Kae Embo Mema Bouvu Itatameraera, Ainda Banungariri.
1Mave makasi embo sonembuse irá gheraera, God ne esimbugururari ivugaghae irarera.Ne dara barera, Bajari ne sonembarira.2Bajari, ne sonembuse gagara ururari jebuga irarera. Nu jo doyari, ne gitofu da sari ningari ae arera.Nune sonembari, ne enda nune futusira aminda, ivuga ghae irarera.3Ne kae barera amo, Bajari sonembururari jebugarera.4Na tofo nandae eminge siseni, “Bajari, na nimokena dara useni.Nandae joka use saso na jebugarera.”5Nanda gitofu nane mema itatama use ambono dadabare dae uju use,geka mendeni mendeni seraira.6Mave namo gari foa gheraera amo, ne jo geka bekáda bekáda sae eraera.Nanda kae da bino eko eni ningarera amo, ne totoi totoi nati do buvudo osa sarera.7Nanda kae nange bouvu digaetira, ava kotise, nandae mave imboe eraera,aimi unongu tofo tofo dengoroda se ningiraera.8Aminguse seraera, “Nu kae budo ambari dae urogho erira, itako jo jebugedo erae arira.”9Nanda eni, nundae nanda komana beká irariá sise, nangae uvu bayau dabade sore mindido ghusera aimi,na gukai futusira.10Arie Bajari, joka edo, nandae fakina sekago mutaso budo aimi nanda gitofu kena mino aone!11Nanda gitofu na jo dedo atai fati fetae usira, aindae na kasama erena,ni nandae ivuga eraesa.12Ni na sonemberaesa ainda beká mo, na rea eraena isambu beká vanembori.Na kaifa ururaso, ninda dombuda evovodae irarena.13Bajari, Israel embo da God dae sakai saore! Oroko a evovodae nundae sakai sise irore!Ai bekári. Ai bekári.