Genembo Eni God Numoa Kaifa Tavo Are Dae Benunu Sisira.
1Arie God, nanda sorara ningi! Nanda benunu ningaso dae resena!2Na vasa ajagha beká aminda fetirise, nimokena kori resena.Mana mana use resena, na budo fitaso, ambo sose fetari vasa eveva aminda jungase!3Ainda susu mo, ni nanda jungari vasa evevari. Aminda nanda gitofu na jo tambae arera.4Na do evovodae ninda vasa kakarago aminda irone! Arie, namoako, ninda ghabu duruda afurugaso, eveva irone!5Arie God, ni nanda beka gajari ningesi. Ningido, natofo ni igheghi eraera, aikena rea mutaresa ava,anakora namokena muteso ruruseni.6Kini da irari da ghaeko do ghousago yare! Nunda jebuga erá totoi gombu eure!7Arie God, nu evovodae ninda dombuda irise, namane kaifa edo ghare!Nu dubo buraesa, ágido nu nange kaifa ari sisesa ava use, nu kaifa edo ghe!8Amingururaso, nindae sakai sise, evovodae ninda javoda yaru didivuse sakai sarera.Sifo evia inono, nanda beka gajojuse rea mutari sisena, ava mutono baresa.