Aiyakoe Sari Da Banungariri.
1Arie Bajari, nine na sonembeteso jebuguseni. Ni jo aso, nanda gitofu na bunenda gegha yarukena fitaeri. Aindae na sakai sise, ninda javo jighono erare!2Arie Bajari, nanda God, na nimokena sonembadae sorara eteno,nine eteso nanda kae dadabusira.3Nanda dangio uro bekada ghe saghimbe rurusesi.Na janje dodo ambari emboda bako jokáda vosari dae itako useni.Avata nanda dangio nine dirigeteso, sekago jovereghe fusira.4Arie God da natofo kakara, nemokena resena. “Yaru didivuse sakai sevu! ”God kakara, nunda ari rea usira, ava kotise,nundae aiyakoe sevu!5Ainda beká mo, nu janje ekoko jo ghousago ae eraira.Avata, nu sifo ghousa kavevera use, irá gheraira.Tumbaghae jivu gutarera, avata sifo atarira amo, dubo jama tambarera.6Na fakina budo nasukako siseni,“Na jo itako gofono de atai fatae arera.”7Arie Bajari, namokena veka eveva edo ghusesi.Na nine eteso, doriri susu gambu fefetusira, aminga ava useni.Avata ainda amboda ni tofo jungeteso,na gae irise, oju useni.8Arie Bajari, na mema use, nimokena benunu siseni.Nandae joka edo sonembaso dae sise, eminge siseni.9“Na jo sonembae aso, ambono furugarera amo, nimokena eveva eni rea sirorari baetesi?Ambari embo jo nimokena sakai sari da kaugo iraeri. Kotugo, ne ninda kavevera eraesa aindae, itako jo osa sae arera.”10Arie Bajari, na resena evia ningido, nandae joka aso dae resena!Arie Bajari, namo sonembe!11Na to rovarova usena ava, nine bu fugeteso divu fusedo gherena.Nine vujeteso, ivuga use atai fefeterena.12Ava sedo na jo itako beka dodo irae arena.Na beka afigedo, nindae sakai yaruimi isimbuse irarena.Arie Bajari, nanda God, nimoa tumonde bainghuse, evovodae nindae aiyakoe sise irá gharena.