Yaru Divariri35kpr_tbl

God Da Sonembadae Benunu Saore!

1Bajari, evetu genembo mave namokena osogo futo erera ainde osogo e!A kotugo, evetu genembo mave namokena isoro erera ainde, isoro aso dae resena.2Ninda bere bu jighido, ere fu, namoa gagara use dombukena kosege fetase!3Gitofu namoa ondi utua erera, aindae ninda gika vara ghae jighi erari nandae sorega fumbu!“Ninda sonemba kato namori,” ava saso ningido, dubo jama aone!4Evetu genembo mave namoa daoro ambonodae ufena manaka garuse kato erera ava,nine dedo atai duboda fafatigaso, mana mana use meka gaoro dae resena. Ondi dubo bunedo jovereghaore!5Bajari, nine se, ninda Aneya ne ondirari, kau kikisa gharasa yauraimi fuseari ghumbu ya gheraira aminga ava, sumbu ya baghimbaore!6Bajari, nine aso, nenda dombukena tumbajinjanghururari a emboro seriseri ghari,ninda aneyaimi ne ondi dari du fafasaore!7Ai resira amo, na nemokena dara jo aeri. Avata, ne susu tefo namoa ufena daoro ambono dae sise,bako ghafuse a ivasi fitari guseri.8Avata ne kotae kotae iroro, nemoa sosighi aso itatamarera.Ne totofo nemoa nenda vaghoimi dorurari a kotugo totofo nene nenda bakoda du vovoseguse sirivo e tefo arera.
9Amingaoro, na Bajari dae ivuga arena. Na sari, jebugarena aindae, na ivuga arena.10Na nanda janje joka isambuimi Bajari kena sarena, “Arie Bajari, endada a utuda nimongo eni tefori.Rorojegari amo, nine fakina kakatokena kosegeraesa.A makasi irari jarutuse irera barago, nine evetu genembo nemoa degi degi eraera, aikena kosegeraesa.”11Natofoimi aji sise, nane dara ariá gesire eraera, avata na berefo bekári.12Na nendae ari eveva urureono, ne namokena mino ari ekoko ututeraera.Amingeoro, na dubo mema bekáimi bune jarutuse irá gheraena.13Sifo reda ne kae tambudo ghusera, nanda aya, koro mandakoa kotugo komana eni kae bu ambari dae ururoro, joka use banungaetena aminga ava use,Bajari nemo sonembari jebugaoro dae sise, na nendae rovarova use, nendae sedo banungedo ghuseni,a kotugo, uvu bayau kanangara use janje joka isambuimi nendae sedo banungedo ghuseni.Na nendae sedo dubo mema use, tumo darido ya foa ghedo ghuseni.15Avata dara namokena sirorusira, da sifo aminda, ne isasambu ivuga useri.Evetu genembo na berefoimi totorugedo, namo dere jise dedo ghuseri.16Inono daguna embo dere jiraera aminga ava use, ne namokena dombu fakara futo use, dere jiseri.17Arie Bajari, rekato sifo ghousa gosuraso nandae emingeraeri?Evetu genembo amo laioni (lion) da ari aminga use,namo daoro ambono dae eraera, aikena na sainghimbe bu!18Amingaresa amo, na nindae aiyakoe sarena. Ninda natofo tomanakototorugarera ainda dombuda fetedo, nindae sakai sarena.19Erá eoso, evetu genembo gungubo kakato namokena gitofu eraera aimi,na nenda dere jirarikena fiteore! Erá eoso, evetu genembo susu tefo na imboe gamboe eraera aimi,dubo mema arena sifoda gi mendó fainghuse ivuga eore!20Nano namendi da geka ava jo sae eraera.Ne tatera genembo dubo jamada irera,ainda javoda geka gungubo kau eni kau eni ava sise undeoro,baji tomanako eraira.21Ne namoa gesire use, koko siseri, “Namane, rea etesa, geri!”22Avata, Bajari, ni ava gosusesi. Ava sedo, erá namokena tumbedo, ya tofo mandi soka beká eose!23Arie Bajari, tofo ere fete, nandae sorega fumbu!Nanda God, tofo nandae enjise, namo sonembuse sorega fumbu!24Arie Bajari, nanda God, nimo dambugo bekári, ava sedo,nandae “kosasa tefori” saso dae resena. Era doyeoso, nanda gitofuimi na dedo gegha jiriore!25Erá doyeoso ne totofo seore, “Makoe! Nu sandi beri! Amo namonde rea uju usera ava, beká etira!”26Evetu genembo mave, na mematafurureono, namoa dere jiraera ava dedo, atai duboda fati tefo edo aso dubo bunarera.Evetu genembo mave nesuka nemoa nembo eveva sise,na ighagha eraera ava aso, nenda javo eko ari mekai jarutarera.27Evetu genembo mave, ijujari kato nandae“kosasa tefori” sare dae uju arera aimi, ivugai fumbu arugedo ghuse eminge sarera,“Bajari mo nu teriagori! Nunda saramana kato koto sifoda jebugetira aindae, nu ivuga erira!”28Sifo aminda, ni bekáda bekáda eraesa aindae, na osa sise, evovodae nindae sakai sise irarena.
expand_more
Search