God Gagara Are Dae Benunu Sisira.
1Arie God, nanda memadae resena, ningi! Nanda gitofudae oju erena. Namo sonembaso jebugari dae resena!2Ari ekoko emboimi manaka garuse irera. Namoa ufena daoro ambono dae kato erera ava sedo, kosege fete!3Ne avivaimi mema mutari dae sise, kotise irá gheraera. Geka seraera, kaiya siverego afari aminga ava,seoro mema siroreraira.4Ne meka jo gae irise, gungubo seoro ivege ya gheraira.Ne ufena evetu genembo eveva gaveva aindae aji sise, nenda bino eoro sembae eraira.5Ne totorugedo, kokomana daoro sirivo aore dae tofo tofo ghamo dedoruse manaka gayeraera.Nenda ivasi reda fifitigarera ava kotise, eminge seraera, “Ifu mave jo fumbae arira.”6Ne dara ari dae manaka garuse seraera, “Namonde taká tafasara ari da manaka beká ava gaeteri.”Ai resira amo, genembo da janje jokáda kotari rea irá gheraira amo, jungari bekári.7Avata God nunda goroba nemokena afuse, ne totoi nembo gagayegeraira.8Ainda susu mo, ne rea sisera aindae, ne sosighi arira. Evetu genembo nemoa gido gifua gitorotoro edo gharera.9Ainda beká sirorari gido, evetu genembo isasambu oju edo,God rea usira a etiri sirorusira ava kotise, aindae osa sarera.10Eveva gaveva irari embodae resena. Bajari rea usira aindae riria evu! Numokena ambo sose fetevu!Evetu genembo eveva gaveva isasambu sakai numoa saore!