John15
1“Ăñ la sî ño ngăn, gừn Bàp ăñ la cro tăm ño.2Tơm tô̆ mbơlong găy nơ̆m ăñ ơ̆ tơlôh ple, gừn Kơnràñ koh lơi căư gô; hôm mbơlong găy tơlôh ple, gừn Kơnràñ koh mhơ̆ mbơlong gư̆n lơi gô digơlăn tơlôh ple khăi rlo.3Oh mi dî lơhiê lờt kơnơm bơh jơno mà ăñ sŏng tơs ma oh mi.4Păl kư̆ ăm nơ̆m ăñ, gừn ăñ ăm nơ̆m oh mi. Mơmơh tîgay mbơlong ño ơ̆ tăl pran dêh bơh gô tơlôh ple dilah gô ơ̆ kư̆ ăm nơ̆m sî ño, gừn kŭng tîrơ̆, oh mi ơ̆ dêh bơh sătan mơ̆n tơlôh ple dilah oh mi ơ̆ kư̆ ăm nơ̆m ăñ.5Ăñ la sî ño, oh mi la mbơlong. Cro găy kư̆ ăm nơ̆m ăñ, gừn ăñ ăm nơ̆m cro gư̆n, gừn cro rơ̆ tơlôh ple khăi, tài bơh tơmcơlah bơh ăñ, oh mi ơ̆ digơlăn lơh dî jơno găy.6Dilah cro găy ơ̆ ăm nơ̆m ăñ, gừn cro rơ̆ kŏng mbư̆ng tơlôh makin gư̆ptî mbơlong rău, cro tơmƀù gô gừn mbư̆ng nơ̆m oềs, sŏng gư̆n gô oềs sa.7Dilah oh mi kư̆ ăm nơ̆m ăñ, î jơno ăñ kư̆ ăm nơ̆m oh mi, dăn cĕ jơno găy mơ̆n kơñ, gừn jơno gư̆n rơp dî lơh ma oh mi.8Bàp ăñ dî jong-rơ nơ̆m jơno dô, rơ̆ la oh mi tơlôh ple khăi gừn oh mi gôjîng cro bơtê ăñ dê.9Bàp sŏng kơñ-kơloh ăñ tîgay, ăñ kŭng kơñ-kơloh oh mi gư̆p tîrơ̆. Păl kư̆ ăm nơ̆m jơno kơñ-kơloh ăñ jê.10Dilah oh mi prăp jư lơ̆gay jơno-bơlăm ăñ dê, gừn oh mi rơp kư̆ ăm nơ̆m jơno kơñ-kơloh ăñ jê, gư̆ptî ăñ sŏng prăp jư lơ̆gay jơno-bơlăm Bàp dê î kư̆ ăm nơ̆m jơno kơñ-kơloh Kơnràñ dê.11Ăñ sŏng tơs lơ̆gay jơno dô ma oh mi, lơi jơno sơhờp ăñ dê ăm nơ̆m oh mi, î jơno sơhờp oh mi dê dî wêl-tăl.12Dô la jơno-bơlăm ăñ jê, rơ̆ la oh mi păl kơñ-kơloh băl ma găp gư̆ptî ăñ sŏng kơñ-kơloh oh mi.13Ơ̆ cro găy dî jơno kơloh dơng rlo gư̆ptî dô — rơ̆ la du hôi cro phi rai-jîng mơ̆n măư ma lơ̆gay cro bơyô cro gư̆n.14Oh mi la cro bơyô ăñ jê dilah oh mi lơh lơ̆gay jơno ăñ ƀăn mơntău ma oh mi.15Ăñ ơ̆ sơnăn oh mi la cro dê̆ te, bơh cro dê̆ ơ̆ gư̆t bră cro pơnhơm mơ̆n lơh. Mơya ăñ sơnăn oh mi la cro bơyô, bơh lơ̆gay bră mà ăñ sŏng kơnău bơh anẵu Bàp ăñ, gừn ăñ tơs ma oh mi gư̆t.16Ơ̆-iyŏ oh mi săc-rwơh ăñ, mơya ăñ săc-rwơh oh mi î jao gơnoăr bră oh mi, lơi oh mi swà, dî tơlôh ple-đău, gừn ple oh mi dî hôm wăl, lơi kơp jơno găy mà oh mi e sơnăn ăñ hôi-dăn î Bàp, gừn Kơnràñ rơp dờp ma oh mi.17Ăñ ƀăn mơntău ma oh mi lơ̆gay jơno dô lơi ma oh mi kơñ-kơloh băl î găp.18Dilah dunya ngañ oh mi, gừn păl gư̆t lah dunya ngañ ăñ lai oh mi lờt.19Dilah oh mi gôtrê ma dunya, gừn dunya rơp kơñ-kơloh cro gôtrê ma gô. Mơya bơh oh mi ơ̆ gôtrê ma dunya, mà tơblơ̆ wăl, ăñ sŏng săc-rwơh oh mi bơh nhòng dunya, gư̆n-jîng dunya ngañ oh mi.20Sơdơ wăl cĕ jơno mà ăñ sŏng tơs î oh mi lah: ‘Cro dê̆ gừn ơ̆ dơng rlo cro pơnhơm mơ̆n dê.’ Dilah ƀòn gô kơ̆p rôn-bơklơ̆n ăñ, gừn ƀòn gô kŭng rơp kơ̆p rôn-bơklơ̆n oh mi; dilah ƀòn gô prăp jư jơno ăñ, gừn ƀòn gô kŭng rơp prăp jư jơno oh mi dê.21Mơya tài bơh sơnăn ăñ, ƀòn gô rơp lơh lơ̆gay bră gư̆n î oh mi, tài bơh ƀòn gô ơ̆ tom đăl gư̆t Bơtao pơđơ ăñ.22Dilah ăñ ơ̆ trôh gư̆m tơs bơtău ma ƀòn gô, gừn ƀòn gô ơ̆ tom glài, mơya jai dô, ƀòn gô ơ̆ dî jơno găy tơmpẵu ma tồi-glài sătan ƀòn gô dê.23Cro găy ngañ ăñ gừn kŭng ngañ Bàp ăñ.24Dilah ăñ ơ̆ tom lơh nhòng ƀòn gô lơ̆gay bră ơ̆ tom cro găy nde lơh dî, gừn ƀòn gô ơ̆ tom glài, mơya jơ dô ƀòn gô tơmpơl sŏng gư̆n ngañ gư̆m ăñ băl î Bàp ăñ.25Mơya, rơ̆ la lơi dî sơlôh jîng iyŏ ngăn jơno dî cêh nơ̆m jơno-bơlăm ƀòn gô dê lah: ‘Ƀòn gô ngañ ăñ ơ̆ gư̆t bơh bră găy.’26Tơm tô̆ Bơtao Mơ̆ndơm-Mơ̆nieng trôh, rơ̆ la Bơtao bơh anẵu Bàp mà ăñ rơp pơđơ trôh ma oh mi, la Hwîng Tơpăt-Ngăn bơh bơlao Bàp — Kơnràñ rơp lơh cư̆ng bơh ăñ.27Mà oh mi kŭng lơh cư̆ng te, bơh oh mi ăm î ăñ ƀăt bơhsơm.”
FAR EAST BROADCASTING COMPANY