Efúlii15
1Fiye Móyiis niŋ pakati Israyel nkacook Ateeteyo hícimu eehe:
“Inci facook Ateeteyo kamma naaheeke pikamooloo pántoon,náaseeman pufalinc pa niŋ piteteyana etempo ti kaatii ka.2Ateeteyo ayem sempe sa sitoom niŋ hícimu ha hitoom,ákeyyookey kafakanam.Akina ayem Pútuun pa putoom, inci fámuloo,akina ayem Pútuun pa piti paapaa atoom, inci fámakiyanoo.3Ateeteyo ayem akama ya enfakat a,caacawoo ciyem Ateeteyo.4Aséemanaa-séeman ti kaatii kapisaleet pa piti amansa ya niŋ pusoocaali pa pakateyoo.Pusoocaali pa keehaŋe ka nkáhinee cíki ti mah ma miti Esipt,nkáseemanee ti Kaatii ka Kéecunke ka. 5Kúsuh ka nkimelii,nkáseem samat nii énankiin.6Ateeteyo, epeesi yáali ehaŋe waah óo waah sempe;Ateeteyo, epeesi yáali etuncaloole pikamooli.7Ti hamake ha hitii henfakat haanheeke keenatuu ka.Awwánanii káñiken ka kitii samat nii seemak,nkusowii nii hikaaw.8Emma ánfuuteene ma,man ma úmmucumpoolo,ummucoonool ciit samat nii hiniŋ;man ma méesuna ma ummucokool mipiyankti pututa kaatii ka.9Akamool unaa asok hínum:'Inci fawawantanii incokiiímpaacinool hisaanumate ha hiteyii,inconcenool ho fo fomam.Iññákii káakuntu ka kutoom,epeesam néepucaloolii.'10Pale awe Ateeteyo, ínfuuteen kaatii ka nkimelii,nkáseem samat nii énankiin ti hítaapanu man ma.11Fo eyyeyme énaati ecuke nii awe Ateeteyo?Ekee tempo eyinaatee kaakufumool naawe,kaatuko awe, ati sempe senfakat, inhaŋ po púlooŋ.Inféyanani, íntuuno hímuluyee,ínhin weecukantee.12Impántin epeesi yáali,etaam ya neemelanii.13Ti pálafi pa pitii peepayantoo paántintiŋane pakani payenka anfakane ka,ti sempe sa sitii ántintiŋaniila ankine la, la sampanee la.14Pakan paka kásiyaasi, nkakikilan,ewatate neecok pakati Filistin.15Fiye ñíhampaatiin ña pakati Etom nkaliim,piñaap pa pakati Mowap nkayeno ti ewatate enfakat,pakati Kanaan púlooŋ nkakikilan.16Ewatate enfakat néenowii teyii;Ateeteyo, ti sempe sa siti epeesi kayinaat hiwenu,nkacuk nii pínankiin,taamanta pakani kamuusut,pakani payenka annoome ka.17Ateeteyo, aafacoopii iyyenaniiti tíntiŋ ya etii,la ammemanoole la aakati kin,la sampanee la,la ansiiŋane la.18Ateeteyo, awe amansa fo eket maama!”19Ta pufalinc pa, pisaleet pa niŋ piteteyana pufalinc pa pakati amansa ya nkanakiye ta ti kaatii ka, Ateeteyo náañahanii man ma teyii. Pale pakati Israyel nkafiitan ti etaam eesuuce.20Ayaamakoola ya Miriyam, Aaron ahoopoo, náacoopii pankalaŋ pa piteyoo. Pakaal Israyel púlooŋ nkácoopalii ñankalaŋ nkanapanoo nkayeno ekii.21Miriyam nene acook hícimu ha:
“Nicook Ateeteyo kamma naaheeke pikamooloo pántoon,náaseeman pufalinc pa niŋ piteteyana etempo ti kaatii ka.”22Móyiis naacoop pakati Israyel nkáful ti Kaatii ka Kéecunke ka nkahiiŋ ti káahaaŋ ka tes kiti Sul. Nkasapal kunoom kíhaaciil kacukut man.23Nkacol la nkasok la Mala nkacuk man, pale kayinaat mo pálaani kamma pasampe, ekina ewune nkasok toko Mala (ekina eyem “pasampe”).24Pakan paka nkayeno káakumutool ti Móyiis nkasokoo: “Weyme nuukaakaay pálaani?”25Móyiis naakooŋ ti Ateeteyo kayankanan. Ateeteyo náayisanoo hikasap, hikina naacoope naawant ho ti man ma, ímmineeniyii ummucoon pálaani.
Toko Ateeteyo naawufanii kilim keesiiŋanee naasokii eeha nkañaŋe ha íhinu. Toko lompo naawinkiyii26naasokii: “Niŋ nísiitanaam pinap, inci Ateeteyo Pútuun pa pitaaluu, ínnihin heecoonoole ti ñíkinam, niŋ nísiitanaa eeha inci insoke ha ínnituul kilim ka kutoom keesiiŋanee ka púlooŋ, ínnihinaa eehuu, úkuuñu wa púlooŋ ewwa inci úwwananii wa ti pakati Esipt, étiwananii wo taaluu, kaatuko inci yem Ateeteyo ákuuñana ya ataaluu.”27Púful toko nkacol Elim, toko intaak úpun ŋaasuwan núusupak niŋ úyita áwii éhaaciil niŋ ŋaasuwan (70), nkasiiŋan toko púkuut pa piteyii.
“Inci facook Ateeteyo kamma naaheeke pikamooloo pántoon,náaseeman pufalinc pa niŋ piteteyana etempo ti kaatii ka.2Ateeteyo ayem sempe sa sitoom niŋ hícimu ha hitoom,ákeyyookey kafakanam.Akina ayem Pútuun pa putoom, inci fámuloo,akina ayem Pútuun pa piti paapaa atoom, inci fámakiyanoo.3Ateeteyo ayem akama ya enfakat a,caacawoo ciyem Ateeteyo.4Aséemanaa-séeman ti kaatii kapisaleet pa piti amansa ya niŋ pusoocaali pa pakateyoo.Pusoocaali pa keehaŋe ka nkáhinee cíki ti mah ma miti Esipt,nkáseemanee ti Kaatii ka Kéecunke ka. 5Kúsuh ka nkimelii,nkáseem samat nii énankiin.6Ateeteyo, epeesi yáali ehaŋe waah óo waah sempe;Ateeteyo, epeesi yáali etuncaloole pikamooli.7Ti hamake ha hitii henfakat haanheeke keenatuu ka.Awwánanii káñiken ka kitii samat nii seemak,nkusowii nii hikaaw.8Emma ánfuuteene ma,man ma úmmucumpoolo,ummucoonool ciit samat nii hiniŋ;man ma méesuna ma ummucokool mipiyankti pututa kaatii ka.9Akamool unaa asok hínum:'Inci fawawantanii incokiiímpaacinool hisaanumate ha hiteyii,inconcenool ho fo fomam.Iññákii káakuntu ka kutoom,epeesam néepucaloolii.'10Pale awe Ateeteyo, ínfuuteen kaatii ka nkimelii,nkáseem samat nii énankiin ti hítaapanu man ma.11Fo eyyeyme énaati ecuke nii awe Ateeteyo?Ekee tempo eyinaatee kaakufumool naawe,kaatuko awe, ati sempe senfakat, inhaŋ po púlooŋ.Inféyanani, íntuuno hímuluyee,ínhin weecukantee.12Impántin epeesi yáali,etaam ya neemelanii.13Ti pálafi pa pitii peepayantoo paántintiŋane pakani payenka anfakane ka,ti sempe sa sitii ántintiŋaniila ankine la, la sampanee la.14Pakan paka kásiyaasi, nkakikilan,ewatate neecok pakati Filistin.15Fiye ñíhampaatiin ña pakati Etom nkaliim,piñaap pa pakati Mowap nkayeno ti ewatate enfakat,pakati Kanaan púlooŋ nkakikilan.16Ewatate enfakat néenowii teyii;Ateeteyo, ti sempe sa siti epeesi kayinaat hiwenu,nkacuk nii pínankiin,taamanta pakani kamuusut,pakani payenka annoome ka.17Ateeteyo, aafacoopii iyyenaniiti tíntiŋ ya etii,la ammemanoole la aakati kin,la sampanee la,la ansiiŋane la.18Ateeteyo, awe amansa fo eket maama!”19Ta pufalinc pa, pisaleet pa niŋ piteteyana pufalinc pa pakati amansa ya nkanakiye ta ti kaatii ka, Ateeteyo náañahanii man ma teyii. Pale pakati Israyel nkafiitan ti etaam eesuuce.20Ayaamakoola ya Miriyam, Aaron ahoopoo, náacoopii pankalaŋ pa piteyoo. Pakaal Israyel púlooŋ nkácoopalii ñankalaŋ nkanapanoo nkayeno ekii.21Miriyam nene acook hícimu ha:
“Nicook Ateeteyo kamma naaheeke pikamooloo pántoon,náaseeman pufalinc pa niŋ piteteyana etempo ti kaatii ka.”22Móyiis naacoop pakati Israyel nkáful ti Kaatii ka Kéecunke ka nkahiiŋ ti káahaaŋ ka tes kiti Sul. Nkasapal kunoom kíhaaciil kacukut man.23Nkacol la nkasok la Mala nkacuk man, pale kayinaat mo pálaani kamma pasampe, ekina ewune nkasok toko Mala (ekina eyem “pasampe”).24Pakan paka nkayeno káakumutool ti Móyiis nkasokoo: “Weyme nuukaakaay pálaani?”25Móyiis naakooŋ ti Ateeteyo kayankanan. Ateeteyo náayisanoo hikasap, hikina naacoope naawant ho ti man ma, ímmineeniyii ummucoon pálaani.
Toko Ateeteyo naawufanii kilim keesiiŋanee naasokii eeha nkañaŋe ha íhinu. Toko lompo naawinkiyii26naasokii: “Niŋ nísiitanaam pinap, inci Ateeteyo Pútuun pa pitaaluu, ínnihin heecoonoole ti ñíkinam, niŋ nísiitanaa eeha inci insoke ha ínnituul kilim ka kutoom keesiiŋanee ka púlooŋ, ínnihinaa eehuu, úkuuñu wa púlooŋ ewwa inci úwwananii wa ti pakati Esipt, étiwananii wo taaluu, kaatuko inci yem Ateeteyo ákuuñana ya ataaluu.”27Púful toko nkacol Elim, toko intaak úpun ŋaasuwan núusupak niŋ úyita áwii éhaaciil niŋ ŋaasuwan (70), nkasiiŋan toko púkuut pa piteyii.
Wycliffe Bible Translators, Inc.