Yaru Divariri12kpr_tbl

Sonemba Bari Da Banungariri.

1Bajari, namane sonembe! Nimo tumondari embo endada eni jo iraeri.Kotugo geka beká sari embo barago, eni jo tambari da kaugo iraeri.2Ne isambu tofo tofo gungubo sise irá gheraera.Ne kokomana dederuse, geka vivi futo seraera.3Arie Bajari, mave geka vivi futo seraera, avadaso ambarera.Kotugo, mave totofo sakai sise eminge seraera, “Namondeda sari aimi namondeda uju ava barera.Namonde rea ava sarera, jo mave eniimi gajari da kaugo iraeri.” nembarago daso ambarera.
5Avata Bajari resira, “Na furari dae javi erena. Ainda beká mo,evetu genembo mendeni, makasi embo avasosighi edo mema muturaera,katiyavara urureoro gogofegari memaghae aoro sise irá gheraera.Na oroko eredo, sonemba uju eraera ava futuse, ne gagara arena.”6Kau auri siliva (silver) umbu 7 ava itioro avi jeka voseari,siliva beká isagha eraira, aminga ava Bajari rea beka gagojuse setiri fetirira ava foa isagha arira.7Ari ekoko embo reighi isambu nemo vanembori.Ne meka gari da ari eraera, aindae sakai futo seraera.Arie Bajari, sifo ghousa namane kaifa use,evetu genembo avavagaikena kosegaetesi.
expand_more
Search