Matthew17
1Pro nge ma-ngkơi, Yang Jesu iyà băl Pier, băl î Jakơ gư̆m jăng oh ông, sŏng gư̆n Kơnràñ bơlăm dêh ƀòn gô hao du-lăm yồ yơng.2Kơnràñ sơlơ̆ să sơđàp măt ƀòn gô, gừn môh măt Kơnràñ ang gơcrà gư̆ptî măttơnge, hôm ao Kơnràñ gôjîng bẵu ƀlăk gư̆ptî jơno ang.3Gừn lăng năy, Môise băl î Êli sơđah-să sơđàp ƀòn gô, răk-sa î Kơnràñ.4Jơ gư̆n, tơm tô̆ pẵư dẵư, Pier tơs î Yang Jesu lah: “Khoai Yang, ngăn la niem ma ƀòn mơ̆n lơi ăm nơ̆m anẵu dô. Dilah Kơnràñ kơñ, ăñ rơp tơngñă nơ̆m anẵu dô păy-lăm kơjang — du-lăm ma cro bơtău, du-lăm ma Môise î du-lăm ma Êli.”5Nơ̆m dơ̆ ông hôm ndăng tơs, gừn lăng năy, du khô̆k tô̆ ang-blăk tơmbàk ƀòn gô, gừn lăng năy, du dẵư tơs bơh nhòng khô̆k tô̆, lah: “Dô la Kon kơñ-kơloh Ăñ jê, mà Ăñ niem-nùs ngăn anẵu Kon. Iet kơnău cĕ jơno Kon rơ̆.”6Tơm tô̆ kơnău jơno gư̆n lờt, lơ̆gay cro bơtê blă kơsrơ̆p măt î kơ̆mbrit-kơ̆mbròt ngăn.7Sŏng gư̆n Yang Jesu, ma-ngkơi jơ swà en gừn tơbi nơ̆m ƀòn gô, sŏng tơs lah: “Ñă atẵy cĕ gừn bư̆ng kơ̆mbrit-kơ̆mbròt.”8Mơya tơm tô̆ ngẵư măt mơ̆n cŭngsî, ƀòn gô ơ̆ tơmpơl cro găy nư̆ng sî du hôi Yang Jesu.9Tơm tô̆ ƀòn gô ndăng jư bơh nơ̆m yồ, Yang Jesu pơđơ ƀòn gô, lah: “Bư̆ng tơs wăl jơno mơ̆n tơmpơl î cro găy trôh dî jơ Kon-Mơnùs sŏng bơh anẵu sơ̆t jîng wăl.”10Lơ̆gay cro bơtê rơ̆ lùp Kơnràñ, lah: “Gừn ngglơh lơ̆gay cro bơtău jơno-bơlăm tơs la Êli păl trôh lai?”11Jơ gư̆n, tơm tô̆ kla dẵư, Kơnràñ tơs lah: “Bulah Êli păl trôh gừn rơp tơngñă wăl kơp bră.12Mơya ăñ tơs î oh mi lah Êli sŏng trôh lờt, gừn ƀòn gô ơ̆ gư̆t đăl ông. Ala sơgư̆n, ƀòn gô lơh wêl-tăl kơp jơno ƀòn gô kơñ î ông. Kŭng gư̆ptî gư̆n, Kon-Mơnùs mơn kŏng sơòs-sơngeh bơh ƀòn gô.”13Dơ̆ gư̆n, lơ̆gay cro bơtê wơng lah Kơnràñ tơs î ƀòn gô bơh Jăng Ƀaptis.14Tơm tô̆ sŏng trôh băl î tơmpôl lang bol, du hôi cro-klo trôh en Kơnràñ, cơdơn krô̆ng sơđàp Kơnràñ,15î tơs lah: “Ơ Yang, dăn kơñ-kơloh kon klo ăñ, bơh gô ờs kòp cơdoh sơ̆tkư̆ng gừn kŏng kơjơ̆ ngăn, bơh gô blă miek nơ̆m oềs, gư̆m duh blă miek nơ̆m dà.16Ăñ sŏng iyà gô trôh ma lơ̆gay cro bơtê Kơnràñ dê, mơya ƀòn gô ơ̆ sămƀeah dî ma gô.”17Jơ gư̆n, tơm tô̆ kla dẵư, Yang Jesu tơs lah: “Nŏk-noi ơ̆ don î tơmdră năy, ăñ rơp ăm î ƀòn mê trôh dî jơ găy? Rơp kŏng-ăt ƀòn mê trôh dî nhẵư jŏ teh? Iyà cĕ kon êt trôh ma ăñ.”18Yang Jesu ƀoah-đas gô, gừn cà tơlôh bơh kon êt, gừn gô dî sămƀeah bơh jơ gư̆n.19Tơmjăt bơh gư̆n, ma-ngkơi jơ tơmtom dêh Yang Jesu, lơ̆gay cro bơtê lùp lah: “Bơh jơno găy ƀòn hî ơ̆-rgê tơmprơh cà tơlôh dî?”20Sŏng gư̆n Kơnràñ tơs î ƀòn gô: “Tài bơh jơno don oh mi dê êt lŭi. Bơh iyŏ ngăn, ăñ tơs î oh mi, dilah oh mi dî jơno don gư̆ptî gơ nha-kai gời, gừn oh mi digơlăn rơp pơđơ yồ dơng dô: ‘Ñă swà cĕ bơh anẵu dô trôh anẵu năy,’ gừn gô rơp swà, gừn ơ̆ tom jơno găy ma oh mi ơ̆-rgê lơh dî.”21[Mơya tơmpôl cà dô ơ̆ lơh tơlôh dî, dilah ơ̆ tom jơno hôi-dăn gư̆m ăt sa.]22Jơ gư̆n, tơm tô̆ ƀòn gô bơjư̆m wăl găp nơ̆m Galile, Yang Jesu tơs î ƀòn gô lah: “Kon-Mơnùs mơñ kŏng lơboh nơ̆m tê cro nde,23gừn ƀòn gô rơp tơngsơ̆t Kơnràñ, sŏng gư̆n nơ̆m nge dơ̆ păy, Kơnràñ rơp dî lơh jîng wăl.” Lơ̆gay cro bơtê gôjîng moat-jrum ngăn.24Dơ̆ gư̆n, tơm tô̆ ƀòn gô sŏng swà trôh nơ̆m ƀòn dơng Kapenaum, tơmpôl cro lơboh-dia hîh jư̆m trôh tơmtom Pier, gừn lùp: “Cro bơtău mê dê ơ̆ lơboh-dia hîh jư̆m ơ̆h?”25Ông tơs lah: “Tom.” Gừn dơ̆ mơ̆t nơ̆m hîh lờt, Yang Jesu sŏng pẵư dẵư lai î ông, lah: “Ơ Simôn, jơno mê kơlôi gư̆n? Kơp cro bơtao nơ̆m dunya lơ e priè hala dia bơh cro găy? Bơh kon so ƀòn gô hala bơh cro lơgơ nde?”26Ma-ngkơi tơm jơ kla dẵư: “Bơh cro makin”, Yang Jesu tơs î ông: “Tîgư̆n kon so ơ̆ kă.27Mơya lơi ƀòn mơ̆n ơ̆ lơh sơmăm tìs ma ƀòn gô, gừn dơ̆ swà nơ̆m dàlîng, mê tơngduh wah î kơtô̆k cŭngsî ka kađòng wah lai. Ma-ngkơi jơ pẵư kang gô, mê rơp tơmpơl tom du đŏng priè. Dưñ dî priè gư̆n lờt, păl dờp ma ƀòn gô băl î pơnah ăñ gư̆m mê.”
FAR EAST BROADCASTING COMPANY