Revelation20
1Sŏng gư̆n ăñ tơmpơl du hôi cro gơndrơh bơh cŭngsî trồ jư nteàh, iyà cơ-khwà trôm jrô hwơng gời dê gư̆m du-dăng săy-srê̆ dơng nơ̆m tê gô.2Gô kơ̆p nagrài, rơ̆ la beh yo, mà gư̆n la càrak, hala cà Satan, sŏng gư̆n căp gô wăl nơ̆m du-rbô năm.3Gô mbư̆ng Satan nơ̆m trôm jrô hwơng gời, sŏng gư̆n kơl mpông gư̆m tăp ƀăng-kì cŭngsî gô, lơi gô ơ̆ hôm pơlum kơp lơgơ te trôh dî jơ du-rbô năm dî wêl-tăl. Ma-ngkơi gư̆n, gô păl dî hồ makin nhòng du êt tô̆ tơnge.4Sŏng gư̆n ăñ tơmpơl lơ̆gay sơban băl î tơmpôl cro nggui cŭngsî gư̆n, gư̆m gơnoăr cahrña sŏng dî dờp ma gô, băl hwîng-soan tơmpôl cro sŏng kŏng koh găl dê tài bơh jơno lơh cư̆ng bơh Yang Jesu dê gư̆m bơh jơno Yang Tơm Trồ dê, băl î lơ̆gay tơmpôl cro găy ơ̆ duh-khoai jơno puôn jư̆ng hala rồp-ràk gô, kŭng ơ̆ dưñ têl sơnăn gô dê cŭngsî klieng hala nơ̆m tê mơ̆n, ƀòn gô jîng wăl gư̆m ăt-bồ băl î Yang Dŏng-Klàs nơ̆m du-rbô năm.5(Khà hôm wăl nhòng tơmpôl cro sơ̆t gừn ơ̆ jîng wăl trôh dî jơ tăl lơ̆ du-rbô năm.) Gư̆n la jơno jîng wăl dơ̆ sơm.6Lơnge ngăn gư̆m sang-goh ngăn ma cro găy dî pơnah nhòng jơno jîng wăl dơ̆ sơm! Jơno sơ̆t dơ̆ bea ơ̆ dî gơnoăr găy nơ̆m tơmpôl cro gư̆n, mơya ƀòn gô rơp la cro gơnoăr ăn jơno duh-khoai Yang Tơm Trồ î Yang Dŏng-Klàs, gư̆m rơp băl î Kơnràñ ăt-bồ nơ̆m du-rbô năm.7Sŏng gư̆n tơm tô̆ du-rbô năm sŏng lơ̆ lờt, Satan rơp dî hồ tơlôh bơh sơ anẵu jam gô dê,8sŏng gư̆n gô rơp tơlôh swà pơlum lơ̆gay lơgơ ăm puôn đah ple-ù, lang bol Got gư̆m lang bol Magot, lơi jơnư̆m ƀòn gô wăl ma jơno tơmlơh. Khà tơmpôl lĭñ ƀòn gô dê sơntu gư̆ptî càs dàlîng.9Ƀòn gô hwa trôh lam kơp anẵu nơ̆m ù nteàh gư̆m rwang tĕdơ đôn-lĭñ kơp cro sang-goh băl î ƀòn dơng kơñ-kơloh, sŏng gư̆n oềs bơh cŭngsî trồ duh nteàh gừn su hwơ ƀòn gô.10Sŏng gư̆n càrak, cro pơlum ƀòn gô, kŏng mbư̆ng nơ̆m brông oềs gư̆m sieu, mà jơno puôn jư̆ng băl î cro gơnoăr hwơ mablăc ăm nơ̆m anẵu gư̆n, gừn ƀòn gô rơp kŏng sơòs-gleh tơnge gư̆m tơmăng trôh dî miek miek, ơ̆lơ̆ ơ̆lŭi.11Pơnjăt bơh gư̆n, ăñ tơmpơl du-lăm sơban bẵu dơng gư̆m Bơtao nggui cŭngsî sơban, ù î trồ toat ămpôn bơh sơ jơno sơđah să Kơnràñ dê, mà ơ̆ tom anẵu găy dî ăn lơi ma ƀòn gô.12Sŏng gư̆n ăñ tơmpơl tơmpôl cro sơ̆t, băl dơng gư̆m êt, ñă ăm sơđàp sơban, gư̆m lơ̆gay sră dî pẵư, sŏng gư̆n du păng sră nde kŭng dî pẵư, gư̆n la Sră Jơno Jîng. Cro sơ̆t kŏng cahrña jăt lơ̆gay jơno găy sŏng dî cêh wăl nhòng lơ̆gay sră gư̆n, jăt gư̆ptî kơp bră ƀòn gô lơh dê.13Dàlîng jao nap wăl tơmpôl cro sơ̆t nhòng dàlîng, jơno sơ̆t gư̆m lơgơ lang-ƀùc jao nap tơmpôl cro sơ̆t anẵu gô, gừn kơp hê cro kŏng cahrña jăt gư̆ptî kơp bră lơh ƀòn gô dê.14Sŏng gư̆n jơno sơ̆t gư̆m lơgơ lang-ƀùc kŏng mbư̆ng nhòng brông oềs. Dô la jơno sơ̆t dơ̆ bea — rơ̆ la brông oềs.15Dilah cro găy kŏng cahrña tơmpơl ơ̆ dî cêh nơ̆m Sră Jơno Jîng, gừn cro rơ̆ kŏng mbư̆ng nhòng brông oềs.
FAR EAST BROADCASTING COMPANY