papukal pa niŋ hisaatu ha hítuuniyaa.”42Yéesu naasokii: “Fo nitaapala nikalaŋ heekiicee ha ti hilim ha hiti Pútuun pa nii:'Enánkiin ya eyya puluta pa nkawante yaéyenoonii énankiin ya eehaŋe ya hitaaku nafaa.Eehe Ateeteyo Pútuun pa áhine ho,níhisuum kaasincan meemak' ?”43Yéesu nene asok: “Ekina ewune inci insok aluu nii, cáwii ca citi Pútuun pa eficisayee ti aluu inciwufanee pakan payenka ammeya nii, eloŋ ya eteyii efeetaak papukal péesuume Pútuun pa.44An óo an eenowe ti énankiin eyyuu afaahumaloolee; an óo an aŋa neenowe teyoo afaatuncaloolee.”45Ta ñíhampaatiin puwaaseena pa niŋ Pufalisaay pa nkásiye ta kícantiitu ka kiteyoo, nkámeyi nii Yéesu kiteyii naayeniye hisoku.46Nkálafiyoo hicoku, pale nkafe kayoŋ ka kamma pakan paka nkacoke Yéesu nii ayaamakoola.
Fiye nkayeno piteŋenool ti pututayii, nkasokoolo: “Niŋ unaa usokaa, ti Pútuun pa néefulii, afaasok unaa, ooto weyme uwune níyinanutoo?26Pale niŋ usokaa, ti pakan paka néefulii, ufeyetanaa eeha pakan paka éfikahin ha, kaatuko poko púlooŋ kacokaacok Saŋ nii ayaamakoola.”27Fiye nkañahan Yéesu: “Unii úmiit.” Naañahanii: “Inci lompo etisok aluu eesokaam ya hín eehe.”28Yéesu nene asok: “Eeheyme ínnimiiloole ti eehe? Taakaataak akee áyiin eetaake pikampaani pákasupak, naakaay ti áyaañ a naasokoo: 'Añiinam, fíyooy kaay páhin ti kaakit ka.'29Añii ya naañahanoo: 'Haani, inci etikaay,' pale po hátikin naawatanoolo naakaay.30Paapaa ya naakaay ti ásupiyenu ya, naasokoo hoonool huu. Naañahanoo: 'Ee, paapaa inci fakaay,' pale akaayut.31“Ti payenke t’ésupakii, ayme áhine eeha paapaa ateyoo náalafiye ha?” Ñíhampaatiin puwaaseena pa pakati Pútuun pa niŋ ñíhampaatiin ña pakati pakan paka nkañahanoo: “Ayáañ a.” Yéesu naasokii: “Inci pusok aluu pánipani ya, pisayoola kúncoo ya niŋ pakaal paka pihaañiya pa éfikatikin aluu pinako ti cáwii ca citi Pútuun pa.32Kaatuko Saŋ-Patis ákeyyookey ti aluu náayisan aluu pítin pa piti pucoonool pa; níyinanutoo pale pisayoola kúncoo ya niŋ pakaal paka pihaañiya pa nkáyinanoo. Háati ta innicuke ta eehuu ti pitaako, po hátikin niwatanooliit kati níyinanoo.”33Yéesu nene asok: “Nísiitan nene hikee hícantiitu. Taakaataak akee áyiin eesuke kaakitoo kiti wiiñ, náakink ko, naawak toko ékaacuma wiiñ, naalut la efinkasiiŋo kápuwasum kaakit ka. Fiye náaluwaas kaakit ka ti pakakee píhina, naakaay kaakaawool ti mikee mah.34Ta hisaatu ha níhituuniye ta, naapoñ pimiikan pa pakateyoo ti púluwaasa pa kati kawufanoo putum pa piteyoo ti pasaatal pa.35Pale púluwaasa pa nkacok pimiikan pa pakateyoo, nkasap akee ya, nkamuk akee ya, nkanunkal akee ya.36“Fiye, ati kaakit ka nene apoñ teyii pakakee pimiikan keehaŋe pameeŋ pákayaañ paka. Púluwaasa pa nkáhinii moonool muu.37“Ti pikelan, ati kaakit ka naapoñ teyii añiinoo, naasokoolo: 'Efíkatuul añiinam.'38Pale ta púluwaasa pa nkacuke ta añii ya, nkasokool: 'Aha aŋa akaakaay ya hitoonu kaakit ka. Níkey, umukoo ancuk kaakit ka kiyeniyaa kutuunaa.'39Fiye nkacokoo, nkawantoo tíkitaaŋ kaakit ka, nkamukoo.”40Fiye, Yéesu naasok: “Ooto niŋ ati kaakit ka ákeyyoo, puume naakaakaay íhinu púluwaasa pa payenkuu?”41Ñíhampaatiin puwaaseena pa pakati Pútuun pa niŋ ñíhampaatiin ña pakati pakan paka nkañahanoo: “Afaamuk pikanca pa payenkuu púŋooti. Fiye náaluwaas kaakit ka pakakee píhina payenka efikawufanoo putum pa piteyoo ti papukal pa niŋ hisaatu ha hítuuniyaa.”42Yéesu naasokii: “Fo nitaapala nikalaŋ heekiicee ha ti hilim ha hiti Pútuun pa nii:'Enánkiin ya eyya puluta pa nkawante yaéyenoonii énankiin ya eehaŋe ya hitaaku nafaa.Eehe Ateeteyo Pútuun pa áhine ho,níhisuum kaasincan meemak' ?”43Yéesu nene asok: “Ekina ewune inci insok aluu nii, cáwii ca citi Pútuun pa eficisayee ti aluu inciwufanee pakan payenka ammeya nii, eloŋ ya eteyii efeetaak papukal péesuume Pútuun pa.44An óo an eenowe ti énankiin eyyuu afaahumaloolee; an óo an aŋa neenowe teyoo afaatuncaloolee.”45Ta ñíhampaatiin puwaaseena pa niŋ Pufalisaay pa nkásiye ta kícantiitu ka kiteyoo, nkámeyi nii Yéesu kiteyii naayeniye hisoku.46Nkálafiyoo hicoku, pale nkafe kayoŋ ka kamma pakan paka nkacoke Yéesu nii ayaamakoola.
Wycliffe Bible Translators, Inc.