Ephesians5
1Tîgư̆n, păl gôjîng tơmpôl cro kơt jăt Yang Tơm Trồ, gư̆ptî kon so dî Kơnràñ kơñ-kơloh ngăn,2gừn ăm jîng cĕ nơ̆m jơno kơñ-kơloh, kŭng gư̆ptî Yang Dŏng-Klàs sŏng kơñ-kơloh ƀòn mơ̆n î phi jơno jîng sătan Kơnràñ bơh ƀòn mơ̆n gư̆ptî du-lăm jơno duh-khoai î jơno ăn duh-khoai ƀôhơ̆ niem-lơhơn ăn ma Yang Tơm Trồ.3Hôm jơno ăm rês-àr bơnan, băl î lơ̆gay jơno ơ̆ lơhiê hala ham-hà gừn tien gơs kŭng bư̆ng kah trôh nhòng tĕdơ oh mi rôh lŏ, mơya jơno gư̆n la dî păl ngăn î lơ̆gay cro sang-goh,4kŭng bư̆ng tơs jơno wac-rma, jơno tơs tìs, hala jơno tơs maên ơ̆ kingam — la lơ̆gay jơno ơ̆ dî păl — mà ala bơh gư̆n păl e jơno ưnngai.5Ngăn tîrơ̆, gư̆t cĕ jơno dô nê̆-năn ngăn lah lơ̆gay cro rês-àr bơnan, ơ̆ lơhiê, hala ham-hà — rơ̆ la cro duh-khoai rồp-ràk — ơ̆ dî srăy-brê nơ̆m dà lơgơ Yang Dŏng-Klàs î Yang Tơm Trồ.6Bư̆ng lơi cro găy pơlum oh mi rôh lŏ bơh î lơ̆gay jơno tơs hwơng gời, tài bơh lơ̆gay jơno gư̆n, jơno tơcao dơng Yang Tơm Trồ trôh nteàh nơ̆m lơ̆gay kon so ơ̆ don kơ̆mbrit.7Gư̆n-jîng, oh mi rôh lŏ bư̆ng lơh sơlôh gôjîng tơmpôl cro ngui ăm băl î ƀòn gô,8bơh lai mađàp ƀua oh mi rôh lŏ hôm ăm nơ̆m jơno kơnăm ñô̆ng, mơya nge dô la jơno ang nơ̆m Yang. Ăm jîng cĕ gư̆ptî kon so jơno ang9(bơh ple-bơkao jơno ang ăm nhòng lơ̆gay jơno niem-lơhơn, tơpăt-durư̆ng, î tơpăt-ngăn),10tơm tô̆ kơhea-să lăng swì jơno găy la jơno niem-nùs Yang.11Bư̆ng ngui ăm băl nơ̆m lơ̆gay bră ơ̆ kwơ jơno kơnăm ñô̆ng, mơya păl rang sơđah gô makin la niem rlo,12bơh ngăn la ƀas ngăn môh măt tơm tô̆ nư̆ng tơs wăl trôh lơ̆gay bră ƀòn gô lơh dubă ndăp-ndơ.13Mơya lơ̆gay jơno dî tơmpơl nê̆-năn tơm tô̆ dî sơđah tơlôh bơh jơno ang, bơh lơ̆gay jơno dî tơmpơl nê̆-năn kŭng la jơno ang.14Gư̆n-jîng, tom jơno tơs lah:“Păl kah-rngăl, ơ cro ndăng bĭc,lôh ñă atẵy cĕ bơh nơ̆m tơmpôl cro sơ̆t,Yang Dŏng-Klàs rơp jroh bơang mê.”15Gư̆n-jîng, lăng kơhea cĕ să bơh gung dà oh mi rôh lŏ ndăng jîng ăm — bư̆ng gư̆ptî cro wì-lơngôh mơya păl gư̆ptî cro jăk-sai,16ngui cĕ tô̆ jơ lơwah, bơh lơ̆gay nge la bờk.17Gư̆n-jîng, bư̆ng gôjîng gư̆ptî cro wì-lơngôh, mơya păl wơng jơno găy la jơno nùs-kơñ Yang.18Bư̆ng mañơ̆l alăk, bơh jơno gư̆n la jơno gơlîng-gơlang. Tơblơ̆ wăl, dî bîng-jut cĕ Yang Hwîng Goh,19tơmhăư băl î găp bơh î jơno tơs-crih, jơno đas-sờ î seng đas-sờ đah hwîng, î nùs-nhơ̆m mơ̆n đas-sờ gư̆m jong-rơ Yang,20e jơno ưnngai Yang Tơm Trồ, la Bàp, nơ̆m kơp jơ bơh lơ̆gay jơno păl e sơnăn Yang Dŏng-klàs Jesu, Yang ƀòn mơ̆n,21gư̆m don-duh î găp nơ̆m jơno duh kơ̆mbrit Yang Dŏng-Klàs —22Cro la bo-ua, păl don-duh bo-klo mơ̆n gư̆ptî don-duh Yang.23Bơh bo-klo la găl bo-ua, kŭng gư̆ptî Yang Dŏng-Klàs la găl hîh jư̆m goh — să tơm Kơnràñ la Yang Dŏng-Klàs să-jăn dê.24Mơya, hîh jư̆m goh don-duh Yang Dŏng-Klàs gư̆p tîgay gừn bo-ua kŭng păl don-duh bo-klo mơ̆n nơ̆m kờp bră gư̆p tîgư̆n.25Cro la bo-klo, kơñ-kơloh cĕ bo-ua mơ̆n, kŭng gư̆ptî Yang Dŏng-Klàs sŏng kơñ-kơloh hîh jư̆m goh gư̆m kŏng sơ̆t să tơm mơ̆n bơh hîh jư̆m goh,26lơi Kơnràñ digơlăn lơh lơhiê tơmpôl gư̆n, ma-ngkơi jơ lơh sơlôh jîng lơhiê î jơno rao lơhiê bơh dà dê băl î jơno Yang,27lơi ma Kơnràñ iyà sơđah ma să mơ̆n du hîh jư̆m goh gơklŏ, ơ̆ tom têl sơmơ̆ hala kơñăc, hala ơ̆ tom jơno găy gư̆p tîgư̆n, mơya lơi mpôl dî sang-goh gư̆m ơ̆ anẵu găy ƀoah đas dî.28Jăt dubă gư̆p tîgư̆n gừn bo-klo kŭng păl kơloh bo-ua mơ̆n gư̆ptî sătan mơ̆n. Cro bo-klo kơloh bo-ua mơ̆n dê la kơloh sătan mơ̆n.29Tài bơh ơ̆ tom cro găy ngañ dêh să-jăn mơ̆n ơ̆h, mơya rong-siem î rong jư gô, kŭng gư̆ptî bră Yang Dŏng-Klàs lơh î hîh jư̆m goh,30bơh ƀòn mơ̆n la lơ̆gay pơnah să-jăn Kơnràñ dê.31“Bơh jơno gư̆n, cro-klo rơp swà tơlôh bơh mơi bàp gừn kađie-kađieh î bo-ua mơ̆n, bea hê rơp gôjîng du rlău băl.”32Jơno ndăp-ndơ dô dơng rlo gư̆t nhẵư — mơya ăñ ndăng tơs bơh Yang Dŏng-Klàs î bơh hîh jư̆m goh.33Bulah tîgư̆n, oh mi rôh lŏ kŭng jăt gư̆p tîgư̆n — kơp du hôi du hôi cro — kơp bo-klo păl kơñ-kơloh bo-ua mơ̆n gư̆ptî sătan mơ̆n, hôm bo-ua gư̆n păl don-duh bo-klo mơ̆n.
FAR EAST BROADCASTING COMPANY