Pihiburu3
1Ekina ewune niñaŋaa kaasincan Yéesu, aluu pakanam ti káyinan keesampanee ka, aluu payenka Pútuun pa mpiyonkale ka. Akina ayem apoñapoñ a niŋ awaaseena ya enfakat a ati káyinan ka kutuunaa enka núutuunanaa ka.2Pánipani akina an eecoonoole hátikin Pútuun pa peemamaloo pa ápihin páhin etempo, samat nii fa Móyiis naayeniye fa an eecoonoole ti ekumpaan ya púlooŋ eti Pútuun pa.3Pale Yéesu acokeecok nii an eeñaŋee kámakiyan pihaŋ Móyiis, samat nii fa aluta námulee pihaŋ ekumpaan eyya naalute ya.4Ekumpaan óo ekumpaan etaakaataak eelute yo, pale Pútuun pa pulute waah óo waah.5Inkéyyoo ti Móyiis, ayenaayeno eecoonoole samat nii amiikan ti ekumpaan ya púlooŋ eti Pútuun pa, ancuk kati áyisan pakan paka eeha Pútuun pa mpikaakaay ha hisoku hátikin.6Pale ínkeyyoo ti Eenucee ya, akina eecoonoole samat nii Añii aŋa Faafoo naawufane ekumpaan ya eteyoo apiyeno ati hikaw ha. Ekumpaan ya eteyoo eyem unaa, niŋ úhaañiyaa nuucokaa piliit ti waah ewwa núuhinaa wa cíki, ewwa nuumaayooliyaa wa newwo.7Ekina ewune, ti pakiical pa piti Pútuun pa Kunuu ka keenape ka nkusok:
“Fíyooy, niŋ nísiyaa hilim etempo,8timpi niyank ekunsamat nii fa símaama aluu nkáhine fa,ta nkapooke ta káasiitan Pútuun pa,ti káahaaŋ ka testi puwinko etempo kapisincan eeha éfipihinii.9Pútuun pa mpusok:'Símaama aluu kawinkiyaam-winko meemak ti káahaaŋ ka tes;nkacuk weecukantee wa utoom fo sitiil áwii ésupak.10Ekina ewune inci íññiken ti ekaay eyyuu, insok:"Kunuuwii tan óo tan nkilincolinco,kámiit pítin pa putoom."11Fiye ti káñiken insintooliye:"Etikacol cántum ti éyekunoolo ya etoom!"'”12Pakanam ti káyinan, nitah kunuu, pámiiloolal peenaput piti káayinanaati timpi pitaako ti akee taaluu kati ayesan pusonoo ti Pútuun pa peeyem pa kaloŋa.13Pale niyankananool hinak óo hinak kati nicok piliit, niŋ hinoom ha eeha inniyem ha fiye ti eloŋ hiyonkalee fíyooy, ancuk kaamuuyen ka, keeyem ka ti kincaakool aluu tan óo tan, timpi kúluuŋ an ti aluu ápiyenoonii eeyanke ekun.14Utaakaataak himpaac ti Eenucee ya, iyyema cíki eyya nuutaakaa ya písik ta núuyaañaa ta káyinan, ucokaa yo fo ti pikelan.15Ucukaacuk fa hilim ha nihisoke fa:
“Fíyooy, niŋ nísiyaa hilim etempo,timpi niyank ekunsamat nii fa símaama aluu nkáhine fata nkapooke ta káasiitan Pútuun pa.”16Pakayme kayem kéesiye ka hilim ha hiti Pútuun pa nkapook po káasiitan? Fo payenke tom púlooŋ payenka Móyiis náafulanii ka Esipt?17Ti ayme Pútuun pa mpíñikene fo sitiil áwii ésupak? Fo payenka tom keemuuyene ka, puhunuŋ pa piteyii lompo mpimeeŋ ti káahaaŋ ka tes?18Ta Pútuun pa mpisintooliye ta nii: “Etikacol cántum ti éyekunoolo ya etoom,” fo oom pakan tom kapooke po káasiitan?19Fiye ucukaacuk nii kamma káayinanaati ka kiteyii, kikina kuwune kayinaat hicolu ti éyekunoolo etempo.
“Fíyooy, niŋ nísiyaa hilim etempo,8timpi niyank ekunsamat nii fa símaama aluu nkáhine fa,ta nkapooke ta káasiitan Pútuun pa,ti káahaaŋ ka testi puwinko etempo kapisincan eeha éfipihinii.9Pútuun pa mpusok:'Símaama aluu kawinkiyaam-winko meemak ti káahaaŋ ka tes;nkacuk weecukantee wa utoom fo sitiil áwii ésupak.10Ekina ewune inci íññiken ti ekaay eyyuu, insok:"Kunuuwii tan óo tan nkilincolinco,kámiit pítin pa putoom."11Fiye ti káñiken insintooliye:"Etikacol cántum ti éyekunoolo ya etoom!"'”12Pakanam ti káyinan, nitah kunuu, pámiiloolal peenaput piti káayinanaati timpi pitaako ti akee taaluu kati ayesan pusonoo ti Pútuun pa peeyem pa kaloŋa.13Pale niyankananool hinak óo hinak kati nicok piliit, niŋ hinoom ha eeha inniyem ha fiye ti eloŋ hiyonkalee fíyooy, ancuk kaamuuyen ka, keeyem ka ti kincaakool aluu tan óo tan, timpi kúluuŋ an ti aluu ápiyenoonii eeyanke ekun.14Utaakaataak himpaac ti Eenucee ya, iyyema cíki eyya nuutaakaa ya písik ta núuyaañaa ta káyinan, ucokaa yo fo ti pikelan.15Ucukaacuk fa hilim ha nihisoke fa:
“Fíyooy, niŋ nísiyaa hilim etempo,timpi niyank ekunsamat nii fa símaama aluu nkáhine fata nkapooke ta káasiitan Pútuun pa.”16Pakayme kayem kéesiye ka hilim ha hiti Pútuun pa nkapook po káasiitan? Fo payenke tom púlooŋ payenka Móyiis náafulanii ka Esipt?17Ti ayme Pútuun pa mpíñikene fo sitiil áwii ésupak? Fo payenka tom keemuuyene ka, puhunuŋ pa piteyii lompo mpimeeŋ ti káahaaŋ ka tes?18Ta Pútuun pa mpisintooliye ta nii: “Etikacol cántum ti éyekunoolo ya etoom,” fo oom pakan tom kapooke po káasiitan?19Fiye ucukaacuk nii kamma káayinanaati ka kiteyii, kikina kuwune kayinaat hicolu ti éyekunoolo etempo.
Wycliffe Bible Translators, Inc.